Aðrar útgáfur af skjalinu: PDF - Word Perfect. Ferill 424. máls.
133. löggjafarþing 2006–2007.
Þskj. 717 — 424. mál.
dómsmálaráðherra við fyrirspurn Björgvins G. Sigurðssonar um magn og verðmæti ólöglegra fíkniefna.
1. Hvert hefur verið áætlað götuverðmæti ólöglegra fíkniefna á Íslandi síðustu tuttugu árin, sundurliðað eftir árum og efnum sem talið er að hafi verið á markaði hverju sinni?
Dóms- og kirkjumálaráðuneytið hefur ekki vitneskju um verðmæti ólöglegra fíkniefna á Íslandi síðustu tuttugu ár, enda er skráning lögreglunnar á svonefndu götuverði fíkniefna ekki samræmd á landsvísu og upplýsingar um götuverðið því ekki til. Í tilefni af fyrirspurn Jóhönnu Sigurðardóttur alþingismanns, á Alþingi nú á dögunum um sama efni, tók lögreglan í Reykjavík saman eftirfarandi upplýsingar um götuverð á fjórum algengustu tegundum fíkniefna, eins og það er talið vera um þessar mundir.
2. Hvert er áætlað magn slíkra efna í landinu á sama tíma, sundurliðað eftir árum og efnum?
Ómögulegt er að áætla hversu mikið magn fíkniefna er í umferð á hverjum tíma. Víða í löndum er við það miðað að löggæsluyfirvöld leggi hald á 5–10% fíkniefna sem eru í umferð. Þetta mat byggist ekki á skilgreindum forsendum og með hliðsjón af því gæti þetta hlutfall verið með svipuðum hætti hér á landi.
3. Hvað var lagt hald á mikið af ólöglegum fíkniefnum á þessum árum, sundurliðað eftir árum og efnum?
Ríkislögreglustjóri hefur frá árinu 1999 haldið skrá yfir þau fíkniefni sem lögreglustjórar leggja hald á. Í meðfylgjandi töflu eru heildartölur yfir magn og tegundir fíkniefna sem lagt var hald á 1999–2005. Sömu upplýsingar fyrir árið 2006 liggja ekki fyrir þar sem endanlegri skráningu fíkniefna í mörgum málum er ekki lokið.
133. löggjafarþing 2006–2007.
Þskj. 717 — 424. mál.
Svar
dómsmálaráðherra við fyrirspurn Björgvins G. Sigurðssonar um magn og verðmæti ólöglegra fíkniefna.
1. Hvert hefur verið áætlað götuverðmæti ólöglegra fíkniefna á Íslandi síðustu tuttugu árin, sundurliðað eftir árum og efnum sem talið er að hafi verið á markaði hverju sinni?
Dóms- og kirkjumálaráðuneytið hefur ekki vitneskju um verðmæti ólöglegra fíkniefna á Íslandi síðustu tuttugu ár, enda er skráning lögreglunnar á svonefndu götuverði fíkniefna ekki samræmd á landsvísu og upplýsingar um götuverðið því ekki til. Í tilefni af fyrirspurn Jóhönnu Sigurðardóttur alþingismanns, á Alþingi nú á dögunum um sama efni, tók lögreglan í Reykjavík saman eftirfarandi upplýsingar um götuverð á fjórum algengustu tegundum fíkniefna, eins og það er talið vera um þessar mundir.
Ætlað götuverð á nokkrum tegundum fíkniefna árið 2005
samkvæmt upplýsingum frá lögreglunni í Reykjavík.
Verð í kr. | |
Hass (1 g) | 2.000–2.500 |
Amfetamín (1 g) | 5.000–7.000 |
Kókaín (1 g) | 13.000–17.000 |
Maríhúana (1 g) | 2.000 |
2. Hvert er áætlað magn slíkra efna í landinu á sama tíma, sundurliðað eftir árum og efnum?
Ómögulegt er að áætla hversu mikið magn fíkniefna er í umferð á hverjum tíma. Víða í löndum er við það miðað að löggæsluyfirvöld leggi hald á 5–10% fíkniefna sem eru í umferð. Þetta mat byggist ekki á skilgreindum forsendum og með hliðsjón af því gæti þetta hlutfall verið með svipuðum hætti hér á landi.
3. Hvað var lagt hald á mikið af ólöglegum fíkniefnum á þessum árum, sundurliðað eftir árum og efnum?
Ríkislögreglustjóri hefur frá árinu 1999 haldið skrá yfir þau fíkniefni sem lögreglustjórar leggja hald á. Í meðfylgjandi töflu eru heildartölur yfir magn og tegundir fíkniefna sem lagt var hald á 1999–2005. Sömu upplýsingar fyrir árið 2006 liggja ekki fyrir þar sem endanlegri skráningu fíkniefna í mörgum málum er ekki lokið.
Fíkniefni sem lagt var hald á af lögreglu og tollgæslu frá 1999 til 2005.
2005 | 2004 | 2003 | 2002 | 2001 | 2000 | 1999 | |
Hass (g) | 20.772,2 | 36.944,79 | 54.967,69 | 57.563,83 | 46.857,54 | 26.630,34 | 41.622,10 |
Fræ (g) | 123,7 | 62,98 | 64,15 | 198,35 | 24,52 | 17,5 | 48,88 |
Fræ (stk.) | 15,9 | 428 | 857 | 408 | 330,45 | 940 | 61 |
Plöntur (stk.) | 892 | 1.195 | 1.794 | 1.207 | 903 | 73 | 0 |
Maríhúana (g) | 4.831,7 | 2.373,10 | 3.361,81 | 1.439,47 | 1.214,70 | 5.093,62 | 502,83 |
Tóbaksblandað hass (g) | 405,8 | 303,22 | 320,28 | 159,07 | 134,87 | 117,63 | 201,99 |
Kannabislauf (g) | 11.138,9 | 1.755,67 | 9.875,32 | 3.606,76 | 0 | – | – |
Kannabisstönglar (g) | 3.171,1 | 1.681,48 | 3.677,70 | 85,65 | 1,74 | – | – |
Amfetamín (g) | 8.931,9 | 15.783,04 | 2.945,40 | 7.161,22 | 1.018,94 | 10.267,46 | 5.078,1 |
Amfetamín (stk.) | 986,3 | 75 | 309,5 | 109 | 2 | 17,5 | 57 |
Metamfetamín (g) | 3.987,2 | 303,1 | |||||
Kókaín (g) | 1.138,8 | 6.159,97 | 1.192,09 | 1.869,56 | 598,87 | 944,88 | 955,43 |
E-töflur (g) | 136,22 | 22,01 | 21,22 | 6,36 | 293,02 | 79,22 | 17,83 |
E-töflur (stk.) | 1.518,5 | 7.532,4 | 3.189,75 | 814,5 | 93.715,50 | 22.056,5 | 7.478 |
Heróín (g) | 0 | 0,05 | 2,89 | 0,16 | 0 | 0 | 0,57 |
LSD (stk.) | 4.346 | 2.032 | 1 | 0 | 40 | 15 | 338,5 |
LSD (ml) | 0 | 0 | 0 | 0 | 0 | 3 | 0 |