Ferill 394. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 813 — 394. mál.
Svar
heilbrigðisráðherra við fyrirspurn frá Silju Dögg Gunnarsdóttur um hjúkrunarrými.
1. Hversu mörg hjúkrunarrými eru nú á Íslandi?
Í desember 2015 voru 2.646 hjúkrunarrými á Íslandi. Eru þá talin með 11 ný hjúkrunarrými sem bættust um áramótin 2015–2016 við þau 19 hjúkrunarrými sem fyrir voru á Ísafirði. Af þessum 2.646 rýmum eru 365 rekin af heilbrigðisstofnunum.
2. Hve mörg eru tvímenningsrými, hvar eru þau á landinu og hversu mörg á hverjum stað fyrir sig, sundurliðað eftir sveitarfélögum?
Velferðarráðuneytið safnar ekki reglubundið upplýsingum um fjölda einbýla og fjölbýla. Því var send út fyrirspurn til rekstraraðila hjúkrunarrýma og er svarið nálgun út frá þeim upplýsingum sem bárust. Af 2.646 rýmum bárust svör vegna 2.639 rýma. Af þeim eru 2.133 einbýli, 469 rými teljast tvíbýli og 33 teljast þríbýli. Því er ljóst að um 81% íbúa í hjúkrunarrýmum eru í einbýlum. Flest fjölbýlin eru á höfuðborgarsvæðinu þar sem 330 af 502 fjölbýlum eru. Af þessum 502 fjölbýlum er 33 þríbýli og af þeim eru 30 á höfuðborgarsvæðinu. Meðfylgjandi fylgiskjal sýnir nánar fjölda og staðsetningu rýma eftir sveitarfélögum.
3. Hver yrði kostnaðurinn við að breyta þessum tvímenningsrýmum í einmenningsrými?
Miðað við framangreindar tölur eru 502 hjúkrunarrými á landinu öllu sem enn teljast til tví- eða þríbýla. Til að breyta þessum 502 hjúkrunarrýmum í einbýli þyrfti því að byggja um 250 ný hjúkrunarrými. Gróflega áætlað kostar hvert nýtt hjúkrunarrými í byggingu um 28 millj. kr. eða um 7 milljarða kr. að byggja þessi 250 hjúkrunarrými.
4. Liggur fyrir áætlun um útrýmingu tvímenningsrýma á hjúkrunarheimilum? Ef svo er, hver er tímaramminn fyrir þá áætlun?
Framkvæmdaáætlun um byggingu nýrra hjúkrunarrýma, sem unnið hefur verið eftir síðustu ár, nær bæði til þess að fjölga hjúkrunarrýmum og bæta aðbúnað íbúa á hjúkrunarheimilum þó megináhersla sé lögð á fjölgun rýma enda þörfin mjög brýn. Sú krafa er gerð að allar nýjar byggingar fyrir hjúkrunarrými séu byggðar í samræmi við lágmarksviðmið ráðuneytisins um skipulag hjúkrunarheimila. Í þeim viðmiðum er gerð sú krafa að hver íbúi hafi ákveðið einkarými fyrir sig. Frá því þau viðmið voru sett fram hefur einbýlum því jafnt og þétt farið fjölgandi síðustu ár. Ný framkvæmdaáætlun til ársins 2020 gerir ráð fyrir að haldið sé áfram á þeirri braut bæði við að bæta aðbúnað íbúa og fjölga rýmum.
Kostnaður við að útrýma öllum fjölbýlum er umtalsverður og er til viðbótar við þann kostnað sem felst í að fjölga hjúkrunarrýmum í samræmi við þörf þar um. Umfang framkvæmda um byggingu nýrra hjúkrunarrýma hvort sem er til að bæta aðbúnað íbúa á hjúkrunarheimilum eða til að fjölga hjúkrunarrýmum byggist síðan á því fjármagni sem Alþingi veitir til málefnisins.
