Ferill 341. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 1040 — 341. mál.
Svar
heilbrigðisráðherra við fyrirspurn frá Ásthildi Lóu Þórsdóttur um samskipti við hagsmunaverði og skráningu þeirra.
1. Hafa öll samskipti ráðherra og ráðuneytisins við hagsmunaverði frá 1. janúar 2021 verið skráð eins og kveðið er á um í 2. mgr. 4. gr. laga um varnir gegn hagsmunaárekstrum í Stjórnarráði Íslands, nr. 64/2020?
Samkvæmt 2. mgr. 4. gr. laga um varnir gegn hagsmunaárekstrum í Stjórnarráði Íslands, nr. 64/2020, er stjórnvöldum skylt að skrá upplýsingar um samskipti þeirra og hagsmunavarða í samræmi við ákvæði upplýsingalaga, laga um opinber skjalasöfn og laga um Stjórnarráð Íslands. Upplýsingar um aðkomu hagsmunavarða og annarra einkaaðila að samningu stjórnarfrumvarpa skal tilgreina í greinargerð með þeim.
Í skýringum við ákvæði 2. mgr. 4. gr. í greinargerð sem fylgdi frumvarpi því sem varð að lögum nr. 64/2020 segir eftirfarandi:
„Í 2. mgr. 27. gr. upplýsingalaga, nr. 140/2012, kemur fram að stjórnvöld skulu gæta þess að haldið sé til haga mikilvægum upplýsingum, m.a. um samskipti við almenning og önnur stjórnvöld, svo sem með skráningu fundargerða eða minnisblaða. Í lögum um opinber skjalasöfn, nr. 77/2014, kemur enn fremur fram að afhendingarskyldum aðilum samkvæmt lögunum sé skylt að skrá mál sem koma til meðferðar hjá þeim á kerfisbundinn hátt og varðveita málsgögn þannig að þau séu aðgengileg í samræmi við reglur sem Þjóðskjalasafni Íslands er falið að setja. Hvað Stjórnarráð Íslands varðar leiðir af 11. gr. laga nr. 115/2011 að ráðuneytum í Stjórnarráði Íslands er skylt að færa skrá um formleg samskipti og fundi, sem og óformleg samskipti ef þau teljast mikilvæg, milli ráðuneytanna sem og við aðila utan þess. Á grundvelli ákvæðisins hafa verið settar reglur um skráningu samskipta í Stjórnarráði Íslands, sbr. reglur nr. 320/2016, en þar segir að með óformlegum samskiptum sé átt við munnleg samskipti, þar á meðal símtöl og fundi, þar sem lýst er afstöðu eða veittar upplýsingar sem teljist hafa þýðingu fyrir mál sem er til meðferðar í ráðuneyti eða teljist mikilvægar upplýsingar vegna málefna sem heyra undir ráðuneytið, enda komi afstaðan ekki fram í öðrum skráðum gögnum. Skrá skuli hvenær samskiptin fóru fram, milli hverra og efni upplýsinga sem um ræðir. Loks er að finna það nýmæli í 2. mgr. 4. gr. laga nr. 64/2020 að upplýsingar um aðkomu hagsmunavarða og annarra einkaaðila að samningu stjórnarfrumvarpa skuli tilgreina í greinargerð með þeim. Ekki liggja fyrir upplýsingar um það hversu oft hugmyndir að stjórnarfrumvörpum eiga rætur að rekja til erinda eða beiðna utan ráðuneytis sem ber ábyrgð á viðkomandi málaflokki en telja verður eðlilegt að þingheimur og almenningur geti nálgast upplýsingar um slíkt. Á sama hátt er eðlilegt að upplýsingar um aðra aðkomu aðila utan Stjórnarráðsins að gerð lagafrumvarpa, svo sem aðstoð við samningu, gagnaöflun o.s.frv., liggi fyrir og sé hægt að ráða af greinargerð með frumvarpinu sjálfu."
Í 3. mgr. 1. gr. laga nr. 64/2020 er hugtakið hagsmunavörður (e. lobbyists) skilgreint. Með hugtakinu er átt við einstaklinga sem tala máli einkaaðila gagnvart stjórnvöldum og leitast við að hafa áhrif á störf þeirra í atvinnuskyni. Með því að afmarka hugtakið við einstaklinga eru ýmis félagasamtök og fyrirtæki, sem í daglegu tali eru nefnd hagsmunasamtök, strangt til tekið undanskilin reglum 4. gr. en einstakir starfsmenn þeirra geta hins vegar borið skyldur samkvæmt ákvæðinu.
