Aðrar útgáfur af skjalinu: PDF - Word Perfect. Ferill 361. máls.
133. löggjafarþing 2006–2007.
Þskj. 1187 — 361. mál.
menntamálaráðherra við fyrirspurn Adolfs H. Berndsens um fjarnámssetur.
Leitað hefur verið upplýsinga hjá níu símenntunarmiðstöðvum á landsbyggðinni vegna fyrirspurnarinnar, kannaður fjöldi virkra FS-nets tenginga og byggt á öðrum fyrirliggjandi gögnum í vörslu ráðuneytisins. Rekstur svonefndra fjarnámssetra getur verið breytilegur frá einum tíma til annars, háður staðbundinni eftirspurn og aðstæðum. Jafnframt skal tekið fram að aðstæður þar sem hægt er að stunda framhalds- og háskólanám geta verið til staðar án þess að slík starfsemi fari þar fram. Ekki hefur verið gerð tilraun til að meta aðstæður á höfuðborgarsvæðinu.
1. Í hversu mörgum og hvaða sveitarfélögum eru rekin fjarnámssetur þar sem hægt er að stunda framhalds- og háskólanám?
Aðstæður til fjarnáms á framhalds- og háskólastigi eru við allar níu símenntunarmiðstöðvar á landsbyggðinni. Jafnframt eru skráðar FS-nets tengingar við um 30 staði víða um land. Samtals eru því a.m.k. 38 setur þar sem lágmarksaðstæður eru til að stunda framhalds- og háskólanám á landsbyggðinni. Í upphafi árs 2007 eru 27 virk námsetur á landsbyggðinni auk símenntunarmiðstöðvanna.
Á Vesturlandi eru auk Símenntunarmiðstöðvar Vesturlands í Borgarnesi, fjögur námsver á Hellissandi, í Stykkishólmi, í Búðardal og á Akranesi. Á Vestfjörðum eru auk Fræðslumiðstöðvar Vestfjarða á Ísafirði, fimm námsver á Hólmavík, Patreksfirði, Tálknafirði, Bíldudal og Birkimel. Á Norðurlandi vestra eru auk Farskólans, miðstöðvar símenntunar á Norðurlandi vestra á Sauðárkróki, fjögur námsver á Hvammstanga, Blönduósi, Skagaströnd og Siglufirði. Í Eyjafirði er námsver á Dalvík auk Símenntunarmiðstöðvar Eyjafjarðar á Akureyri. Í Þingeyjarsýslum eru fimm námsver auk Þekkingarseturs Þingeyinga á Húsavík og eru þau á Þórshöfn, Raufarhöfn, Kópaskeri, að Reykjahlíð í Mývatnsveit og að Laugum. Á Austurlandi eru fimm námsver auk Þekkingarnets Austurlands á Egilsstöðum. Þau eru á Vopnafirði, í Neskaupsstað, á Fáskrúðsfirði, Djúpavogi og í Höfn. Á Suðurlandi eru fjögur námsver auk Fræðslunets Suðurlands á Selfossi. Þau eru að Flúðum, á Hvolsvelli, í Vík og á Kirkjubæjarklaustri.
2. Hversu margir hafa stundað nám í fjarnámssetrunum á árunum 2003–2006?
Ekki liggja fyrir heildstæðar eða samanburðarhæfar upplýsingar um það hversu margir hafi stundað nám í fjarnámssetrum utan símenntunarmiðstöðvanna árin 2003–2006. Hins vegar hefur menntamálaráðuneytið tekið saman upplýsingar um fjölda nemenda er stunduðu fjarnám við símenntunarmiðstöðvarnar árin 2000–2005, sjá töflu.
