Ferill 205. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 319 — 205. mál.
Svar
forseta Alþingis við fyrirspurn frá Þorsteini Sæmundssyni um utanlandsferðir á vegum Alþingis.
1. Hversu margar utanlandsferðir fóru árin 2016–2019:
a. yfirstjórn,
b. almennir starfsmenn?
a. Yfirstjórn skrifstofunnar, forstöðumenn og deildarstjórar.
Ár | Ferðir með þingmönnum/þingforseta | Fundir, ráðstefnur, námskeið, annað | Samtals |
2016 | 23 | 7 | 30 |
2017 | 18 | 3 | 21 |
2018 | 22 | 8 | 30 |
–sept. 2019 | 11 | 6 | 17 |
Áætlað okt.–des. 2019 | 10 | 5 | 15 |
b. Almennir starfsmenn.
Ár | Ferðir með þingmönnum/þingforseta | Fundir, ráðstefnur, námskeið, annað | Samtals |
2016 | 35 | 18 | 53 |
2017 | 35 | 18 | 53 |
2018 | 47 | 19 | 66 |
–sept. 2019 | 30 | 19 | 49 |
Áætlað okt.–des. 2019 | 8 | 1 | 9 |
2. Voru ferðirnar kolefnisjafnaðar?
Nei. Ef til vill hafa einhverjir starfsmenn kolefnisjafnað ferð sína sjálfir en skrifstofan gerði það ekki.
3. Er til fjarfundabúnaður á Alþingi?
Já. Nýr og betri búnaður var settur upp fyrr á þessu ári í því skyni að fjölga fjarfundum.
4. Hversu margir fundir voru haldnir með fjarfundabúnaði árin 2016–2019 með aðilum í útlöndum?
Fjarfundir starfsmanna skrifstofu hafa ekki verið skráðir sérstaklega í gegnum tíðina en nokkrar deildir hafa nýtt sér þennan möguleika. Upplýsingatækniskrifstofa hefur átt nokkra fjarfundi síðustu mánuði með aðilum í ýmsum löndum um mál varðandi Microsoft-samninginn. Einn starfsmaður upplýsingatækniskrifstofu bjó og starfaði erlendis árið 2017 og var þá á fjarfundum með deildinni í hverri viku í gegnum Skype for business. Starfsviðtöl eru tekin með fjarfundabúnaði við umsækjendur sem staddir eru erlendis og starfsmannaskrifstofa hefur átt nokkra fundi með erlendum ráðgjafa í gegnum fjarfund á þessu ári. Deildarstjóri þingvörslu hefur undanfarin ár átt fjarfundi með ráðgjöfum erlendis um ýmis tæknileg mál.
Hvað þingmenn varðar þá hafa tvær nefndir haldið hvor sinn fjarfundinn á þessu tímabili með aðilum í útlöndum og þrjár nefndir hafa haldið símafundi með aðilum erlendis. Skrifstofan heldur ekki utan um fjarfundi þingflokka eða einstakra þingmanna.