Ferill 304. máls. Aðrar útgáfur af skjalinu: PDF - Word Perfect.
146. löggjafarþing 2016–2017.
Þingskjal 416 — 304. mál.
Fyrirspurn
til dómsmálaráðherra um mannréttindasjónarmið í íslenskri löggjöf o.fl.
Frá Rósu Björk Brynjólfsdóttur.
1. Hvernig miðar rannsókn á stöðu hælisleitenda og flóttamanna út frá jafnréttis- og mannréttindasjónarmiðum sem kveðið er á um í 12. tölul. framkvæmdaáætlunar í jafnréttismálum fyrir árin 2016–2019?
2. Hefur verið kannað hvort fullnægjandi tillit sé tekið til jafnréttis- og mannréttindasjónarmiða í íslenskri löggjöf og lagaframkvæmd, m.a. með hliðsjón af kyni, kynhneigð eða kynímynd, viðkvæmum einstaklingum og þolendum ofbeldisbrota og mansals, eins og kveðið er á um í framkvæmdaáætlun í jafnréttismálum fyrir árin 2016–2019?
3. Hvað líður mótun aðgerða til að tryggja hælisleitendum og flóttamönnum sanngjarna málsmeðferð og viðeigandi vernd sem kveðið er á um í framkvæmdaáætlun í jafnréttismálum fyrir árin 2016–2019?
