Aðrar útgáfur af skjalinu: PDF - Word Perfect. Ferill 81. máls.
137. löggjafarþing 2009.
Þskj. 195 — 81. mál.
fjármálaráðherra við fyrirspurn Sigmundar Ernis Rúnarssonar um opinber störf frá 1999.
Fyrirspurnin hljóðar svo:
Hve mörg opinber störf hafa frá 1999:
a. orðið til utan höfuðborgarsvæðisins,
b. orðið til á höfuðborgarsvæðinu,
c. tapast utan höfuðborgarsvæðisins,
d. tapast á höfuðborgarsvæðinu?
Hafa verður þann fyrirvara á að ekki er alltaf auðvelt að skilgreina hvað eru opinber störf. Hér er aðeins gerður samanburður á þróun á fjölda ríkisstarfsmanna milli áranna 2002 til ársins 2008 þar sem ráðuneytið hefur ekki upplýsingar um starfsmannafjölda sveitarfélaganna. Er þessi breyting gerð í samráði við fyrirspyrjanda. Eins eru hér ekki upplýsingar um þau verkefni ríkisins sem unnin eru í verktöku eða samkvæmt þjónustusamningum, t.d. vegna þjónustu við aldraða og fatlaða og í endurhæfingarþjónustu, þar sem starfsfólkið er ráðið af viðkomandi stofnun en ekki af ríkinu. Eins eru starfsmenn fyrirtækja í eigu ríkisins ekki talin með og þar með talin opinber hlutafélög.
Nokkrar heilbrigðisstofnanir, flestar utan höfuðborgarsvæðisins, voru með sjálfstætt launakerfi allt til ársins 2005, þegar nýtt upplýsingakerfi (Orri) var fyrst tekið í notkun. Það er ekki fyrr en á árinu 2007 að allar stofnanir ríkisins eru komnar í launakerfi ríkisins. Fram til þess tíma eru upplýsingarnar ekki að fullu sambærilegar.
Hér er miðað við skilgreiningu Hagstofu Íslands á höfuðborgarsvæðinu sem er Reykjavík, Kópavogur, Seltjarnarnes, Garðabær, Hafnarfjörður, Sveitarfélagið Álftanes og Mosfellsbær. Ekki eru fyrir hendi aðgengilegar eldri upplýsingar um skiptingu starfsmanna eftir staðsetningu hjá þeim stofnunum sem eru með dreifða starfsemi og er því í þessari athugun miðað við póstfang viðkomandi stofnunar.
Erfitt er að leggja mat á hvort störf hafi orðið til eða tapast þar sem verkefni ríkisins ákvarðast m.a. af fólksfjölda og á tímabilinu hefur orðið umtalsverð aukning á höfuðborgarsvæðinu umfram landsbyggðina. Því er hér eingöngu miðað við heildarbreytingu á stöðugildum í dagvinnu hjá ríkinu.
Það athugast að eftirfarandi tilflutningur hefur orðið frá ríkinu til opinberra hlutafélaga:
137. löggjafarþing 2009.
Þskj. 195 — 81. mál.
Svar
fjármálaráðherra við fyrirspurn Sigmundar Ernis Rúnarssonar um opinber störf frá 1999.
Fyrirspurnin hljóðar svo:
Hve mörg opinber störf hafa frá 1999:
a. orðið til utan höfuðborgarsvæðisins,
b. orðið til á höfuðborgarsvæðinu,
c. tapast utan höfuðborgarsvæðisins,
d. tapast á höfuðborgarsvæðinu?
Hafa verður þann fyrirvara á að ekki er alltaf auðvelt að skilgreina hvað eru opinber störf. Hér er aðeins gerður samanburður á þróun á fjölda ríkisstarfsmanna milli áranna 2002 til ársins 2008 þar sem ráðuneytið hefur ekki upplýsingar um starfsmannafjölda sveitarfélaganna. Er þessi breyting gerð í samráði við fyrirspyrjanda. Eins eru hér ekki upplýsingar um þau verkefni ríkisins sem unnin eru í verktöku eða samkvæmt þjónustusamningum, t.d. vegna þjónustu við aldraða og fatlaða og í endurhæfingarþjónustu, þar sem starfsfólkið er ráðið af viðkomandi stofnun en ekki af ríkinu. Eins eru starfsmenn fyrirtækja í eigu ríkisins ekki talin með og þar með talin opinber hlutafélög.
