Aðrar útgáfur af skjalinu: PDF - Word Perfect. Ferill 366. máls.
143. löggjafarþing 2013–2014.
Þingskjal 929 — 366. mál.
Fyrirspurnin hljóðar svo:
1. Hversu margir landverðir voru árlega að störfum árin 2007–2013 og í hversu margar vikur samtals á hverju ári? Hvernig skiptust vikurnar á friðlýst svæði?
2. Hversu margar vikur er fyrirhugað að landverðir verði samtals að störfum sumarið 2014 og hvernig er ætlunin að þær skiptist á friðlýst svæði?
Á vegum Umhverfisstofnunar starfa landverðir tímabundið yfir sumarmánuðina en á nokkrum svæðum starfa sérfræðingar allt árið. Mikilvægt er að hafa í huga þegar tölfræði síðustu sjö ára er skoðuð að á tímabilinu voru ráðnir fjórir heilsársstarfsmenn til viðbótar við þá sem þegar voru starfandi og sinna þeir landvörslu allt árið um kring. Alls eru því starfandi tveir heilsársstarfsmenn í Þjóðgarðinum Snæfellsjökli, einn á Patreksfirði (hóf störf 2011), einn á Ísafirði (hóf störf 2008), einn í Mývatnssveit, einn í Vestmannaeyjum (hóf störf 2008) og einn á Suðurlandi (hóf störf 2013). Einnig hefur Umhverfisstofnun verið í samstarfi við aðra aðila um landvörslu, en það eru Mýrdalshreppur vegna Dyrhólaeyjar, Náttúrustofa Norðurlands vestra vegna Miklavatns, Djúpavogshreppur vegna Teigarhorns og Reykjanesfólkvangur vegna landvörslu þar.
Á vegum Vatnajökulsþjóðgarðs starfa landverðir tímabundið yfir sumarmánuðina og er fjöldi þeirra mismunandi eftir starfsstöðvum. Heilsársstarfsmenn í Vatnajökulsþjóðgarði eru 12, en þjóðgarðinum er skipt í fjögur rekstrarsvæði, auk skrifstofu í Reykjavík. Starfsstöðvar í þjóðgarðinum eru á Kirkjubæjarklaustri, í Skaftafelli, á Höfn, á Skriðuklaustri í Ásbyrgi og í Mývatnssveit.
Í samræmi við upplýsingar frá Umhverfisstofnun og Vatnajökulsþjóðgarði er fjöldi landvarða og landvarðavikna sem hér segir:
Skipting landvarðavikna, alls 167 hjá Umhverfisstofnun og 546 hjá Vatnajökulsþjóðgarði, á landsvæði er sem hér segir:
Áætlaðar landvarðavikur á vegum Umhverfisstofnunar sumarið 2014 eru alls 167 vikur sem skiptast þannig á friðlýst svæði:
– 48 vikur Þjóðgarðurinn Snæfellsjökull.
– 62 vikur Mývatnssveit.
– 7 vikur Hornstrandir.
– 15 vikur Svæðalandvarsla á Suðurlandi, Friðland að Fjallabaki og Dyrhólaey.
– 8 vikur Svæðalandvarsla á Vesturlandi, friðlýst svæði í Borgarbyggð.
– 8 vikur Svæðalandvarsla á Miðhálendi, Hveravellir og Gullfoss.
– 11 vikur Svæðalandvarsla á sunnanverðum Vestfjörðum, Vatnsfjörður, Dynjandi, Surtarbrandsgil og Látrabjarg.
– 8 vikur Surtseyjarstofa.
Áætlaðar landvarðavikur í Vatnajökulsþjóðgarði sumarið 2014 eru alls 546 vikur sem skiptast þannig á rekstrarsvæði:
– 217 vikur Norðursvæði.
– 64 vikur Austursvæði.
– 207 vikur Suðursvæði.
– 58 vikur Vestursvæði.
Ráðuneytið bendir á að landvarsla í þjóðgarðinum á Þingvöllum heyrir ekki undir umhverfis- og auðlindaráðuneytið.
143. löggjafarþing 2013–2014.
Þingskjal 929 — 366. mál.
Svar
umhverfis- og auðlindaráðherra við fyrirspurn frá Katrínu Jakobsdóttur um landvörslu.
Fyrirspurnin hljóðar svo:
1. Hversu margir landverðir voru árlega að störfum árin 2007–2013 og í hversu margar vikur samtals á hverju ári? Hvernig skiptust vikurnar á friðlýst svæði?