Ekki liggja fyrir upplýsingar um annað en að samskipti heilbrigðisráðherra og heilbrigðisráðuneytis við hagsmunaverði hafi verið skráð í málaskrá ráðuneytisins í samræmi við ákvæði framangreindra laga. Þá má finna upplýsingar um fundi heilbrigðisráðherra með hagsmunavörðum í yfirliti yfir fundi ráðherra í opnum dagbókum.
2. Hefur ráðuneytið ávallt gætt þess að kanna hvort hagsmunaverðir, sem ráðuneytið eða ráðherra á hverjum tíma hafa átt samskipti við frá 1. janúar 2021, hafi verið tilkynntir og skráðir skv. 3. mgr. 4. gr. laga nr. 64/2020 áður en þeir leituðust við að hafa áhrif á störf stjórnvalda?
Í 3. mgr. 4. gr. laga nr. 64/2020 er mælt fyrir um tilkynningarskyldu hagsmunavarða, þ.e. einstaklinga sem tala máli hagsmunaaðila gagnvart stjórnvöldum í atvinnuskyni. Samkvæmt ákvæðinu er hagsmunaverði skylt að tilkynna um sig og hlutverk sitt áður en hann leitast við að hafa áhrif á störf stjórnvalda fyrir hönd einkaaðila. Af 7. gr. laganna leiðir að tilkynningu er rétt að beina til forsætisráðuneytisins sem heldur skrá yfir þær en berist tilkynning til annars opinbers aðila, t.d. þess sem ætlunin er að hafa áhrif á, er rétt að framsenda hana til forsætisráðuneytis. Tilkynningin getur bæði lotið að því að hagsmunavörður gæti hagsmuna tiltekins einkaaðila í tilteknu, afmörkuðu og fyrirliggjandi máli og að því að stöðu sinnar vegna gæti hagsmunavörður hagsmuna einkaaðilans í samskiptum sínum við stjórnvöld.
Í skýringum við ákvæði 3. mgr. 4. gr. í greinargerð sem fylgdi frumvarpi því sem varð að lögum nr. 64/2020 segir eftirfarandi:
„Markmið ákvæðisins er fyrst og fremst að í samskiptum hagsmunavarða annars vegar og handhafa framkvæmdarvalds hins vegar liggi fyrir að þeir fyrrnefndu séu að gæta ákveðinna einkahagsmuna, fyrir hönd annarra, gagnvart þeim síðarnefndu. Ákvæðið á því ekki við þegar einstaklingar gæta opinberra hagsmuna í samskiptum við aðra opinbera aðila, svo sem í samskiptum forstöðumanna ríkisstofnana við fagráðuneyti. Þá á ákvæðið heldur ekki við þegar einstaklingar gæta eigin hagsmuna gagnvart hinu opinbera. Til að mynda þarf fyrirsvarsmaður lögaðila, t.d. framkvæmdastjóri fyrirtækis, ekki að senda sérstaka tilkynningu um að hann gæti hagsmuna þess í samskiptum sínum við stjórnvöld. Annað gildir ef fyrirtækið ræður til sín á eigin kostnað einstakling sem hefur það hlutverk að hafa áhrif á störf stjórnvalda í þágu fyrirtækisins, hvort sem um er að ræða störf samkvæmt verksamningi eða ráðningarsamningi. Samkvæmt framangreindu er ljóst að tilkynningarskyldan mun einkum ná til svonefndra almannatengla, upplýsingafulltrúa einkaaðila og lögmanna, sbr. þó 4. mgr., og til einstakra starfsmanna lögaðila og fulltrúa hagsmunasamtaka sem hafa slíka og sambærilega starfsemi með höndum.“
Þá er lögaðilum og félagasamtökum, samkvæmt sömu málsgrein, heimilt að senda tilkynningu um einstaklinga sem sinna hagsmunagæslu í umboði þeirra og skal tilgreina eftirfarandi:
a. nafn og kennitölu hagsmunavarðar,
b. vinnuveitanda og starfsstöð,
c. hlutverk, þ.e. fyrir hönd hvaða aðila hagsmunavörður kemur fram og helstu hagsmuni þeirra; taka skal fram hvort hlutverkið er viðvarandi eða tilfallandi og hvenær gert er ráð fyrir að því ljúki.
