Aðrar útgáfur af skjalinu: PDF - Word Perfect. Ferill 140. máls.
138. löggjafarþing 2009–2010.
Þskj. 575 — 140. mál.
mennta- og menningarmálaráðherra við fyrirspurn Eyglóar Harðardóttur um nema í dreifnámi, fjarnámi og staðnámi.
1. Hver er fjöldi fjarnema annars vegar og dreifnema hins vegar? Hver er aldursdreifing þeirra, kyn og búseta?
Í upplýsingaöflun um fjölda nemenda hefur ekki verið gerður greinarmunur á fjarnámi og dreifnámi. Dreifnemar eru því taldir með fjarnemum í upplýsingum frá Hagstofu Íslands sem ráðuneytið styðst við.
Haustið 2008 voru fjar- og dreifnemar á framhaldsskólastigi 4.782 af 25.590 nemendum samtals. Þar af eru 3.482 nemendur einnig skráðir í dagskóla eða kvöldskóla.
Á háskólastigi stunda 3.340 nemendur fjar- og/eða dreifnám af 18.104 nemendum alls.
Eftirfarandi töflur sýna aldursdreifingu, kyn og búsetu fjarnema.
2. Hver er áætlaður kostnaður á námseiningu hjá staðnemum, dreifnemum og fjarnemum, eftir skólastigum og námsleiðum?
3. Eru greiðslur til skóla fyrir nemendagildi mismunandi eftir því hvort um er að ræða staðnema, dreifnema eða fjarnema?
Á fjárlögum yfirstandandi árs er gert ráð fyrir að framlag á einingu í framhaldsskólanámi sé að meðaltali um 25.000 kr. Ekki er gerður greinarmunur á framlagi til eininga sem teknar eru í dagskóla og í fjarnámi. Námsleiðir eru enn fremur margar og ólíkar og hlutfall bók- og verknáms innan þeirra getur verið mjög mismunandi. Því er erfitt að svara spurningunni um kostnað eftir námsleiðum án frekari afmörkunar. Auk þessa er nokkur hreyfing á nemendum á milli námsleiða en reiknilíkan fyrir framhaldsskólann miðar við fjölda þeirra eininga sem nemandinn stundar nám í.
Í reiknilíkani háskóla er gert ráð fyrir ákveðnu framlagi fyrir hvern ársnema þar sem ársnemi er skilgreindur sem nemandi sem þreytir próf í 30 námseiningum (60 ECTS-einingum). Um nokkra reikniflokka er að ræða og því ólíkar greiðslur eftir því um hvaða nám ræðir. Verð á hvern ársnema er frá 501 þús. kr. til 2.650 þús. kr. og er nám á sviði félags- og mannvísinda ódýrast en nám í tannlækningum dýrast. Ekki er gerður greinarmunur á því hvort nemendur eru í staðnámi, dreifnámi eða fjarnámi. Meðalverð á hverjar 30 námseiningar (60 ECTS-einingar) var 751,5 þús. kr. samkvæmt frumvarpi til fjárlaga 2009 en það svarar til 25.050 kr. á hverja námseiningu að meðaltali (hverjar tvær ECTS-einingar). Rétt er að taka fram að landbúnaðarháskólarnir, þ.e. Landbúnaðarháskóli Íslands og Hólaskóli – Háskólinn á Hólum, fá ekki enn framlög samkvæmt reiknilíkani háskóla og því liggja ekki fyrir upplýsingar um kostnað á hverja námseiningu við þá skóla.
Hægt er að sjá lista yfir verðflokka náms á háskólastigi í frumvarpi til fjárlaga ár hvert, sjá bls. 245 í frumvarpi til fjárlaga 2009 og bls. 250 í frumvarpi til fjárlaga 2010. Í sama kafla fjárlaganna er jafnframt að finna upplýsingar um meðalverðhlutfall en það er birt neðst í töflu sem sýnir fjölda ársnema sem ríkið greiðir eftir skólum og reikniflokkum.
138. löggjafarþing 2009–2010.
Þskj. 575 — 140. mál.
Svar
mennta- og menningarmálaráðherra við fyrirspurn Eyglóar Harðardóttur um nema í dreifnámi, fjarnámi og staðnámi.
1. Hver er fjöldi fjarnema annars vegar og dreifnema hins vegar? Hver er aldursdreifing þeirra, kyn og búseta?
Í upplýsingaöflun um fjölda nemenda hefur ekki verið gerður greinarmunur á fjarnámi og dreifnámi. Dreifnemar eru því taldir með fjarnemum í upplýsingum frá Hagstofu Íslands sem ráðuneytið styðst við.
Haustið 2008 voru fjar- og dreifnemar á framhaldsskólastigi 4.782 af 25.590 nemendum samtals. Þar af eru 3.482 nemendur einnig skráðir í dagskóla eða kvöldskóla.
Á háskólastigi stunda 3.340 nemendur fjar- og/eða dreifnám af 18.104 nemendum alls.
