Aðrar útgáfur af skjalinu:
PDF
Word Perfect.
Þingskjal 607, 132. löggjafarþing 18. mál: staðgreiðsla opinberra gjalda (vanskil á vörslufé).
Lög nr. 134 20. desember 2005.
I. KAFLI
Breytingar á lögum nr. 45/1987, um staðgreiðslu opinberra gjalda, með áorðnum breytingum.
II. KAFLI
Breytingar á lögum nr. 50/1988, um virðisaukaskatt, með áorðnum breytingum.
III. KAFLI
Breytingar á lögum nr. 90/2003, um tekjuskatt og eignarskatt, með áorðnum breytingum.
IV. KAFLI
Breytingar á lögum nr. 94/1996, um staðgreiðslu skatts á fjármagnstekjur, með áorðnum breytingum.
Þingskjal 607, 132. löggjafarþing 18. mál: staðgreiðsla opinberra gjalda (vanskil á vörslufé).
Lög nr. 134 20. desember 2005.
Lög um breytingu á lögum um staðgreiðslu opinberra gjalda, nr. 45/1987, og fleiri lögum.
1. gr.
Á eftir 1. málsl. 2. mgr. 30. gr. laganna kemur nýr málsliður, svohljóðandi: Fésektarlágmark samkvæmt þessari málsgrein á ekki við hafi brot einskorðast við að standa ekki skil á réttilega tilgreindri staðgreiðslu samkvæmt skilagrein staðgreiðslu, enda hafi verið staðin skil á verulegum hluta skattfjárhæðar eða málsbætur eru miklar.2. gr.
Eftirfarandi breytingar verða á 31. gr. laganna:- Í stað orðanna „2. mgr.“ í 1. mgr. kemur: 4. mgr.
- Á eftir 1. mgr. koma tvær nýjar málsgreinar, svohljóðandi:
Vararefsing fylgir ekki ákvörðun skattrannsóknarstjóra ríkisins. Um innheimtu sekta sem ákveðnar eru af skattrannsóknarstjóra gilda sömu reglur og um innheimtu vanskilafjár og álags samkvæmt lögum þessum. Einnig má beita 3. mgr. 29. gr. eftir því sem við á. Senda skal ríkissaksóknara skrá yfir mál sem lokið er samkvæmt þessu ákvæði. Telji ríkissaksóknari að saklaus maður hafi verið látinn gangast undir sektarákvörðun skv. 2. mgr. eða málalok hafi verið fjarstæð að öðru leyti getur hann borið málið undir dómara til ónýtingar ákvörðun skattrannsóknarstjóra.
3. gr.
Á eftir 1. málsl. 1. mgr. 40. gr. laganna kemur nýr málsliður, svohljóðandi: Fésektarlágmark samkvæmt þessari málsgrein á ekki við hafi brot einskorðast við að standa ekki skil á réttilega tilgreindum virðisaukaskatti samkvæmt virðisaukaskattsskýrslu, enda hafi verið staðin skil á verulegum hluta skattfjárhæðar eða málsbætur eru miklar.4. gr.
Eftirfarandi breytingar verða á 41. gr. laganna:- Í stað orðanna „2. mgr.“ í 1. mgr. kemur: 4. mgr.
- Á eftir 1. mgr. koma tvær nýjar málsgreinar, svohljóðandi:
Vararefsing fylgir ekki ákvörðun skattrannsóknarstjóra ríkisins. Um innheimtu sekta sem ákveðnar eru af skattrannsóknarstjóra gilda sömu reglur og um innheimtu vanskilafjár og álags samkvæmt lögum þessum. Einnig má beita 3. mgr. 28. gr. eftir því sem við á. Senda skal ríkissaksóknara skrá yfir mál sem lokið er samkvæmt þessu ákvæði. Telji ríkissaksóknari að saklaus maður hafi verið látinn gangast undir sektarákvörðun skv. 2. mgr. eða málalok hafi verið fjarstæð að öðru leyti getur hann borið málið undir dómara til ónýtingar ákvörðun skattrannsóknarstjóra.
5. gr.
Eftirfarandi breytingar verða á 110. gr. laganna:- Í stað orðanna „2. mgr.“ í 1. mgr. kemur: 4. mgr.
- Á eftir 1. mgr. koma tvær nýjar málsgreinar, svohljóðandi:
Vararefsing fylgir ekki ákvörðun skattrannsóknarstjóra ríkisins. Um innheimtu sekta sem ákveðnar eru af skattrannsóknarstjóra gilda sömu reglur og um skatta samkvæmt lögum þessum, þar á meðal um lögtaksrétt. Senda skal ríkissaksóknara skrá yfir mál sem lokið er samkvæmt þessu ákvæði. Telji ríkissaksóknari að saklaus maður hafi verið látinn gangast undir sektarákvörðun skv. 2. mgr. eða málalok hafi verið fjarstæð að öðru leyti getur hann borið málið undir dómara til ónýtingar ákvörðun skattrannsóknarstjóra.
6. gr.
Á eftir 1. málsl. 2. mgr. 19. gr. laganna kemur nýr málsliður, svohljóðandi: Fésektarlágmark samkvæmt þessari málsgrein á ekki við hafi brot einskorðast við að standa ekki skil á réttilega tilgreindri staðgreiðslu samkvæmt skilagrein, enda hafi verið staðin skil á verulegum hluta skattfjárhæðar eða málsbætur eru miklar.7. gr.
Eftirfarandi breytingar verða á 20. gr. laganna:- Í stað orðanna „2. mgr.“ í 1. mgr. kemur: 4. mgr.
- Á eftir 1. mgr. koma tvær nýjar málsgreinar, svohljóðandi:
Vararefsing fylgir ekki ákvörðun skattrannsóknarstjóra ríkisins. Um innheimtu sekta sem ákveðnar eru af skattrannsóknarstjóra gilda sömu reglur og um innheimtu vanskilafjár og álags samkvæmt lögum þessum. Einnig má beita 4. mgr. 18. gr. eftir því sem við á. Senda skal ríkissaksóknara skrá yfir mál sem lokið er samkvæmt þessu ákvæði. Telji ríkissaksóknari að saklaus maður hafi verið látinn gangast undir sektarákvörðun skv. 2. mgr. eða málalok hafi verið fjarstæð að öðru leyti getur hann borið málið undir dómara til ónýtingar ákvörðun skattrannsóknarstjóra.
8. gr.
Lög þessi öðlast þegar gildi.Samþykkt á Alþingi 9. desember 2005.