Ferill 816. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 2017 — 816. mál.
Svar
utanríkis- og þróunarsamvinnuráðherra við fyrirspurn frá Birni Leví Gunnarssyni um lögbundin verkefni ráðuneytisins.
1. Hvaða lögbundnu verkefnum sinnir ráðuneytið?
Í forsetaúrskurði um skiptingu stjórnarmálefna milli ráðuneyta í Stjórnarráði Íslands, nr. 119/2018, með síðari breytingum, eru í 10. gr. talin upp þau málefni sem eru á starfssviði utanríkisráðuneytisins.
2. Hver er áætlaður heildarkostnaður lögbundinna verkefna ráðuneytisins og hver er áætlaður kostnaður hvers verkefnis samkvæmt fjárlögum fyrir árið 2020?
Kostnaði er ekki deilt niður á hvert lögbundið verkefni í fjárlögum, heldur er gerð grein fyrir fjárheimildum vegna hvers málefnasviðs og málaflokks. Utanríkisráðuneyti sinnir verkefnum á málefnasviði 04 Utanríkismál og 35 Alþjóðleg þróunarsamvinna. Fjárheimildir til verkefna ráðuneytisins eru samkvæmt fjárlögum fyrir árið 2020, sem hér segir, í milljónum króna:
04.10 | Utanríkisþjónusta og stjórnsýsla utanríkismála | 6.453,9 |
04.20 | Utanríkisviðskipti | 842,0 |
04.30 | Samstarf um öryggis- og varnarmál | 2.654,9 |
04.50 | Samningsbundin framlög vegna fjölþjóðasamstarfs | 2.634,4 |
35.10 | Alþjóðleg þróunarsamvinna | 5.917,5 |
Alls fóru tvær vinnustundir í að taka þetta svar saman.