Nokkrar heilbrigðisstofnanir, flestar utan höfuðborgarsvæðisins, voru með sjálfstætt launakerfi allt til ársins 2005, þegar nýtt upplýsingakerfi (Orri) var fyrst tekið í notkun. Það er ekki fyrr en á árinu 2007 að allar stofnanir ríkisins eru komnar í launakerfi ríkisins. Fram til þess tíma eru upplýsingarnar ekki að fullu sambærilegar.
Hér er miðað við skilgreiningu Hagstofu Íslands á höfuðborgarsvæðinu sem er Reykjavík, Kópavogur, Seltjarnarnes, Garðabær, Hafnarfjörður, Sveitarfélagið Álftanes og Mosfellsbær. Ekki eru fyrir hendi aðgengilegar eldri upplýsingar um skiptingu starfsmanna eftir staðsetningu hjá þeim stofnunum sem eru með dreifða starfsemi og er því í þessari athugun miðað við póstfang viðkomandi stofnunar.
Erfitt er að leggja mat á hvort störf hafi orðið til eða tapast þar sem verkefni ríkisins ákvarðast m.a. af fólksfjölda og á tímabilinu hefur orðið umtalsverð aukning á höfuðborgarsvæðinu umfram landsbyggðina. Því er hér eingöngu miðað við heildarbreytingu á stöðugildum í dagvinnu hjá ríkinu.
Mannfjöldi eftir landsvæðum 1. janúar 2002 til 2009.
| Landsvæði | 2002 | 2003 | 2004 | 2005 | 2006 | 2007 | 2008 | 2009 |
| Hlutfall höfuðborgarsvæðisins | 62,2% | 62,4% | 62,6% | 62,8% | 62,5% | 62,4% | 62,9% | 63,2% |
| Fjölgun – höfuðborgarsvæðið | 1.691 | 3.616 | 5.943 | 9.125 | 13.618 | 19.644 | 22.950 | |
| Fjölgun – landsbyggðin | 205 | 379 | 1.059 | 4.191 | 7.479 | 8.697 | 8.703 |
Meðalstöðugildi í dagvinnu hjá ríkinu árin 2002 til 2009.
| Svæði | 2002 | 2003 | 2004 | 2005 | 2006 | 2007 | 2008 |
| Höfuðborgarsvæðið | 13.737 | 14.048 | 14.087 | 14.068 | 14.134 | 13.839 | 13.901 |
| Breyting frá 2002 | 2,3% | 2,5% | 2,4% | 2,9% | 0,7% | 1,2% | |
| Landsbyggðin | 4.380 | 4.422 | 4.451 | 4.547 | 4.620 | 4.834 | 4.959 |
| Breyting frá 2002 | 1,0% | 1,6% | 3,8% | 5,5% | 10,4% | 13,2% | |
| Samtals | 18.117 | 18.470 | 18.538 | 18.616 | 18.754 | 18.673 | 18.860 |
| 1,9% | 0,4% | 0,4% | 0,7% | –0,4% | 1,0% |
Það athugast að eftirfarandi tilflutningur hefur orðið frá ríkinu til opinberra hlutafélaga:
| Ríkisútvarpið ohf. | 320 | 2007 | |
| Rafmagnsveitur ríkisins ohf. | 220 | 2006 | |
| Matís ohf. | 75 | 2007 | |
| Flugstoðir ohf. | 209 | 2007 | |
| Keflavíkurflugvöllur ohf. | 284 | 2007 | |
| Flugmálastjórn | 220 | ||
| Sýslumaðurinn á Keflavíkurflugvelli | 64 | ||
| Samtals | 1.108 | ||
