Aðrar útgáfur af skjalinu: PDF - Word Perfect. Ferill 394. máls.
Þskj. 702 — 394. mál.
Í stjórn Tækniþróunarsjóðs sitja sex menn sem iðnaðarráðherra skipar til tveggja ára, þ.m.t. eru formaður og varaformaður. Þeim sem eru skipaðir er einungis heimilt að sitja tvö tímabil í senn. Tveir þeirra skulu skipaðir samkvæmt tilnefningu Samtaka atvinnulífsins, einn samkvæmt tilnefningu tækninefndar Vísinda- og tækniráðs, einn samkvæmt tilnefningu sjávarútvegs- og landbúnaðarráðherra, einn samkvæmt tilnefningu Samtaka iðnaðarins, en ráðherra skipar einn án tilnefningar.
Tækniþróunarsjóður starfar samkvæmt lögum nr. 75/2007, um opinberan stuðning við tæknirannsóknir, nýsköpun og atvinnuþróun. Tækniþróunarsjóður hefur það hlutverk að fjalla um nýjungar sem eiga að stuðla að nýsköpun í íslensku atvinnulífi. Af þeim ástæðum er mikilvægt að í stjórn sjóðsins sitji fólk með margs konar reynslu til að tryggja stöðuga endurnýjun og nýjar hugmyndir. Með slíku fyrirkomulagi er starfsemi sjóðsins haldið í takt við þróun nútímans og fyrirsjáanlegrar framtíðar.
Í 12. gr. núgildandi laga nr. 75/2007 er gert ráð fyrir að iðnaðarráðherra skipi sjö menn til setu í stjórn Tækniþróunarsjóðs til þriggja ára í senn. Í frumvarpi þessu er lagt til að ráðherra skipi menn til tveggja ára og að stjórnarmönnum verði einungis heimilt að sitja tvö tímabil í senn. Einnig kemur nú fram með skýrum hætti að iðnaðarráðherra skipi formann og varaformann. Verður að telja að framangreint fyrirkomulag tryggi með bestum hætti stöðuga endurnýjun og nýjar hugmyndir hjá sjóðnum. Í ljósi þess að sjávarútvegs- og landbúnaðarráðuneyti voru sameinuð árið 2007 er enn fremur lagt til að sjávarútvegs- og landbúnaðarráðherra skipi nú einn fulltrúa í stað tveggja áður.
Fylgiskjal.
Fjármálaráðuneyti,
fjárlagaskrifstofa:
Verði frumvarpið óbreytt að lögum er ekki gert ráð fyrir að það hafi í för með sér aukin útgjöld fyrir ríkissjóð.
Þskj. 702 — 394. mál.
Frumvarp til laga
um breytingu á lögum nr. 75/2007, um opinberan stuðning
við tæknirannsóknir, nýsköpun og atvinnuþróun
.
(Lagt fyrir Alþingi á 138. löggjafarþingi 2009–2010.)
1. gr.
1. mgr. 12. gr. laganna orðast svo:Í stjórn Tækniþróunarsjóðs sitja sex menn sem iðnaðarráðherra skipar til tveggja ára, þ.m.t. eru formaður og varaformaður. Þeim sem eru skipaðir er einungis heimilt að sitja tvö tímabil í senn. Tveir þeirra skulu skipaðir samkvæmt tilnefningu Samtaka atvinnulífsins, einn samkvæmt tilnefningu tækninefndar Vísinda- og tækniráðs, einn samkvæmt tilnefningu sjávarútvegs- og landbúnaðarráðherra, einn samkvæmt tilnefningu Samtaka iðnaðarins, en ráðherra skipar einn án tilnefningar.
2. gr.
Lög þessi öðlast þegar gildi.Athugasemdir við lagafrumvarp þetta.
Tækniþróunarsjóður starfar samkvæmt lögum nr. 75/2007, um opinberan stuðning við tæknirannsóknir, nýsköpun og atvinnuþróun. Tækniþróunarsjóður hefur það hlutverk að fjalla um nýjungar sem eiga að stuðla að nýsköpun í íslensku atvinnulífi. Af þeim ástæðum er mikilvægt að í stjórn sjóðsins sitji fólk með margs konar reynslu til að tryggja stöðuga endurnýjun og nýjar hugmyndir. Með slíku fyrirkomulagi er starfsemi sjóðsins haldið í takt við þróun nútímans og fyrirsjáanlegrar framtíðar.
Í 12. gr. núgildandi laga nr. 75/2007 er gert ráð fyrir að iðnaðarráðherra skipi sjö menn til setu í stjórn Tækniþróunarsjóðs til þriggja ára í senn. Í frumvarpi þessu er lagt til að ráðherra skipi menn til tveggja ára og að stjórnarmönnum verði einungis heimilt að sitja tvö tímabil í senn. Einnig kemur nú fram með skýrum hætti að iðnaðarráðherra skipi formann og varaformann. Verður að telja að framangreint fyrirkomulag tryggi með bestum hætti stöðuga endurnýjun og nýjar hugmyndir hjá sjóðnum. Í ljósi þess að sjávarútvegs- og landbúnaðarráðuneyti voru sameinuð árið 2007 er enn fremur lagt til að sjávarútvegs- og landbúnaðarráðherra skipi nú einn fulltrúa í stað tveggja áður.
Fylgiskjal.
Fjármálaráðuneyti,
fjárlagaskrifstofa:
Umsögn um frumvarp til laga um breytingu á lögum nr. 75/2007, um opinberan stuðning við tæknirannsóknir, nýsköpun og atvinnuþróun.
Verði frumvarpið óbreytt að lögum er ekki gert ráð fyrir að það hafi í för með sér aukin útgjöld fyrir ríkissjóð.