Einnig skal hagsmunavörður, samkvæmt 4. mgr. 4. gr, tilkynna um þegar hann sinnir ekki lengur hagsmunagæslu. Þá er kveðið á um það í 5. mgr. greinarinnar að þrátt fyrir ákvæði 3. mgr. sé hagsmunavörðum ekki skylt að tilkynna um sig og hlutverk sitt vegna meðferðar mála á grundvelli stjórnsýslulaga. Samkvæmt framangreindu er það í höndum hagsmunavarða að tilkynna um hlutverk sitt áður en þeir leitast við að hafa áhrif á störf stjórnvalda.
Í lögum nr. 64/2020 er ekki gert ráð fyrir því að það hafi afleiðingar fyrir þá sem sinna hagsmunagæslu tilkynni þeir sig ekki sem hagsmunaverði. Markmið ákvæða laganna um tilkynningarskyldu hagsmunavarða og skráningu samskipta við þá er fyrst og fremst að auka gagnsæi um samskiptin. Komi einstaklingur fram sem hagsmunavörður gagnvart stjórnvöldum án þess að hafa tilkynnt um hlutverk sitt væri hins vegar rétt af stjórnvaldi að benda á tilkynningarskyldu þar um, sbr. 2. mgr. 14. gr. laga nr. 70/1996, um réttindi og skyldur starfsmanna ríkisins. Ekki hefur hingað til verið kannað kerfisbundið hvort þeir sem ráðherra eða ráðuneyti eiga í samskiptum við hafi verið tilkynntir eða skráðir samkvæmt lögum nr. 64/2020.
3. Hefur ráðherra eða ráðuneytið í einhverjum tilfellum frá 1. janúar 2021 átt samskipti við aðila sem sinna hagsmunagæslu en höfðu ekki verið tilkynntir og skráðir sem hagsmunaverðir skv. 3. mgr. 4. gr. laga nr. 64/2020 þegar samskiptin fóru fram? Ef svo er, í hvaða tilfellum og hvers vegna?
Opin dagbók ráðherra ber vott um samskipti við aðila sem sinna hagsmunagæslu af einhverju tagi. Reglulega á heilbrigðisráðherra og starfsfólk ráðuneytisins samskipti við aðila sem sinna hagsmunagæslu af einhverju tagi. Má í þessu samhengi nefna þau tilvik þegar mál er varðar hagsmunaaðila eru birt í samráðsgátt stjórnvalda og hagsmunaaðilum er boðið frekara samtal í tengslum við afstöðu sína í tilteknu máli.
Við vinnslu svars við fyrirspurn þingmanns var kannað hvaða samskipti hafa verið skráð sem samskipti við hagsmunaverði sem hafa tilkynnt um það hlutverk sitt. Ekki liggja fyrir samanteknar upplýsingar um samskipti við aðila sem sinna hagsmunagæslu en höfðu ekki verið tilkynntir og skráðir sem hagsmunaverðir skv. 3. mgr. 4. gr. laga nr. 64/2020 þegar samskiptin fóru fram, jafnvel þótt þeim kunni að hafa verið það skylt. Sömu reglur gilda eftir sem áður um skráningu samskipta við slíka aðila óháð því hvort þeir hafi tilkynnt um sig og hlutverk sitt. Þannig var það ekki tilgangur laga nr. 64/2020 að leggja aukna skráningarskyldu á stjórnvöld um samskipti við skráða hagsmunaaðila miðað við það sem almennt gildir um skráningu samskipta.
4. Hvaða hagsmunaverði í skilningi laga nr. 64/2020 hefur ráðherra eða ráðuneytið átt samskipti við frá gildistöku laganna, hvenær, af hálfu hvaða aðila og um hvaða málefni?
Í eftirfarandi töflu eru öll samskipti sem ráðherra eða ráðuneytið hafa átt við skráða hagsmunaaðila frá 1. janúar 2021 til loka febrúar árið 2022.
