Ferill 607. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 1051 — 607. mál.
Fyrirspurn
til fjármála- og efnahagsráðherra um eignarhluti ríkisins
og meðalvaxtakostnað á lántökum.
Frá Helga Hjörvar.
1. Hvert var bókfært verðmæti eignarhluta ríkisins í eftirtöldum fyrirtækjum miðað við ársreikninga þeirra eins og þeir voru annars vegar í árslok 2009 og hins vegar í árslok 2013:
a. Landsbankanum,
b. Arion banka,
c. Íslandsbanka,
d. Landsvirkjun,
e. Orkusölunni,
f. Orkubúi Vestfjarða,
g. Landsneti,
h. Rarik,
i. Farice,
j. Isavia (miða skal við 1. janúar 2010 í stað 31. desember 2009),
k. ÁTVR,
l. Íslandspósti?
2. Hve miklar voru arðgreiðslur frá framantöldum fyrirtækjum til ríkisins sem eiganda á árunum 2010–2013, sundurliðað eftir fyrirtækjum og árum?
3. Hver var meðalvaxtakostnaður ríkissjóðs á lántökum á árunum 2010–2013, sundurliðaður eftir árum?
Í svari við 1. og 2. tölul. er óskað eftir upplýsingum þannig fram settum að eignarhlutir í fyrirtækjunum innbyrðis séu ekki tvítaldir.
Skriflegt svar óskast.