Ferill 208. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 494 — 208. mál.
Svar
fjármála- og efnahagsráðherra við fyrirspurn frá Þorsteini Sæmundssyni um utanlandsferðir á vegum ráðuneytisins.
1. Hversu margar utanlandsferðir fóru árin 2016–2019:
a. ráðherra,
b. yfirstjórn,
c. almennir starfsmenn,
d. starfsmenn stofnana ráðuneytisins, sundurliðað eftir stofnunum?
Í svarinu er gengið út frá því að með flokknum yfirstjórn í b-lið sé átt við ráðuneytisstjóra og skrifstofustjóra en aðstoðarmenn ráðherra eru hér flokkaðir með almennum starfsmönnum.
Utanlandsferðir ráðherra, yfirstjórnar og starfsmanna.
Hér er efni sem sést aðeins í pdf-skjalinu.
Utanlandsferðir starfsmanna stofnana.
Hér er efni sem sést aðeins í pdf-skjalinu.
2. Voru ferðirnar kolefnisjafnaðar?
Ráðuneytið og undirstofnanir kolefnisjöfnuðu ekki ferðir sínar á tímabilinu 2016–2018. Ráðuneytið mun hins vegar kolefnisjafna ferðir fyrir árið 2019 í samræmi við loftslagstefnu Stjórnarráðsins.
3. Er til fjarfundabúnaður í ráðuneytinu eða í stofnunum sem heyra undir ráðuneytið og ef svo er, hvar?
Með nýjum samningi um Microsoft-hugbúnaðarleyfi er öllum starfsmönnum ríkisins tryggður aðgangur að Skype for Business og Teams samskiptabúnaði sem hægt er að nýta við fjarfundi.
Ráðuneytið hefur innleitt nýja samninginn í starfsemi sinni og hafa því allir starfsmenn slíkan búnað uppsettann í tölvum sínum. Jafnframt er uppsettur sérstakur fjarfundabúnaður í tveimur fundarherbergjum í ráðuneytinu.
Þær undirstofnanir ráðuneytisins sem innleitt hafa nýjan samning um Microsofthugbúnað hafa aðgang að Teams og Skype for Business. Jafnframt nýta ríkisskattstjóri, embætti skattrannsóknarstjóra, yfirskattanefnd og tollstjóri fjarfundabúnað í starfsemi sinni.
4. Hversu margir fundir voru haldnir með fjarfundabúnaði árin 2016–2019 með aðilum í útlöndum?
Ekki er skráður sérstaklega fjöldi fjarfunda með aðilum í útlöndum í ráðuneytinu né í þeim undirstofnunum sem eru með fjarfundabúnað.
