Aðrar útgáfur af skjalinu: PDF - Word Perfect. Ferill 698. máls.
132. löggjafarþing 2005–2006.
Þskj. 1412 — 698. mál.
heilbrigðisráðherra við fyrirspurn Guðjóns Hjörleifssonar um framkvæmdir á Heilbrigðisstofnun Vestmannaeyja.
Fyrirspurnin hljóðar svo:
1. Hvenær er áætlað að ljúka framkvæmdum á 3. hæð í suðurálmu Heilbrigðisstofnunar Vestmannaeyja, en framkvæmdum í austurálmunni lauk 2004?
2. Hver er áætlaður kostnaður við verkið?
3. Hver var kostnaður við þær framkvæmdir sem þegar er lokið, en í upphafi voru áætlaðar 150 millj. kr. í framkvæmdir á hæðinni?
Samið var um endurbætur á Sjúkrahúsinu í Vestmannaeyjum í mars 2001. Tók sá samningur til endurbóta á 2. og 3. hæð hússins en framkvæmdum í kjallara var frestað. Umsamið verk skyldi unnið á árunum 2001 til og með 2003. Á verktímanum varð ljóst að gera þurfti endurbætur í kjallara til að koma þar fyrir nýju loftræstikerfi. Vegna þeirra framkvæmda var dregið úr framkvæmdum á 3. hæð hússins. Verkið var unnið í tveimur áföngum og var lokaúttekt seinni áfanga í júlí 2004.
Þar sem ekki liggja fyrir ákvarðanir um fjárveitingar til framhalds verksins er ekki unnt að svara því hvenær lokið verður við framkvæmdir.
Áætlaður kostnaður við að ljúka framkvæmdum á 3. hæð er um 45 millj. kr. en lokaframkvæmdir í kjallara eru taldar kosta um 15 millj. kr. eða samtals um 60 millj. kr.
Heildarkostnaður við þær endurbætur sem þegar hafa verið gerðar er 152 millj. kr.
132. löggjafarþing 2005–2006.
Þskj. 1412 — 698. mál.
Svar
heilbrigðisráðherra við fyrirspurn Guðjóns Hjörleifssonar um framkvæmdir á Heilbrigðisstofnun Vestmannaeyja.
Fyrirspurnin hljóðar svo:
1. Hvenær er áætlað að ljúka framkvæmdum á 3. hæð í suðurálmu Heilbrigðisstofnunar Vestmannaeyja, en framkvæmdum í austurálmunni lauk 2004?
2. Hver er áætlaður kostnaður við verkið?
3. Hver var kostnaður við þær framkvæmdir sem þegar er lokið, en í upphafi voru áætlaðar 150 millj. kr. í framkvæmdir á hæðinni?
Samið var um endurbætur á Sjúkrahúsinu í Vestmannaeyjum í mars 2001. Tók sá samningur til endurbóta á 2. og 3. hæð hússins en framkvæmdum í kjallara var frestað. Umsamið verk skyldi unnið á árunum 2001 til og með 2003. Á verktímanum varð ljóst að gera þurfti endurbætur í kjallara til að koma þar fyrir nýju loftræstikerfi. Vegna þeirra framkvæmda var dregið úr framkvæmdum á 3. hæð hússins. Verkið var unnið í tveimur áföngum og var lokaúttekt seinni áfanga í júlí 2004.
Þar sem ekki liggja fyrir ákvarðanir um fjárveitingar til framhalds verksins er ekki unnt að svara því hvenær lokið verður við framkvæmdir.
Áætlaður kostnaður við að ljúka framkvæmdum á 3. hæð er um 45 millj. kr. en lokaframkvæmdir í kjallara eru taldar kosta um 15 millj. kr. eða samtals um 60 millj. kr.
Heildarkostnaður við þær endurbætur sem þegar hafa verið gerðar er 152 millj. kr.