Ferill 640. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1046 — 640. mál.
Fyrirspurn
til sjávarútvegs- og landbúnaðarráðherra um sláturafurðir.
Frá Birgi Þórarinssyni.
1. Hvað fellur árlega til mikið magn af sláturafurðum hér á landi og hve stóran hluta þess mætti nýta?
2. Hve stór hluti þess magns er vottaður af sláturleyfishöfum þannig að flokkun hráefna sé í samræmi við reglugerðir, hve stóran hluta væri hægt að votta og hvað kemur í veg fyrir að votta megi allar sláturafurðir?
3. Hve stór hluti sláturafurða er urðaður eða hent og hver er skýringin á því að ekki er meira nýtt?
4. Hvað stendur í vegi fyrir útflutningi á sláturafurðum?
5. Hvað stendur í vegi fyrir útflutningi á afurðum sem falla til vegna orkugerðar og annarrar vinnslu á sláturafurðum í víðum skilningi þess orðs?
Skriflegt svar óskast.