Eftirfarandi töflur sýna aldursdreifingu, kyn og búsetu fjarnema.
Aldursdreifing og búseta fjarnema haustið 2008 í framhaldsskóla- og háskólanámi.
Aldursfl. | Fjöldi | Reykjavík | Hbsv. utan Rvíkur | Suðurnes | Vesturland | Vestfirðir | Norðurland vestra |
Norðurland eystra |
Austurland | Suðurland | Erlendis |
<20 ára | 1.532 | 549 | 401 | 34 | 61 | 35 | 30 | 167 | 93 | 143 | 19 |
20-24 ára | 1.423 | 462 | 321 | 108 | 73 | 47 | 24 | 156 | 89 | 114 | 29 |
25-29 ára | 1.235 | 410 | 259 | 118 | 70 | 26 | 30 | 133 | 54 | 86 | 49 |
30-39 ára | 1.897 | 484 | 420 | 158 | 126 | 57 | 73 | 230 | 115 | 172 | 62 |
40-49 ára | 1.333 | 335 | 288 | 119 | 83 | 55 | 50 | 165 | 97 | 124 | 17 |
50 ára+ | 702 | 227 | 174 | 28 | 54 | 23 | 29 | 78 | 36 | 48 | 5 |
8.122 | 2.467 | 1.863 | 565 | 467 | 243 | 236 | 929 | 484 | 687 | 181 |
Kyn og búseta fjarnema haustið 2008 í framhaldsskóla- og háskólanámi.
Kyn | Fjöldi | Reykjavík | Hbsv. utan Rvíkur | Suðurnes | Vesturland | Vestfirðir | Norðurland vestra |
Norðurland eystra |
Austurland | Suðurland | Erlendis |
Karlar | 2.466 | 856 | 623 | 155 | 102 | 65 | 44 | 296 | 117 | 164 | 44 |
Konur | 5.656 | 1.611 | 1.240 | 410 | 365 | 178 | 192 | 633 | 367 | 523 | 137 |
8.122 | 2.467 | 1.863 | 565 | 467 | 243 | 236 | 929 | 484 | 687 | 181 |
2. Hver er áætlaður kostnaður á námseiningu hjá staðnemum, dreifnemum og fjarnemum, eftir skólastigum og námsleiðum?
3. Eru greiðslur til skóla fyrir nemendagildi mismunandi eftir því hvort um er að ræða staðnema, dreifnema eða fjarnema?
Á fjárlögum yfirstandandi árs er gert ráð fyrir að framlag á einingu í framhaldsskólanámi sé að meðaltali um 25.000 kr. Ekki er gerður greinarmunur á framlagi til eininga sem teknar eru í dagskóla og í fjarnámi. Námsleiðir eru enn fremur margar og ólíkar og hlutfall bók- og verknáms innan þeirra getur verið mjög mismunandi. Því er erfitt að svara spurningunni um kostnað eftir námsleiðum án frekari afmörkunar. Auk þessa er nokkur hreyfing á nemendum á milli námsleiða en reiknilíkan fyrir framhaldsskólann miðar við fjölda þeirra eininga sem nemandinn stundar nám í.
Í reiknilíkani háskóla er gert ráð fyrir ákveðnu framlagi fyrir hvern ársnema þar sem ársnemi er skilgreindur sem nemandi sem þreytir próf í 30 námseiningum (60 ECTS-einingum). Um nokkra reikniflokka er að ræða og því ólíkar greiðslur eftir því um hvaða nám ræðir. Verð á hvern ársnema er frá 501 þús. kr. til 2.650 þús. kr. og er nám á sviði félags- og mannvísinda ódýrast en nám í tannlækningum dýrast. Ekki er gerður greinarmunur á því hvort nemendur eru í staðnámi, dreifnámi eða fjarnámi. Meðalverð á hverjar 30 námseiningar (60 ECTS-einingar) var 751,5 þús. kr. samkvæmt frumvarpi til fjárlaga 2009 en það svarar til 25.050 kr. á hverja námseiningu að meðaltali (hverjar tvær ECTS-einingar). Rétt er að taka fram að landbúnaðarháskólarnir, þ.e. Landbúnaðarháskóli Íslands og Hólaskóli – Háskólinn á Hólum, fá ekki enn framlög samkvæmt reiknilíkani háskóla og því liggja ekki fyrir upplýsingar um kostnað á hverja námseiningu við þá skóla.
Hægt er að sjá lista yfir verðflokka náms á háskólastigi í frumvarpi til fjárlaga ár hvert, sjá bls. 245 í frumvarpi til fjárlaga 2009 og bls. 250 í frumvarpi til fjárlaga 2010. Í sama kafla fjárlaganna er jafnframt að finna upplýsingar um meðalverðhlutfall en það er birt neðst í töflu sem sýnir fjölda ársnema sem ríkið greiðir eftir skólum og reikniflokkum.