Öldrunarheimili og stofnanir | Sveitarfélög | Fjöldi hjúkrunarrýma | Einbýli | Tvíbýli | Þríbýli |
Heilbrigðisumdæmi höfuðborgarsvæðisins | |||||
Droplaugarstaðir, hjúkrunarheimili | Reykjavík | 82 | 82 | 0 | 0 |
Eir, hjúkrunarheimili | Reykjavík | 173 | 91 | 58 | 24 |
Grund, dvalar- og hjúkrunarheimili | Reykjavík | 181 | 147 | 28 | 6 |
Hrafnista, dvalar- og hjúkrunarheimili | Reykjavík | 197 | 171 | 26 | 0 |
Seljahlíð, hjúkrunarheimili | Reykjavík | 20 | 18 | 2 | 0 |
Skjól, hjúkrunarheimili | Reykjavík | 107 | 69 | 38 | 0 |
Skógarbær, hjúkrunarheimili | Reykjavík | 81 | 61 | 20 | 0 |
Sóltún, hjúkrunarheimili | Reykjavík | 92 | 92 | 0 | 0 |
Mörk, hjúkrunarheimili | Reykjavík | 113 | 113 | 0 | 0 |
Hrafnista, dvalar- og hjúkrunarheimili | Hafnarfjörður | 158 | 118 | 40 | 0 |
Sólvangur, hjúkrunarheimili | Hafnarfjörður | 58 | 4 | 54 | 0 |
Ísafold, Garðabæ | Garðabær | 60 | 60 | 0 | 0 |
Sunnuhlíð, hjúkrunarheimili | Kópavogur | 70 | 36 | 34 | 0 |
Boðaþing, hjúkrunarheimili | Kópavogur | 44 | 44 | 0 | 0 |
Roðasalir, hjúkrunar og dagvist hb | Kópavogur | 11 | 11 | 0 | 0 |
Hjúkrunarheimilið, Hamrar Mosfellsbær | Mosfellsbær | 30 | 30 | 0 | 0 |
Heildarfjöldi rýma: | 1.477 | 1.147 | 300 | 30 | |
Heilbrigðisumdæmi Suðurnesja | |||||
Heilbrigðisstofnun Suðurnesja, Víðihlíð, Grindavík | Grindavíkurbær | 20 | 10 | 10 | 0 |
Heilbrigðisstofnun Suðurnesja, Keflavík | Reykjanesbær | 5 | 5 | 0 | 0 |
Nesvellir, Reykjanesbæ | Reykjanesbær | 60 | 60 | 0 | 0 |
Hlévangur, hjúkrunarheimili | Reykjanesbær | 30 | 30 | 0 | 0 |
Heildarfjöldi rýma: | 115 | 105 | 10 | 0 | |
Heilbrigðisumdæmi Vesturlands | |||||
Höfði, dvalar- og hjúkrunarheimili, Akranesi | Akranes | 56 | 56 | 0 | 0 |
Dvalarheimili aldraðra Borgarnesi | Borgarbyggð | 35 | 35 | 0 | 0 |
Jaðar, hjúkrunar- og dvalarheimili, Ólafsvík | Snæfellsbær | 12 | 12 | 0 | 0 |
Fellaskjól, hjúkrunar- og dvalarheimili, Grundarfirði | Grundarfjarðarbær | 10 | 10 | 0 | 0 |
Dvalarheimili aldraðra, Stykkishólmi | Stykkishólmur | 13 | 13 | 0 | 0 |
Heilbrigðisstofnun Vesturlands, Stykkishólmi | Stykkishólmur | 7 | 7 | 0 | 0 |
Silfurtún, hjúkrunar- og dvalarheimili, Dalabyggð | Dalabyggð | 10 | 10 | 0 | 0 |
Fellsendi, hjúkrunarheimili, Dalabyggð | Dalabyggð | 26 | 26 | 0 | 0 |
Barmahlíð, dvalar- og hjúkrunarheimili | Reykhólahreppur | 14 | 14 | 0 | 0 |
Heilbrigðisstofnun Vesturlands, Hólmavík | Strandabyggð | 10 | 8 | 2 | 0 |
Heilbrigðisstofnun Vesturlands, Hvammstanga | Húnaþing vestra | 18 | 18 | 0 | 0 |
Heildarfjöldi rýma: | 211 | 209 | 2 | 0 | |
Heilbrigðisumdæmi Vestfjarða | |||||
Heilbrigðisstofnun Patreksfirði | Vesturbyggð | 11 | 6 | 2 | 3 |
Heilbrigðisstofnun Þingeyri | Þingeyri | 6 | 2 | 4 | 0 |
Heilbrigðisstofnun Vestfjarða, Ísafirði | Ísafjarðarbær | 30 | 30 | 0 | 0 |
