Aðrar útgáfur af skjalinu: PDF - Word Perfect. Ferill 160. máls.
á135. löggjafarþing 2007–2008.
Þskj. 387 — 160. mál.
iðnaðarráðherra við fyrirspurn Björns Vals Gíslasonar og Þuríðar Backman um störf á vegum ríkisins.
Fyrirspurnin hljóðar svo:
Hver hefur þróun fjölda starfa á vegum ríkisins verið sl. 15 ár
a. á höfuðborgarsvæðinu,
b. utan höfuðborgarsvæðisins, skipt eftir landshlutum?
Upplýsingar um fjölda starfa á vegum ríkisins liggja ekki fyrir og því er í svari við fyrirspurninni stuðst við fjölda ársverka. Með ársverkum er átt við magn dagvinnu á ári. Eru þetta bestu fyrirliggjandi upplýsingar til að varpa ljósi á þróun starfa hjá ríkinu og eru þær unnar úr launakerfi ríkisins.
Í töflu 1 er að finna fjölda ársverka á umræddu tímabili sundurliðað miðað við landshlutana höfuðborgarsvæði, Reykjanes, Vesturland, Vestfirði, Norðurland vestra, Norðurland eystra, Austurland og Suðurland.
Upplýsingarnar skýra vel umfang og breytingar á milli ára en þær skýra ekki að öllu leyti fjölgun eða fækkun starfa. Hugsanlegt er að t.d. fjarvera vegna fæðingarorlofs skekki myndina með því að sýna færri ársverk án þess að það þýði fækkun starfa. Þá getur tímavinna og tímabundnar ráðningar komið fram sem fjölgun ársverka án þess þó að slíkar ráðstafanir leiði til fjölgunar starfa. Þróun ársverka skýrir hins vegar vel meginbreytingar á milli ára og ekki verður séð að aðrar upplýsingar lýsi umræddri þróun með nákvæmari hætti. Gögn fyrir árið 2006 liggja enn ekki fyrir.
Tafla 1. Fjöldi ársverka á vegum ríkisins 1990–2005.
Í töflu 2. er sýnd breyting á fjölda ársverka á vegum ríkisins í prósentum á milli ára á sömu svæðum. Hafa verður í huga þegar töflurnar eru skoðaðar að á umræddu tímabili átti sér stað umfangsmikill verkefnaflutningur frá ríki til sveitarfélaga sem leiddi til að störfum hjá ríkinu fækkaði verulega, einkum við flutning grunnskólans til sveitarfélaganna árið 1996. Fjölgun ársverka á Vesturlandi frá árinu 2004 til 2005 skýrist m.a. af stofnun Landbúnaðarháskóla Íslands á Hvanneyri og stofnun framhaldsskóla á Grundarfirði. Fækkun ársverka á Reykjanesi milli áranna 2000 og 2001 má m.a. rekja til þess að tvær ríkisstofnanir, Fríhöfnin og Leifsstöð, voru sameinaðar og fyrirtækið Flugstöð Leifs Eiríkssonar hf. var stofnað.
Tafla 2. Breyting milli ára í prósentum á fjölda ársverka á vegum ríkisins 1990–2005.
á135. löggjafarþing 2007–2008.
Þskj. 387 — 160. mál.
Svar
iðnaðarráðherra við fyrirspurn Björns Vals Gíslasonar og Þuríðar Backman um störf á vegum ríkisins.
Fyrirspurnin hljóðar svo:
Hver hefur þróun fjölda starfa á vegum ríkisins verið sl. 15 ár
a. á höfuðborgarsvæðinu,
b. utan höfuðborgarsvæðisins, skipt eftir landshlutum?
Upplýsingar um fjölda starfa á vegum ríkisins liggja ekki fyrir og því er í svari við fyrirspurninni stuðst við fjölda ársverka. Með ársverkum er átt við magn dagvinnu á ári. Eru þetta bestu fyrirliggjandi upplýsingar til að varpa ljósi á þróun starfa hjá ríkinu og eru þær unnar úr launakerfi ríkisins.
Í töflu 1 er að finna fjölda ársverka á umræddu tímabili sundurliðað miðað við landshlutana höfuðborgarsvæði, Reykjanes, Vesturland, Vestfirði, Norðurland vestra, Norðurland eystra, Austurland og Suðurland.
Upplýsingarnar skýra vel umfang og breytingar á milli ára en þær skýra ekki að öllu leyti fjölgun eða fækkun starfa. Hugsanlegt er að t.d. fjarvera vegna fæðingarorlofs skekki myndina með því að sýna færri ársverk án þess að það þýði fækkun starfa. Þá getur tímavinna og tímabundnar ráðningar komið fram sem fjölgun ársverka án þess þó að slíkar ráðstafanir leiði til fjölgunar starfa. Þróun ársverka skýrir hins vegar vel meginbreytingar á milli ára og ekki verður séð að aðrar upplýsingar lýsi umræddri þróun með nákvæmari hætti. Gögn fyrir árið 2006 liggja enn ekki fyrir.