3. Liggja fyrir upplýsingar um stofn- og rekstrarkostnað sveitarfélaganna vegna fjarnámssetranna?
Upplýsingar um stofn- og rekstrarkostnað sveitarfélaganna liggja ekki fyrir nema að takmörkuðu leyti og eru ekki samanburðarhæfar. Hins vegar má benda á að framlög ríkisins til símenntunarmiðstöðvanna vegna rekstrar og greiðslna vegna FS-nets hafa farið hækkandi undanfarin ár úr 63 millj. kr. árið 2001; í 76,5 millj. kr. árið 2002; 81 millj. kr. árið 2003; 91,8 millj. kr. árið 2004; 96,7 millj. kr. árið 2005; 100,7 millj. kr. árið 2006 og í 110 millj. kr. árið 2007.
4. Hefur ráðuneytið uppi áform um að koma enn frekar til móts við kostnað sveitarfélaganna vegna þessa?
Á undanförnum árum hefur ágætt samstarf tekist milli símenntunarmiðstöðvanna og menntamálaráðuneytisins. Fjárveitingar til símenntunarmiðstöðvanna hafa verið auknar og þær hafa einnig verið efldar í tengslum við samkomulag ríkisins við aðila vinnumarkaðarins. Þannig hefur t.d. starfs- og námsráðgjöf verið stórlega efld og mun enn eflast. Aðkoma sveitarfélaganna að þessu verki er afar jákvæð og vonir ráðuneytisins standa til þess að þau muni á komandi misserum sinna þessu starfi af jafnmiklum eða enn meiri áhuga en verið hefur í góðu samstarfi við ráðuneytið.
133. löggjafarþing 2006–2007.
Þskj. 1187 — 361. mál.
Svar
menntamálaráðherra við fyrirspurn Adolfs H. Berndsens um fjarnámssetur.
Leitað hefur verið upplýsinga hjá níu símenntunarmiðstöðvum á landsbyggðinni vegna fyrirspurnarinnar, kannaður fjöldi virkra FS-nets tenginga og byggt á öðrum fyrirliggjandi gögnum í vörslu ráðuneytisins. Rekstur svonefndra fjarnámssetra getur verið breytilegur frá einum tíma til annars, háður staðbundinni eftirspurn og aðstæðum. Jafnframt skal tekið fram að aðstæður þar sem hægt er að stunda framhalds- og háskólanám geta verið til staðar án þess að slík starfsemi fari þar fram. Ekki hefur verið gerð tilraun til að meta aðstæður á höfuðborgarsvæðinu.
1. Í hversu mörgum og hvaða sveitarfélögum eru rekin fjarnámssetur þar sem hægt er að stunda framhalds- og háskólanám?
Aðstæður til fjarnáms á framhalds- og háskólastigi eru við allar níu símenntunarmiðstöðvar á landsbyggðinni. Jafnframt eru skráðar FS-nets tengingar við um 30 staði víða um land. Samtals eru því a.m.k. 38 setur þar sem lágmarksaðstæður eru til að stunda framhalds- og háskólanám á landsbyggðinni. Í upphafi árs 2007 eru 27 virk námsetur á landsbyggðinni auk símenntunarmiðstöðvanna.
Á Vesturlandi eru auk Símenntunarmiðstöðvar Vesturlands í Borgarnesi, fjögur námsver á Hellissandi, í Stykkishólmi, í Búðardal og á Akranesi. Á Vestfjörðum eru auk Fræðslumiðstöðvar Vestfjarða á Ísafirði, fimm námsver á Hólmavík, Patreksfirði, Tálknafirði, Bíldudal og Birkimel. Á Norðurlandi vestra eru auk Farskólans, miðstöðvar símenntunar á Norðurlandi vestra á Sauðárkróki, fjögur námsver á Hvammstanga, Blönduósi, Skagaströnd og Siglufirði. Í Eyjafirði er námsver á Dalvík auk Símenntunarmiðstöðvar Eyjafjarðar á Akureyri. Í Þingeyjarsýslum eru fimm námsver auk Þekkingarseturs Þingeyinga á Húsavík og eru þau á Þórshöfn, Raufarhöfn, Kópaskeri, að Reykjahlíð í Mývatnsveit og að Laugum. Á Austurlandi eru fimm námsver auk Þekkingarnets Austurlands á Egilsstöðum. Þau eru á Vopnafirði, í Neskaupsstað, á Fáskrúðsfirði, Djúpavogi og í Höfn. Á Suðurlandi eru fjögur námsver auk Fræðslunets Suðurlands á Selfossi. Þau eru að Flúðum, á Hvolsvelli, í Vík og á Kirkjubæjarklaustri.