Dagsetning | Hagsmunasamtök | Hagsmunavörður | Efni |
14.1.2021 | Samtök iðnaðarins | Lárus M.K. Ólafsson | Covid-19 - Forgangsröðun á bólusetningu |
14.1.2021 | Samtök verslunar og þjónustu | Benedikt S. Benediktsson | Covid-19 - Beiðni um undanþágu - Fjöldatakmarkanir - Vinnustaður |
17.1.2021 | Félag atvinnurekenda | Guðný Hjaltadóttir | Stjórnsýslukæra - Lyfjamál |
19.1.2021 | Samtök iðnaðarins | Lárus M.K. Ólafsson | Covid-19 - Forgangsröðun á bólusetningu |
20.1.2021 | Félag atvinnurekenda | Guðný Hjaltadóttir | Beiðni um breytingu á lögum og reglugerðum varðandi vörur sem innihalda CBD |
21.1.2021 | Lífsvirðing, félag um dánaraðstoð | Ingrid Kuhlman | Beiðni um fund með heilbrigðisráðherra |
21.1.2021 | Samtök iðnaðarins | Lárus M.K. Ólafsson | Covid-19 - Forgangsröðun á bólusetningu |
21.1.2021 | Þroskahjálp | Bryndís Snæbjörnsdóttir | Covid-19 - Forgangsröðun bólusetninga |
28.1.2021 | Samtök ferðaþjónustunnar | Jóhannes Þór Skúlason | Covid-19 - Tillaga að framkvæmd ferðaþjónustu í smitgát |
28.1.2021 | Samtök iðnaðarins | Lárus M.K. Ólafsson | Covid-19 - Forgangsröðun á bólusetningu |
29.1.2021 | Samtök iðnaðarins | Lárus M.K. Ólafsson | Covid-19 - Forgangsröðun á bólusetningu |
29.1.2021 | Samtök verslunar og þjónustu | Sara Dögg Svanhildardóttir | Samráðgátt - Rafrettur |
3.2.2021 | Samtök iðnaðarins | Lárus M.K. Ólafsson | Covid-19 - Forgangsröðun á bólusetningu |
8.2.2021 | Samtök ferðaþjónustunnar | Jóhannes Þór Skúlason | Covid-19 - Tillaga að framkvæmd ferðaþjónustu í smitgát |
8.2.2021 | ÖBÍ | Lilja Þorgeirsdóttir | Starfshópur um heildarendurskoðun á eftirlitsákvæðum laga nr. 41/2007, um landlækni og lýðheilsu - Skipun |
9.2.2021 | Samtök ferðaþjónustunnar | Jóhannes Þór Skúlason | Covid-19 - Tillaga að framkvæmd ferðaþjónustu í smitgát |
9.2.2021 | ÖBÍ | Lilja Þorgeirsdóttir | Starfshópur um heildarendurskoðun á eftirlitsákvæðum laga nr. 41/2007, um landlækni og lýðheilsu - Skipun |
10.2.2021 | Lífsvirðing, félag um dánaraðstoð | Bjarni Jónsson | Grein um dánaraðstoð |
15.2.2021 | Samtök ferðaþjónustunnar | Jóhannes Þór Skúlason | Covid-19 - Tillaga að framkvæmd ferðaþjónustu í smitgát |
16.2.2021 | Samtök ferðaþjónustunnar | Jóhannes Þór Skúlason | Covid-19 - Tillaga að framkvæmd ferðaþjónustu í smitgát |
17.2.2021 | Samtök ferðaþjónustunnar | Jóhannes Þór Skúlason | Covid-19 - Tillaga að framkvæmd ferðaþjónustu í smitgát |
18.2.2021 | Félag atvinnurekenda | Guðný Hjaltadóttir | Beiðni um breytingu á lögum og reglugerðum varðandi vörur sem innihalda CBD |
18.2.2021 | Samtök fyrirtækja í sjávarútvegi | Hrefna Karlsdóttir | Umsókn um notkun skyndigreiningarprófs |
24.2.2021 | ÖBÍ | Stefán Vilbergsson | Boð til heilbrigðisráðherra -Málþing um niðurgreiðslu og aðgengi að sálfræðiþjónustu |
26.2.2021 | Félag atvinnurekenda | Guðný Hjaltadóttir | Beiðni um breytingu á lögum og reglugerðum varðandi vörur sem innihalda CBD |
1.3.2021 | ÖBÍ | Lilja Þorgeirsdóttir | Starfshópur um heildarendurskoðun á eftirlitsákvæðum laga nr. 41/2007 um landlækni og lýðheilsu - Skipun |
