Ferill 393. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 736 — 393. mál.
Svar
innanríkisráðherra við fyrirspurn frá Þorsteini Sæmundssyni
um tilvik sem tengjast starfsemi kampavínsklúbba.
Í tilefni af fyrirspurninni óskaði ráðuneytið eftir umsögn embættis ríkislögreglustjóra. Í umsögninni sem dagsett er 18. desember 2015 kemur fram að öll tilvik af þessu tagi eru bundin umdæmi lögreglustjórans á höfuðborgarsvæðinu. Til að svara fyrirspurninni vísast því að öðru leyti til umsagnar lögreglustjórans á höfuðborgarsvæðinu, sbr. fylgiskjal. Í umsögn embættisins segir að ekki komi fram í fyrirspurninni skilgreining á kampavínsklúbbum en miðað sé við þá staði sem bjóða upp á súludans og/eða félagsskap fáklæddra starfsmanna gegn kaupum á kampavíni.
1. Hversu mörg tilvik, sem tengjast starfsemi svokallaðra kampavínsklúbba, hafa verið skráð í dagbók lögreglu árin 2011–2015?
Samkvæmt upplýsingum frá lögreglustjóranum á höfuðborgarsvæðinu hafa 197 atvik verið skráð í dagbók lögreglu frá 1. janúar 2011 til 8. desember 2015, sbr. töflu 1 í fylgiskjali.
2. Hversu mörg tilvik, sem tengjast starfsemi svokallaðra kampavínsklúbba, hafa verið skráð í málaskrá lögreglu árin 2011–2015?
Samkvæmt upplýsingum frá lögreglustjóranum á höfuðborgarsvæðinu hefur 61 brot verið skráð í málaskrá lögreglu frá 1. janúar 2011 til 8. desember 2015, sbr. töflu 1 í fylgiskjali.
3. Hafa einhver þessara tilvika leitt til rannsóknar lögreglu? Ef svo er, hverjar hafa lyktir rannsókna orðið?
Svar við þessum lið fyrirspurnarinnar er að finna í töflu 2 í umsögn lögreglustjórans á höfuðborgarsvæðinu, sjá fylgiskjal.
4. Hvers eðlis eru umrædd tilvik?
Um þessi atriði vísast til töflu 3 í umsögn lögreglustjórans á höfuðborgarsvæðinu, sjá fylgiskjal.
Fylgiskjal.
Lögreglan á höfuðborgarsvæðinu,
Upplýsinga- og áætlanadeild:
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