Heilbrigðisstofnun Vestfjarða, Bolungarvík | Bolungarvík | 10 | 10 | 0 | 0 |
Heildarfjöldi rýma: | 57 | 48 | 6 | 3 | |
Heilbrigðisumdæmi Norðurlands | |||||
Heilbrigðisstofnun Blönduósi | Blönduóssbær | 22 | 6 | 16 | 0 |
Sæborg, dvalar- og hjúkrunarheimili | Sveitarfélagið Skagaströnd | 7 | 7 | 0 | 0 |
Heilbrigðisstofnun Sauðárkróki | Sveitarfélagið Skagafjörður | 45 | 37 | 8 | 0 |
Heilbrigðisstofnun Fjallabyggð, Siglufirði | Fjallabyggð | 20 | 18 | 2 | 0 |
Hornbrekka, hjúkrunar- og dvalarheimili, Ólafsfirði | Fjallabyggð | 18 | 8 | 10 | 0 |
Dalbær, hjúkrunar- og dvalarheimili, Dalvík | Dalvíkurbyggð | 25 | 25 | 0 | 0 |
Sjúkrahúsið á Akureyri | Akureyri | 7 | - | - | - |
Öldrunarheimili Akureyrar | Akureyri | 169 | 169 | 0 | 0 |
Grenilundur, Grenivík | Grýtubakkahreppur | 6 | 6 | 0 | 0 |
Heilbrigðisstofnun Þingeyinga | Norðurþing | 23 | 7 | 16 | 0 |
Hvammur, hjúkrunar- og dvalarheimili, Húsavík | Norðurþing | 27 | 27 | 0 | 0 |
Naust, dvalar- og hjúkrunarheimili, Þórshöfn | Langanesbyggð | 10 | 10 | 0 | 0 |
Heildarfjöldi rýma: | 379 | 320 | 52 | 0 | |
Heilbrigðisumdæmi Austurlands | |||||
Sundabúð, Vopnafirði | Vopnafjarðarhreppur | 10 | 4 | 6 | 0 |
Heilbrigðisstofnun Austurlands, Egilsstöðum | Fljótsdalshérað | 30 | 30 | 0 | 0 |
Heilbrigðisstofnun Austurlands, Seyðisfirði | Seyðisfjörður | 18 | 18 | 0 | 0 |
Hulduhlíð, hjúkrunar- og dvalarheimili, Eskifirði | Fjarðabyggð | 20 | 20 | 0 | 0 |
Heilbrigðisstofnun Austurlands, Neskaupstaður | Fjarðabyggð | 12 | 2 | 10 | 0 |
Uppsalir, hjúkrunar- og dvalarheimili, Fáskrúðsfirði | Fjarðabyggð | 15 | 3 | 12 | 0 |
Heildarfjöldi rýma: | 105 | 77 | 28 | 0 | |
Heilbrigðisumdæmi Suðurlands | |||||
Ás/Ásbyrgi, hjúkrunar- og geðrými | Hveragerði | 77 | 57 | 20 | 0 |
Sólvellir, hjúkrunar- og dvalarheimili, Eyrabakka | Sveitarfélagið Árborg | 5 | 5 | 0 | 0 |
Kumbaravogur, hjúkrunar- og dvalarheimili, Stokkseyri | Sveitarfélagið Árborg | 34 | 19 | 15 | |
Heilbrigðisstofnun Suðurlands, Selfossi | Sveitarfélagið Árborg | 40 | 40 | 0 | 0 |
Blesastaðir, hjúkrunar- og dvalarheimili, Skeiðum | Skeiða- og Gnúpverjahreppur | 5 | 5 | 0 | 0 |
Lundur, hjúkrunar- og dvalarheimili, Hellu | Rangárþing ytra | 30 | 16 | 12 | 0 |
Kirkjuhvoll, hjúkrunar- og dvalarheimili, Hvolsvelli | Rangárþing eystra | 24 | 24 | 0 | 0 |
Hraunbúðir, hjúkrunar- og dvalarheimili | Vestmannaeyjar | 28 | 24 | 2 | 0 |
Heilbrigðisstofnun Vestmannaeyjum | Vestmannaeyjar | 7 | 7 | 0 | 0 |
Hjallatún, hjúkrunar- og dvalarheimili í Vík | Mýrdalshreppur | 12 | 12 | 0 | 0 |
Klausturhólar, hjúkrunar- og dvalarheimili, Kirkjubæjarklaustri | Skaftárhreppur | 16 | 16 | 0 | 0 |
Heilbrigðisstofnun Suð-Austurlands | Sveitarfélagið Hornafjörður | 24 | 2 | 22 | 0 |
Heildarfjöldi rýma: | 302 | 227 | 71 | 0 | |
Heildarfjöldi allra rýma: | 2.646 | 2.133 | 469 | 33 |