Aðrar útgáfur af skjalinu: PDF - Word Perfect. Ferill 154. máls.
139. löggjafarþing 2010–2011.
Þskj. 564 — 154. mál.
félags- og tryggingamálaráðherra við fyrirspurn Vigdísar Hauksdóttur um fækkun starfa.
Fyrirspurnin hljóðar svo:
Hvað hefur störfum fækkað mikið hér á landi árin 2008 og 2009 og það sem af er þessu ári?
Samkvæmt vinnumarkaðskönnun Hagstofu Íslands fór fjöldi þeirra sem starfa á innlendum vinnumarkaði mest í 183.800 einstaklinga á þriðja ársfjórðungi 2008 en hefur minnkað síðan. Þannig voru 171.500 einstaklingar starfandi á innlendum vinnumarkaði á þriðja ársfjórðungi 2009 og 170.200 á þriðja ársfjórðungi 2010. Samkvæmt vinnumarkaðskönnun Hagstofu Íslands hefur virkum þátttakendum á vinnumarkaði því fækkað um 13.600 manns frá því sem mest var á þriðja ársfjórðungi 2008 til þriðja ársfjórðungs 2010.
Fjölda starfandi einstaklinga á innlendum vinnumarkaði á árunum 2008, 2009 og það sem af er þessu ári samkvæmt vinnumarkaðskönnun Hagstofu Íslands má sjá í eftirfarandi töflu sem og á eftirfarandi mynd:
139. löggjafarþing 2010–2011.
Þskj. 564 — 154. mál.
Svar
félags- og tryggingamálaráðherra við fyrirspurn Vigdísar Hauksdóttur um fækkun starfa.
Fyrirspurnin hljóðar svo:
Hvað hefur störfum fækkað mikið hér á landi árin 2008 og 2009 og það sem af er þessu ári?
Samkvæmt vinnumarkaðskönnun Hagstofu Íslands fór fjöldi þeirra sem starfa á innlendum vinnumarkaði mest í 183.800 einstaklinga á þriðja ársfjórðungi 2008 en hefur minnkað síðan. Þannig voru 171.500 einstaklingar starfandi á innlendum vinnumarkaði á þriðja ársfjórðungi 2009 og 170.200 á þriðja ársfjórðungi 2010. Samkvæmt vinnumarkaðskönnun Hagstofu Íslands hefur virkum þátttakendum á vinnumarkaði því fækkað um 13.600 manns frá því sem mest var á þriðja ársfjórðungi 2008 til þriðja ársfjórðungs 2010.
Fjölda starfandi einstaklinga á innlendum vinnumarkaði á árunum 2008, 2009 og það sem af er þessu ári samkvæmt vinnumarkaðskönnun Hagstofu Íslands má sjá í eftirfarandi töflu sem og á eftirfarandi mynd:
| Fjöldi starfandi eftir ársfjórðungum 2008–2010. | ||||
| Ár | 1. ársfj. | 2. ársfj. | 3. ársfj. | 4. ársfj. |
| 2008 | 174.000 | 181.500 | 183.800 | 175.000 |
| 2009 | 165.500 | 167.500 | 171.500 | 166.500 |
| 2010 | 163.900 | 169.500 | 170.200 | |
Hér er efni sem sést aðeins í pdf-skjalinu.