2.3.2021 | Lífsvirðing, félag um dánaraðstoð | Ingrid Kuhlman, Hrefna Guðmundsdóttir | Fundur með starfsmönnum HRN |
3.3.2021 | Lífsvirðing, félag um dánaraðstoð | Ingrid Kuhlman | Gögn frá Lífsvirðingu |
9.3.2021 | ÖBÍ | Lilja Þorgeirsdóttir | Starfshópur um heildarendurskoðun á eftirlitsákvæðum laga nr. 41/2007, um landlækni og lýðheilsu - Skipun |
12.3.2021 | Þroskahjálp | Anna Lára Steindal | Barnalög - Skipt búseta og fötluð börn |
17.3.2021 | Samtök verslunar og þjónustu | Benedikt S. Benediktsson | Boð til heilbrigðisráðherra -Stafræn þróun |
18.3.2021 | Félag atvinnurekenda | Ólafur Stephensen | Beiðni um fund - Lyfjamál |
19.3.2021 | Félag atvinnurekenda | Guðný Hjaltadóttir | Athugasemd við reglugerð |
22.3.2021 | Félag atvinnurekenda | Ólafur Stephensen | Beiðni um fund - Lyfjamál |
23.3.2021 | Félag atvinnurekenda | Ólafur Stephensen | Beiðni um fund - Lyfjamál |
23.3.2021 | ÖBÍ | Lilja Þorgeirsdóttir | Starfshópur um heildarendurskoðun á eftirlitsákvæðum laga nr. 41/2007 um landlækni og lýðheilsu - Skipun |
24.3.2021 | Samtök fyrirtækja í sjávarútvegi | Hrefna Karlsdóttir | Covid-19 - Fyrirspurn varðandi reglugerð - Kerfislega og efnahagslega mikilvæg fyrirtæki |
24.3.2021 | Samtök verslunar og þjónustu | Andrés Magnússon | Covid-19 - Fyrirspurn varðandi reglugerð - Lyfjaverslanir og matvöruverslanir |
25.3.2021 | Félag atvinnurekenda | Ólafur Stephensen | Covid-19 - Fyrirspurn varðandi reglugerð - Fræðslufyrirtæki |
25.3.2021 | Samtök ferðaþjónustunnar | Ágúst Elvar Bjarnason | Covid-19 - Fyrirspurn varðandi sóttvarnarráðstafanir -Farþegaferjur |
26.3.2021 | Samtök iðnaðarins | Björg Ásta Þórðardóttir | Fyrirspurn um reglugerð, leysa, leysibendla og IPL-tæki |
26.3.2021 | Samtök verslunar og þjónustu | Andrés Magnússon | Covid-19 - Fyrirspurn varðandi reglugerð - Lyfjaverslanir og matvöruverslanir |
29.3.2021 | Samtök iðnaðarins | Björg Ásta Þórðardóttir | Covid-19 - Fyrirspurnir varðandi dvöl í sóttvarnarhúsi |
30.3.2021 | Samtök iðnaðarins | Gunnar Sigurðsson | Covid-19 - Beiðni um undanþágu - Fjöldatakmarkanir |
30.3.2021 | Samtök iðnaðarins | Björg Ásta Þórðardóttir | Covid-19 - Fyrirspurnir varðandi dvöl í sóttvarnarhúsi |
31.3.2021 | Samtök iðnaðarins | Björg Ásta Þórðardóttir | Covid-19 - Fyrirspurnir varðandi dvöl í sóttvarnarhúsi |
3.4.2021 | Samtök ferðaþjónustunnar | Jóhannes Þór Skúlason | Covid-19 - Beiðni um túlkun ráðuneytis - Ferðaþjónusta |
6.4.2021 | Samtök iðnaðarins | Björg Ásta Þórðardóttir | Fyrirspurn um reglugerð, leysa, leysibendla og IPL-tækja |
9.4.2021 | Félag atvinnurekenda | Guðný Hjaltadóttir | Greiðsluþátttaka í lyfjakostnaði |
9.4.2021 | Samtök iðnaðarins | Jóhanna Sigurjónsdóttir | Covid-19 - Forgangsröðun bólusetninga |
9.4.2021 | Þroskahjálp | Bryndís Snæbjörnsdóttir | Covid-19 - Forgangsröðun bólusetninga |
12.4.2021 | Félag atvinnurekenda | Guðný Hjaltadóttir | Samráðsgátt - Lyfjamál |