Tafla 1. Fjöldi ársverka á vegum ríkisins 1990–2005.
| Landshluti | 1990 | 1991 | 1992 | 1993 | 1994 | 1995 | 1996 | 1997 |
| Höfuðborgarsvæði | 13.386 | 14.093 | 14.148 | 14.156 | 14.189 | 14.080 | 13.712 | 11.109 |
| Reykjanes | 662 | 693 | 685 | 682 | 698 | 685 | 646 | 468 |
| Vesturland | 702 | 725 | 725 | 806 | 742 | 716 | 638 | 410 |
| Vestfirðir | 440 | 434 | 440 | 439 | 438 | 429 | 401 | 208 |
| Norðurland vestra | 447 | 469 | 482 | 471 | 491 | 498 | 449 | 288 |
| Norðurland eystra | 1.436 | 1.429 | 1.441 | 1.386 | 1.413 | 1.380 | 1.235 | 699 |
| Austurland | 680 | 700 | 719 | 678 | 699 | 690 | 635 | 397 |
| Suðurland | 965 | 1003 | 1003 | 994 | 1010 | 994 | 923 | 619 |
| Samtals | 18.717 | 19.547 | 19.643 | 19.612 | 19.680 | 19.472 | 18.640 | 14.199 |
| Landshluti | 1998 | 1999 | 2000 | 2001 | 2002 | 2003 | 2004 | 2005 |
| Höfuðborgarsvæði | 11.370 | 11.679 | 11.732 | 13.224 | 13.301 | 13.610 | 13.792 | 13.685 |
| Reykjanes | 416 | 438 | 421 | 349 | 370 | 388 | 408 | 397 |
| Vesturland | 402 | 407 | 427 | 423 | 433 | 441 | 415 | 507 |
| Vestfirðir | 203 | 202 | 208 | 210 | 214 | 209 | 212 | 241 |
| Norðurland vestra | 290 | 248 | 238 | 220 | 237 | 242 | 218 | 223 |
| Norðurland eystra | 667 | 646 | 621 | 635 | 652 | 658 | 653 | 702 |
| Austurland | 387 | 374 | 339 | 350 | 352 | 351 | 299 | 332 |
| Suðurland | 609 | 600 | 586 | 595 | 594 | 605 | 587 | 610 |
| Samtals | 14.344 | 14.596 | 14.571 | 16.005 | 16.151 | 16.505 | 16.585 | 16.698 |
Í töflu 2. er sýnd breyting á fjölda ársverka á vegum ríkisins í prósentum á milli ára á sömu svæðum. Hafa verður í huga þegar töflurnar eru skoðaðar að á umræddu tímabili átti sér stað umfangsmikill verkefnaflutningur frá ríki til sveitarfélaga sem leiddi til að störfum hjá ríkinu fækkaði verulega, einkum við flutning grunnskólans til sveitarfélaganna árið 1996. Fjölgun ársverka á Vesturlandi frá árinu 2004 til 2005 skýrist m.a. af stofnun Landbúnaðarháskóla Íslands á Hvanneyri og stofnun framhaldsskóla á Grundarfirði. Fækkun ársverka á Reykjanesi milli áranna 2000 og 2001 má m.a. rekja til þess að tvær ríkisstofnanir, Fríhöfnin og Leifsstöð, voru sameinaðar og fyrirtækið Flugstöð Leifs Eiríkssonar hf. var stofnað.
Tafla 2. Breyting milli ára í prósentum á fjölda ársverka á vegum ríkisins 1990–2005.
| Ár 90-91 | Ár 91-92 | Ár 92-93 | Ár 93-94 | Ár 94-95 | Ár 95-96 | Ár 96-97 | Ár 97-98 | |
| Höfuðborgarsvæðið | 5,3 | 0,4 | 0,1 | 0,2 | -0,8 | -2,6 | -19,0 | 2,3 |
| Reykjanes | 4 | -1,2 | -0,4 | 2,2 | -1,8 | -5,7 | -27,6 | -11,2 |
| Vesturland | 3,3 | 0,0 | 11,1 | -7,9 | -3,5 | -11,0 | -35,6 | -2,0 |
| Vestfirðir | -1 | 1,4 | -0,3 | -0,2 | -2,0 | -6,5 | -48,2 | -2,3 |
| Norðurland vestra | 5,1 | 2,7 | -2,3 | 4,2 | 1,4 | -9,9 | -35,8 | 0,6 |
| Norðurland eystra | -0,5 | 0,8 | -3,8 | 1,9 | -2,3 | -10,5 | -43,4 | -4,6 |
| Austurland | 2,9 | 2,7 | -5,7 | 3,2 | -1,3 | -7,9 | -37,5 | -2,6 |
| Suðurland | 3 | -0,0 | -0,9 | 1,7 | -1,6 | -7,2 | -32,9 | -1,6 |
| Ár 98-99 | Ár 99-00 | Ár 00-01 | Ár 01-02 | Ár 02-03 | Ár 03-04 | Ár 04-05 | |
| Höfuðborgarsvæðið | 2,7 | 0,4 | 12,7 | 0,6 | 2,3 | 1,3 | -0,8 |
| Reykjanes | 5,5 | -4,0 | -17,2 | 6,1 | 5,0 | 5,1 | -2,8 |
| Vesturland | 1,3 | 4,9 | -0,9 | 2,2 | 2,0 | -6,0 | 22,2 |
| Vestfirðir | -0,4 | 2,6 | 1,0 | 2,0 | -2,2 | 1,5 | 13,8 |
| Norðurland vestra | -14,6 | -4,0 | -7,4 | 7,6 | 2,4 | -9,9 | 2,1 |
| Norðurland eystra | -3,1 | -4,0 | 2,2 | 2,8 | 0,8 | -0,7 | 7,6 |
| Austurland | -3,3 | -9,4 | 3,3 | 0,4 | -0,1 | -14,9 | 11,1 |
| Suðurland | -1,5 | -2,3 | 1,4 | -0,1 | 2,0 | -3,0 | 3,9 |
