Aðrar útgáfur af skjalinu: PDF - Word Perfect. Ferill 124. máls.
138. löggjafarþing 2009–2010.
Þskj. 663 — 124. mál.
umhverfisráðherra við fyrirspurn Eyglóar Harðardóttur um förgun og endurvinnslu sorps.
Fyrirspurnin hljóðar svo:
Hversu mikið fellur til árlega af flokkuðu sorpi, hvað er gert við það og hvernig er förgun þess og/eða endurvinnslu nákvæmlega varið? Svar óskast um eftirfarandi flokka úrgangs: bylgjupappi – fyrirtæki, bylgjupappi – heimili, pappír og umbúðir úr sléttum pappa (svo sem mjólkurfernur og aðrar matarumbúðir), filmuplast – fyrirtæki, föt og klæði, garðaúrgangur, gras, grófur úrgangur, heyrúlluplast, hjólbarðar, húsbúnaður, jarðvegur, kertaafgangar, kjötvinnslu- og sláturúrgangur, kælitæki, ljósaperur, lyf, málmar, net, kaðlar, troll, plastumbúðir – fyrirtæki, plastumbúðir – heimili, raftæki, rafhlöður, sjónvörp og skjáir, skilagjaldsskyldar umbúðir, skrifstofupappír, hvítur afskurður, skór, spilliefni, steinefni, stór raftæki, timbur, trjágreinar, trúnaðargögn og tölvur.
Umhverfisstofnun safnar saman upplýsingum um meðhöndlun úrgangs og fól ráðuneytið Umhverfisstofnun, í samvinnu við Úrvinnslusjóð, að taka saman yfirlit yfir þá úrgangsflokka sem spurt er um og eru niðurstöður þeirrar samantektar settar fram í meðfylgjandi töflu.
Í töflunni kemur fram heildarmagn flokkaðs sorps fyrir hvern úrgangsflokk sem fyrirspurnin tekur til að svo miklu leyti sem hægt var að greina magnið á einstaka úrgangsflokka. Í töflunni kemur fram hversu stór hluti flokkaðs sorps fór til endurvinnslu, magn sem fór til endurvinnslu, hversu mikið magn fór til annarrar endurnýtingar, þ.m.t. til brennslu með orkunýtingu, og magn sem fór til förgunar, þ.m.t. til urðunar. Gögnin eru fyrir árið 2007, sem eru þau nýjustu sem liggja fyrir yfir heilt ár.
* Fór til endurnotkunar hjá RKÍ.
** Gögn fyrir árið 2008. Árið 2007 kom nokkuð mikið uppsafnað magn til urðunar og því gefa gögn fyrir það ár ekki rétta mynd af hefðbundinni stærð úrgangsflokksins.
Umhverfisstofnun hefur ekki upplýsingar um magn lyfjaúrgangs sem til fellur en sum lyf teljast spilliefni og eru talin með þeim flokki í töflunni. Stofnunin hefur heldur ekki upplýsingar um magn húsbúnaðar en í ársskýrslu SORPU bs. má finna að árið 2007 var tekið á móti 1.242 tonnum af úrgangi sem síðan var seldur í Góða hirðinum. Telst það endurnotkun úrgangs. Í sömu skýrslu kemur fram að SORPA bs. tók á móti 0,35 tonnum af kertaafgöngum árið 2007.
138. löggjafarþing 2009–2010.
Þskj. 663 — 124. mál.
Svar
umhverfisráðherra við fyrirspurn Eyglóar Harðardóttur um förgun og endurvinnslu sorps.
Fyrirspurnin hljóðar svo:
Hversu mikið fellur til árlega af flokkuðu sorpi, hvað er gert við það og hvernig er förgun þess og/eða endurvinnslu nákvæmlega varið? Svar óskast um eftirfarandi flokka úrgangs: bylgjupappi – fyrirtæki, bylgjupappi – heimili, pappír og umbúðir úr sléttum pappa (svo sem mjólkurfernur og aðrar matarumbúðir), filmuplast – fyrirtæki, föt og klæði, garðaúrgangur, gras, grófur úrgangur, heyrúlluplast, hjólbarðar, húsbúnaður, jarðvegur, kertaafgangar, kjötvinnslu- og sláturúrgangur, kælitæki, ljósaperur, lyf, málmar, net, kaðlar, troll, plastumbúðir – fyrirtæki, plastumbúðir – heimili, raftæki, rafhlöður, sjónvörp og skjáir, skilagjaldsskyldar umbúðir, skrifstofupappír, hvítur afskurður, skór, spilliefni, steinefni, stór raftæki, timbur, trjágreinar, trúnaðargögn og tölvur.
