![Alþingishúsið](http://www.althingi.is/myndir/althlit.gif)
2. FUNDUR
miðvikudaginn 10. sept.,
kl. 7.40 síðdegis.
Stefnuræða forsætisráðherra og umræður um hana.
Umræðurnar skiptust í þrjár umferðir. Forsætisráðherra hafði 20 mínútur til framsögu en aðrir þingflokkar en þingflokkur forsætisráðherra höfðu 12 mínútur í fyrstu umferð, í annarri umferð höfðu þingflokkarnir 6 mínútur en í þeirri þriðju 5 mínútur hver þingflokkur.
Röð flokkanna var í öllum umferðum þessi: Framsóknarflokkur, Samfylkingin, Vinstri hreyfingin grænt framboð, Sjálfstæðisflokkur, Björt framtíð, Píratar.
Fyrir Framsóknarflokk töluðu Sigmundur Davíð Gunnlaugsson, forsætisráðherra, í fyrstu umferð, í annarri Vigdís Hauksdóttir, 2. þm. Reykjavíkurkjördæmis suður, og í þriðju umferð Gunnar Bragi Sveinsson utanríkisráðherra.
Ræðumenn Samfylkingarinnar voru í fyrstu umferð Árni Páll Árnason, 4. þm. Suðvesturkjördæmis, Katrín Júlíusdóttir, 11. þm. Suðvesturkjördæmis, í annarri og Kristján L. Möller, 7. þm. Norðausturkjördæmis, í þriðju umferð.
Ræðumenn fyrir Vinstri hreyfinguna grænt framboð voru Katrín Jakobsdóttir, 3. þm. Reykjavíkurkjördæmis norður, í fyrstu umferð, í annarri Steinunn Þóra Árnadóttir, 8. þm. Reykjavíkurkjördæmis norður, og í þriðju umferð Steingrímur J. Sigfússon, 4. þm. Norðausturkjördæmis.
Ræðumenn fyrir Sjálfstæðisflokk voru Bjarni Benediktsson, fjármála- og efnahagsráðherra, í fyrstu umferð, Ragnheiður Ríkharðsdóttir, 3. þm. Suðvesturkjördæmis, í annarri umferð og Guðlaugur Þór Þórðarsson, 7. þm. Reykjavíkurkjördæmis suður, í þriðju umferð.
Fyrir Bjarta framtíð töluðu í fyrstu umferð Guðmundur Steingrímsson, 7. þm. Suðvesturkjördæmis, í annarri Björt Ólafsdóttir, 6. þm. Reykjavíkurkjördæmis norður, og í þriðju umferð Brynhildur S. Björnsdóttir, 6. þm. Reykjavíkurkjördæmis suður.
Fyrir Pírata töluðu Jón Þór Ólafsson, 10. þm. Reykjavíkurkjördæmis suður, í fyrstu umferð, Helgi Hrafn Gunnarsson, 10. þm. Reykjavíkurkjördæmis norður, í annarri umferð og Birgitta Jónsdóttir, 12. þm. Suðvesturkjördæmis, í þriðju.
[22:05]
Fundi slitið kl. 22:06.
---------------