2. Hversu margir hafa stundað nám í fjarnámssetrunum á árunum 2003–2006?
Ekki liggja fyrir heildstæðar eða samanburðarhæfar upplýsingar um það hversu margir hafi stundað nám í fjarnámssetrum utan símenntunarmiðstöðvanna árin 2003–2006. Hins vegar hefur menntamálaráðuneytið tekið saman upplýsingar um fjölda nemenda er stunduðu fjarnám við símenntunarmiðstöðvarnar árin 2000–2005, sjá töflu.
Fjöldi nemenda í fjarnámi við símenntunarmiðstöðvar árin 2000–2005.
| Miðstöð símenntunar á Suðurnesjum | ||||||
| 2000 | 2001 | 2002 | 2003 | 2004 | 2005 | |
| Fjöldi nema í símenntun | 1.303 | 1.186 | 1.763 | 1.504 | 2.639 | 1.284 |
| Fjöldi námskeiða | 76 | 66 | 86 | 81 | 136 | 89 |
| Nemendastundir í símenntun | 28.456 | 33.214 | 22.480 | 31.153 | 24.606 | |
| Fjöldi nema í framhaldsskóla | ||||||
| Fjöldi nema í háskólanámi | 42 | 53 | 56 | 90 | 70 | 67 |
| Símenntunarmiðstöðin á Vesturlandi | ||||||
| 2000 | 2001 | 2002 | 2003 | 2004 | 2005 | |
| Fjöldi nema í símenntun | 869 | 1.198 | 1.190 | 1.104 | 823 | 1.040 |
| Fjöldi námskeiða | 82 | 97 | 98 | 108 | 72 | 84 |
| Nemendastundir í símenntun | 28.546 | 24.458 | 29.290 | 26.124 | 18.084 | 22.479 |
| Fjöldi nema í framhaldsskóla | 0 | 0 | 0 | 0 | 0 | 0 |
| Fjöldi nema í háskólanámi | 2 | 5 | 22 | 48 | 52 | 39 |
| Fræðslunet Suðurlands | ||||||
| 2000 | 2001 | 2002 | 2003 | 2004 | 2005 | |
| Fjöldi nema í símenntun | 1.595 | 1.175 | 1.154 | 804 | 1.072 | |
| Fjöldi námskeiða | 43 | 36 | 43 | |||
| Nemendastundir í símenntun | 35.953 | 12.073 | 22.480 | |||
| Fjöldi nema í framhaldsskóla | 0 | 0 | 0 | 0 | 0 | |
| Fjöldi nema í háskólanámi | 55 | 90 | 93 | 94 | 90 | |
| Fræðslunet Austurlands | ||||||
| 2000 | 2001 | 2002 | 2003 | 2004 | 2005 | |
| Fjöldi nema í símenntun | 657 | 842 | 1.065 | 837 | 935 | |
| Fjöldi námskeiða | 150 | 75 | 96 | |||
| Nemendastundir í símenntun | 25.385 | 15.746 | 16.624 | |||
| Fjöldi nema í framhaldsskóla | 36 | 15 | 0 | |||
| Fjöldi nema í háskólanámi | 126 | 130 | 167 | 183 | 200 | |
| Fræðslumiðstöð Vestfjarða | ||||||
| 2000 | 2001 | 2002 | 2003 | 2004 | 2005 | |
| Fjöldi nema í símenntun | 440 | 650 | 551 | 895 | 667 | 794 |
| Fjöldi námskeiða | 29 | 36 | 44 | 49 | 48 | 58 |
| Nemendastundir í símenntun | 12.085 | 22.033 | 16.580 | 25.003 | 13.555 | 18.147 |
| Fjöldi nema í framhaldsskóla | 0 | 0 | 0 | 27 | 0 | 25 |
| Fjöldi nema í háskólanámi | 119 | 126 | 116 | 163 | 155 | |
| Fræþing | ||||||
| 2000 | 2001 | 2002 | 2003 | 2004 | 2005 | |
| Fjöldi nema í símenntun | 212 | 263 | 74 | 280 | ||