2. Hversu margar vikur er fyrirhugað að landverðir verði samtals að störfum sumarið 2014 og hvernig er ætlunin að þær skiptist á friðlýst svæði?
Á vegum Umhverfisstofnunar starfa landverðir tímabundið yfir sumarmánuðina en á nokkrum svæðum starfa sérfræðingar allt árið. Mikilvægt er að hafa í huga þegar tölfræði síðustu sjö ára er skoðuð að á tímabilinu voru ráðnir fjórir heilsársstarfsmenn til viðbótar við þá sem þegar voru starfandi og sinna þeir landvörslu allt árið um kring. Alls eru því starfandi tveir heilsársstarfsmenn í Þjóðgarðinum Snæfellsjökli, einn á Patreksfirði (hóf störf 2011), einn á Ísafirði (hóf störf 2008), einn í Mývatnssveit, einn í Vestmannaeyjum (hóf störf 2008) og einn á Suðurlandi (hóf störf 2013). Einnig hefur Umhverfisstofnun verið í samstarfi við aðra aðila um landvörslu, en það eru Mýrdalshreppur vegna Dyrhólaeyjar, Náttúrustofa Norðurlands vestra vegna Miklavatns, Djúpavogshreppur vegna Teigarhorns og Reykjanesfólkvangur vegna landvörslu þar.
Á vegum Vatnajökulsþjóðgarðs starfa landverðir tímabundið yfir sumarmánuðina og er fjöldi þeirra mismunandi eftir starfsstöðvum. Heilsársstarfsmenn í Vatnajökulsþjóðgarði eru 12, en þjóðgarðinum er skipt í fjögur rekstrarsvæði, auk skrifstofu í Reykjavík. Starfsstöðvar í þjóðgarðinum eru á Kirkjubæjarklaustri, í Skaftafelli, á Höfn, á Skriðuklaustri í Ásbyrgi og í Mývatnssveit.
Í samræmi við upplýsingar frá Umhverfisstofnun og Vatnajökulsþjóðgarði er fjöldi landvarða og landvarðavikna sem hér segir:
Fjöldi landvarða 2007–2013 | ||||||||
2007 | 2008 | 2009 | 2010 | 2011 | 2012 | 2013 | ||
Umhverfisstofnun | 12 | 13 | 15 | 16 | 17 | 20 | 26 | |
Vatnajökulsþjóðgarður | 33 | 43 | 45 | 46 | 52 | 51 | ||
Samtals: | 12 | 46 | 58 | 61 | 63 | 72 | 77 | |
Fjöldi landvarðavikna 2007–2013 | ||||||||
20071 ) | 2008 | 2009 | 2010 | 2011 | 2012 | 2013 | 20142 ) | |
Umhverfisstofnun | 124 | 144 | 140 | 146 | 172 | 219 | 232 | 167 |
Vatnajökulsþjóðgarður | 330 | 441 | 460 | 477 | 522 | 605 | 546 | |
Samtals: | 124 | 474 | 581 | 606 | 649 | 741 | 837 | 713 |
1)Vatnajökulsþjóðgarður tók til starfa 2008. | ||||||||
2)Áætlaður fjöldi. |
Áætlaðar landvarðavikur á vegum Umhverfisstofnunar sumarið 2014 eru alls 167 vikur sem skiptast þannig á friðlýst svæði:
– 48 vikur Þjóðgarðurinn Snæfellsjökull.
– 62 vikur Mývatnssveit.
– 7 vikur Hornstrandir.
– 15 vikur Svæðalandvarsla á Suðurlandi, Friðland að Fjallabaki og Dyrhólaey.
– 8 vikur Svæðalandvarsla á Vesturlandi, friðlýst svæði í Borgarbyggð.
– 8 vikur Svæðalandvarsla á Miðhálendi, Hveravellir og Gullfoss.
– 11 vikur Svæðalandvarsla á sunnanverðum Vestfjörðum, Vatnsfjörður, Dynjandi, Surtarbrandsgil og Látrabjarg.
– 8 vikur Surtseyjarstofa.
Áætlaðar landvarðavikur í Vatnajökulsþjóðgarði sumarið 2014 eru alls 546 vikur sem skiptast þannig á rekstrarsvæði:
– 217 vikur Norðursvæði.
– 64 vikur Austursvæði.
– 207 vikur Suðursvæði.
– 58 vikur Vestursvæði.
Ráðuneytið bendir á að landvarsla í þjóðgarðinum á Þingvöllum heyrir ekki undir umhverfis- og auðlindaráðuneytið.