Ferill 745. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1174 — 745. mál.
Fyrirspurn
til sjávarútvegs- og landbúnaðarráðherra um rekstrarleyfi í fiskeldi.
Frá Ingu Sæland.
1. Hvaða starfsstöðvar voru með gild rekstrarleyfi í fiskeldi 15. mars 2019? Óskað er upplýsinga um heiti eldisfyrirtækja, staðsetningu eldis (sveitarfélag), eldisaðferðir og tegundir eldisdýra í hverju tilviki samkvæmt umsókn um rekstrarleyfi.
2. Hve mikil framleiðsla er að hámarki leyfð árlega í hverju tilviki?
3. Hver var heildarframleiðsla eldisafurða á hverju leyfi 2017 og 2018?
4. Á hvaða stöðum er eldi fyrirhugað samkvæmt umsóknum sem lágu fyrir í ferli hjá Skipulagsstofnun og Matvælastofnun 15. mars 2019?
5. Hvers konar eldi, flokkað eftir eldisaðferðum, eldistegundum og eldisafurðum, er fyrirhugað á þessum stöðum samkvæmt umsóknunum?
6. Hvað er sótt um mikla framleiðslu eldisafurða í hverri umsókn?
Skriflegt svar óskast.