Umhverfisstofnun safnar saman upplýsingum um meðhöndlun úrgangs og fól ráðuneytið Umhverfisstofnun, í samvinnu við Úrvinnslusjóð, að taka saman yfirlit yfir þá úrgangsflokka sem spurt er um og eru niðurstöður þeirrar samantektar settar fram í meðfylgjandi töflu.
Í töflunni kemur fram heildarmagn flokkaðs sorps fyrir hvern úrgangsflokk sem fyrirspurnin tekur til að svo miklu leyti sem hægt var að greina magnið á einstaka úrgangsflokka. Í töflunni kemur fram hversu stór hluti flokkaðs sorps fór til endurvinnslu, magn sem fór til endurvinnslu, hversu mikið magn fór til annarrar endurnýtingar, þ.m.t. til brennslu með orkunýtingu, og magn sem fór til förgunar, þ.m.t. til urðunar. Gögnin eru fyrir árið 2007, sem eru þau nýjustu sem liggja fyrir yfir heilt ár.
| Úrgangsflokkar | Heildarmagn [tonn] | Endurvinnsla | Önnur endurnýting | Förgun |
| Bylgjupappi frá fyrirtækjum | 4.962 | 4.729 | 233 | 0 |
| Bylgjupappi frá heimilum | 1.662 | 1.495 | 167 | 0 |
| Pappír (þ.m.t. skrifstofupappír, afskurður, trúnaðargögn og dagblöð) | 20.691 | 20.027 | 0 | 664 |
| Umbúðir úr sléttum pappa | 1.726 | 830 | 896 | 0 |
| Filmuplast frá fyrirtækjum | 733 | 576 | 157 | 0 |
| Filmuplast frá heimilum | 409 | 81 | 328 | 0 |
| Fatnaður og skór* | 1.270 | 0 | 0 | 0 |
| Garða- og garðyrkjuúrgangur (þ.m.t. gras og trjágreinar) | 10.051 | 2.028 | 0 | 8.023 |
| Grófur úrgangur (rúmfrekur úrgangur) | 5.368 | 0 | 0 | 5.368 |
| Heyrúlluplast** | 1.481 | 927 | 551 | 3 |
| Hjólbarðar | 6.489 | 3.472 | 2.463 | 554 |
| Jarðvegur og steinefni (þ.m.t. mengaður jarðvegur) | 37.383 | 0 | 21.786 | 15.597 |
| Sláturúrgangur | 19.000 | 7.712 | 298 | 10.990 |
| Raftæki (þ.m.t. kælitæki, sjónvörp og skjáir, tölvur, stór raftæki og ljósaperur) | 3.514 | 3.514 | 0 | 0 |
| Málmar og ökutæki | 53.361 | 53.283 | 0 | 78 |
| Veiðarfæri (þ.m.t. net, kaðlar og troll) | 1.100 | 473 | 4 | 623 |
| Plastumbúðir frá fyrirtækjum | 114 | 17 | 97 | 0 |
| Plastumbúðir frá heimilum | 327 | 4 | 323 | 0 |
| Skilagjaldsskyldar umbúðir | 7.502 | 2.963 | 4.539 | 0 |
| Timbur | 43.249 | 27.569 | 1.113 | 9.567 |
| Rafhlöður | 38 | 0 | 0 | 38 |
| Önnur spilliefni (þ.m.t. lyf) | 10.193 | 9.601 | 404 | 188 |
| Heildarmagn | 230.623 | 139.301 | 33.359 | 51.693 |
** Gögn fyrir árið 2008. Árið 2007 kom nokkuð mikið uppsafnað magn til urðunar og því gefa gögn fyrir það ár ekki rétta mynd af hefðbundinni stærð úrgangsflokksins.
Umhverfisstofnun hefur ekki upplýsingar um magn lyfjaúrgangs sem til fellur en sum lyf teljast spilliefni og eru talin með þeim flokki í töflunni. Stofnunin hefur heldur ekki upplýsingar um magn húsbúnaðar en í ársskýrslu SORPU bs. má finna að árið 2007 var tekið á móti 1.242 tonnum af úrgangi sem síðan var seldur í Góða hirðinum. Telst það endurnotkun úrgangs. Í sömu skýrslu kemur fram að SORPA bs. tók á móti 0,35 tonnum af kertaafgöngum árið 2007.
