Ferill 269. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 554 — 269. mál.
Svar
innanríkisráðherra við fyrirspurn frá Björgvini G. Sigurðssyni um fíkniefnabrot.
1. Hve margir hafa afplánað fangelsisrefsingar fyrir fíkniefnabrot á Íslandi árin 1980– 2015 og hvert hefur hlutfall þeirra verið af öllum sem hafa afplánað dóma á tímabilinu? Svarið óskast sundurliðað eftir árum.
Svar við þessum lið fyrirspurnarinnar má sjá í eftirfarandi töflu og línuriti. Upplýsingar sem þar koma fram eru ástæður fangavistar á ári hverju. Þær eru fengnar með því að telja saman annars vegar þá sem ljúka afplánun á hverju ári og hins vegar fjölda þeirra sem sitja inni í lok árs. Með þessari aðferð má sjá hve margir eru í afplánun innan hvers árs (og hlutfallið) fyrir brot gegn 173. gr. a almennra hegningarlaga og laga um ávana- og fíkniefni. Maður sem hefur verið dæmdur í mörg ár er því í afplánun um nokkur áramót þannig að þetta eru ekki upplýsingar um fjölda einstaklinga heldur tilefni brots innan hvers árs.
Ár | Fjöldi | Hlutfall | Ár | Fjöldi | Hlutfall |
1980 | 23 | 11,3 | 2000 | 55 | 25,1 |
1981 | 21 | 11,4 | 2001 | 75 | 29,5 |
1982 | 26 | 12,2 | 2002 | 79 | 31,5 |
1983 | 40 | 16,2 | 2003 | 91 | 28 |
1984 | 22 | 10,7 | 2004 | 75 | 23,7 |
1985 | 16 | 6,4 | 2005 | 96 | 31,5 |
1986 | 33 | 10,9 | 2006 | 111 | 34 |
1987 | 30 | 10,4 | 2007 | 92 | 31,9 |
1988 | 32 | 10,8 | 2008 | 89 | 28,3 |
1989 | 25 | 7,5 | 2009 | 100 | 30,5 |
1990 | 23 | 6,7 | 2010 | 113 | 34,7 |
1991 | 22 | 6,4 | 2011 | 110 | 30,1 |
1992 | 28 | 8,3 | 2012 | 108 | 27,8 |
1993 | 24 | 7,9 | 2013 | 114 | 30,6 |
1994 | 34 | 10,7 | 2014 | 106 | 30,1 |
1995 | 51 | 13,8 | |||
1996 | 54 | 13 | |||
1997 | 57 | 18,3 | |||
1998 | 54 | 20,1 | |||
1999 | 55 | 23,5 |
Hér er efni sem sést aðeins í pdf-skjalinu.
2. Hve margir hafa verið sakfelldir árlega fyrir brot á lögum um ávana- og fíkniefni árin 1980–2015?
Samkvæmt upplýsingum frá embætti ríkissaksóknara er einungis hægt að taka út tölur fyrir árin 2000 til nóvember 2015, en ekki tölur fyrir árin 1980 til 1999 og er því ekki hægt að svara þeim hluta fyrirspurnarinnar. Tölur fyrir árin 2000–2015 má sjá í eftirfarandi töflu:
Ár | Fjöldi |
2000 | 155 |
2001 | 214 |
2002 | 201 |
2003 | 296 |
2004 | 393 |
2005 | 482 |
2006 | 459 |
2007 | 429 |
2008 | 456 |
2009 | 366 |
2010 | 334 |
2011 | 398 |
2012 | 429 |
2013 | 490 |
2014 | 405 |
2015 | 409 |