| Fjöldi námskeiða | 28 | 25 | 10 | 38 | ||
| Nemendastundir í símenntun | 3.814 | 4.275 | 1.738 | 14.833 | ||
| Fjöldi nema í framhaldsskólan. | 4 | 5 | ||||
| Fjöldi nema í háskólanámi | 12 | 25 | 24 | 35 | ||
| Símenntunarmiðstöð Eyjafjarðar | ||||||
| 2000 | 2001 | 2002 | 2003 | 2004 | 2005 | |
| Fjöldi nema í símenntun | 645 | 1.439 | 1.075 | 837 | ||
| Fjöldi námskeiða | 68 | 112 | 81 | 102 | ||
| Nemendastundir í símenntun | 31.699 | 25.342 | 35.130 | |||
| Fjöldi nema í framhaldsskóla | 0 | 8 | 8 | |||
| Fjöldi nema í háskólanámi | 10 | 8 | 11 | 0 | ||
| Farskólinn – miðstöð símenntunar á Norðurlandi vestra | ||||||
| 2000 | 2001 | 2002 | 2003 | 2004 | 2005 | |
| Fjöldi nema í símenntun | 523 | 616 | 750 | 518 | 541 | 651 |
| Fjöldi námskeiða | 42 | 48 | 45 | 56 | ||
| Nemendastundir í símenntun | 25.748 | 15.928 | 8.913 | 11.243 | ||
| Fjöldi nema í framhaldsskóla | 0 | 0 | 0 | 0 | 0 | |
| Fjöldi nema í háskólanámi | 104 | 93 | 109 | 95 | ||
| VISKA – Vestmannaeyjar | ||||||
| 2000 | 2001 | 2002 | 2003 | 2004 | 2005 | |
| Fjöldi nema í símenntun | 186 | 311 | 344 | |||
| Fjöldi námskeiða | 31 | 26 | ||||
| Nemendastundir í símenntun | 11.078 | 7.304 | 2835 | |||
| Fjöldi nema í framhaldsskóla | 0 | 10 | ||||
| Fjöldi nema í háskólanámi | 53 | 73 | 70 | |||
3. Liggja fyrir upplýsingar um stofn- og rekstrarkostnað sveitarfélaganna vegna fjarnámssetranna?
Upplýsingar um stofn- og rekstrarkostnað sveitarfélaganna liggja ekki fyrir nema að takmörkuðu leyti og eru ekki samanburðarhæfar. Hins vegar má benda á að framlög ríkisins til símenntunarmiðstöðvanna vegna rekstrar og greiðslna vegna FS-nets hafa farið hækkandi undanfarin ár úr 63 millj. kr. árið 2001; í 76,5 millj. kr. árið 2002; 81 millj. kr. árið 2003; 91,8 millj. kr. árið 2004; 96,7 millj. kr. árið 2005; 100,7 millj. kr. árið 2006 og í 110 millj. kr. árið 2007.
4. Hefur ráðuneytið uppi áform um að koma enn frekar til móts við kostnað sveitarfélaganna vegna þessa?
Á undanförnum árum hefur ágætt samstarf tekist milli símenntunarmiðstöðvanna og menntamálaráðuneytisins. Fjárveitingar til símenntunarmiðstöðvanna hafa verið auknar og þær hafa einnig verið efldar í tengslum við samkomulag ríkisins við aðila vinnumarkaðarins. Þannig hefur t.d. starfs- og námsráðgjöf verið stórlega efld og mun enn eflast. Aðkoma sveitarfélaganna að þessu verki er afar jákvæð og vonir ráðuneytisins standa til þess að þau muni á komandi misserum sinna þessu starfi af jafnmiklum eða enn meiri áhuga en verið hefur í góðu samstarfi við ráðuneytið.
