Ferill 308. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 800 — 308. mál.
Svar
mennta- og menningarmálaráðherra við fyrirspurn frá Katrínu Jakobsdóttur
um sóknaráætlun vegna lista, menningar og nýsköpunar.
1. Mun áætlun fyrir listir, menningu og annað nýsköpunarstarf sem forsætisráðherra sagði í áramótaávarpi 31. desember 2013 að unnið væri að á vegum mennta- og menningarmálaráðherra og ríkisstjórnarinnar birtast á þessu ári eins og fullyrt var í ávarpinu?
Á yfirstandandi ári hefur verið unnið að drögum að sóknaráætlun í listum, menningu og öðru nýsköpunarstarfi í samræmi við þá yfirlýsingu sem forsætisráðherra gaf í áramótaávarpi sínu 31. desember síðastliðinn.
Þeirri vinnu er enn ekki lokið og mun afrakstur hennar ekki birtast á þessu ári.
2. Hvaða aðilar hafa verið kallaðir til samráðs við gerð áætlunarinnar?
Vinnan hefur enn sem komið er einungis verið unnin innan vébanda mennta- og menningarmálaráðuneytisins. Kynning og samráð við hagsmunaaðila mun fara fram áður en endanleg áætlun verður kynnt.
