Ferill 506. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 942 — 506. mál.
Svar
heilbrigðisráðherra við fyrirspurn frá Birni Leví Gunnarssyni um áhrif mannfjölda á fjárframlög til heilbrigðisstofnana.
Fyrirspurnin hljóðar svo:
1. Hversu margir bjuggu í umdæmi hverrar heilbrigðisstofnunar í upphafi árs 2019 og hvað er áætlað að mannfjöldi breytist mikið í hverju umdæmi á árinu?
2. Hvaða áhrif hafði mannfjöldaspá á fjárframlög til hverrar heilbrigðisstofnunar samkvæmt fjárlögum fyrir árið 2019?
Ekki liggur fyrir hversu margir bjuggu í umdæmi hverrar heilbrigðisstofnunar í upphafi árs 2019 eða hvað er áætlað að mannfjöldi breytist mikið í hverju umdæmi á árinu. Samkvæmt birtingaráætlun Hagstofu Íslands er gert ráð fyrir birtingu mannfjöldaspár ársins 2019 hinn 20. mars nk.
Í fjárlögum fyrir árið 2019 voru varanlegar rekstrarfjárveitingar hækkaðar til nokkurra heilbrigðisstofnana en ekki allra, þá er tekið mið af raunvexti vegna breytinga á heilbrigðisþjónustu og öldrun þjóðarinnar. Eftirfarandi stofnanir fengu hækkaðar fjárveitingar vegna þessa:
| Stofnun | Hækkun í millj. kr. | Hækkun í % |
| Landspítali | 1.164 | 1,8% |
| Sjúkrahúsið á Akureyri | 143 | 1,8% |
| Heilbrigðisstofnun Suðurlands | 81,5 | 2,8% |
| Heilbrigðisstofnun Suðurnesja | 41,1 | 2,8% |
| Heilsugæsla höfuðborgarsvæðisins | 36,4 | 1,8% |
| Miðstöð heimahjúkrunar á höfuðborgarsvæðinu | 24,8 | 1,8% |
| Heilsugæsluþjónusta samkvæmt reiknilíkani* | 216,2 | 3,0% |
*Heilsugæslustöðin Lágmúla, Læknavaktin, Heilsugæslustöðin í Salahverfi í Kópavogi, Heilsugæslustöðin Höfði, Heilsugæslustöðin Urðarhvarfi, Heilsugæsla höfuðborgarsvæðisins, reiknilíkan.