12.4.2021 | Frumtök - Samtök framleiðenda fumlyfja | Jakob Falur Garðarsson | Samráðsgátt - Lyfjamál |
12.4.2021 | Samtök verslunar og þjónustu | Benedikt S. Benediktsson | Samráðsgátt - Lyfjamál |
14.4.2021 | Samtök ferðaþjónustunnar | Jóhannes Þór Skúlason | Covid-19 - Beiðni um undanþágu - Fjöldatakmarkanir |
14.4.2021 | Samtök iðnaðarins | Jóhanna Sigurjónsdóttir | Covid-19 - Forgangsröðun bólusetninga |
19.4.2021 | Samtök verslunar og þjónustu | Andrés Magnússon | Starfsleyfi lyfjafræðinga |
19.4.2021 | ÖBÍ | Stefán Vilbergsson | Boð til heilbrigðisráðherra -Málþing um niðurgreiðslu og aðgengi að sálfræðiþjónustu |
20.4.2021 | Samtök fyrirtækja í sjávarútvegi | Sigurgeir Bárðarson | Covid-19 - Forgangsröðun bólusetninga |
20.4.2021 | Samtök verslunar og þjónustu | Andrés Magnússon | Starfsleyfi lyfjafræðinga |
23.4.2021 | Samtök ferðaþjónustunnar | Jóhannes Þór Skúlason | Covid-19 - Beiðni um undanþágu - Fjöldatakmarkanir |
26.4.2021 | Samtök atvinnulífsins | Sólveig B. Gunnarsdóttir | Beiðni um fund |
28.4.2021 | ÖBÍ | Stefán Vilbergsson | Umsögn um reglugerð um endurgreiðslu kostnaðar vegna þjónustu sjálfstætt starfandi sérgreinalækna sem starfa án samnings við SÍ |
29.4.2021 | Félag atvinnurekenda | Guðný Hjaltadóttir | Athugasemd við reglugerð |
5.5.2021 | Hagsmunasamtök heimilanna | Guðmundur Ásgeirsson | Áskorun til ríkisstjórnarinnar |
5.5.2021 | Samtök iðnaðarins | Björg Ásta Þórðardóttir | Fyrirspurn um reglugerð, leysa, leysibendla og IPL-tækja |
10.5.2021 | Félag atvinnurekenda | Guðný Hjaltadóttir | Samráðsgátt - Lækningatæki |
12.5.2021 | Samtök ferðaþjónustunnar | Baldur Sigmundsson | Covid-19 - Túlkun á reglugerð -Veitingastaðir |
17.5.2021 | Samtök verslunar og þjónustu | Andrés Magnússon | Starfsleyfi lyfjafræðinga |
19.5.2021 | Samtök verslunar og þjónustu | Andrés Magnússon | Starfsleyfi lyfjafræðinga |
19.5.2021 | Samtök verslunar og þjónustu | Andrés Magnússon | Lyfjamál |
19.5.2021 | Þroskahjálp | Bryndís Snæbjörnsdóttir | Stefnumörkun - áfengis- og vímuefnameðferð |
20.5.2021 | Samtök verslunar og þjónustu | Benedikt S. Benediktsson | Samráðsgátt - Lækningatæki |
28.5.2021 | Samtök verslunar og þjónustu | Benedikt S. Benediktsson | Starfsleyfi heilbrigðisstarfsmanna - Vitnisburður um námslok |
2.6.2021 | Samtök verslunar og þjónustu | Andrés Magnússon | Starfsleyfi lyfjafræðinga |
10.6.2021 | ÖBÍ | Stefán Vilbergsson | Fundur með starfsfólki HRN -Réttindi fatlaðs fólks |
16.6.2021 | ÖBÍ | obi@obi.is | Samráðsgátt - Reglugerð um styrki vegna hjálpartækja |
18.6.2021 | Þroskahjálp | Bryndís Snæbjörnsdóttir | Stefnumörkun - áfengis- og vímuefnameðferð |
22.6.2021 | ÖBÍ | Jón Þór Víglundsson | Samráðsgátt - Reglugerð um styrki vegna hjálpartækja |
25.6.2021 | Þroskahjálp | Bryndís Snæbjörnsdóttir | Geðheilsuteymi fyrir fólk með þroskaröskun og geðheilsuvanda |
28.6.2021 | Samtök ferðaþjónustunnar | Ágúst Elvar Bjarnason | Covid-19 - Fyrirspurn varðandi reglugerð - Börn og landamæri |
29.6.2021 | Samtök ferðaþjónustunnar | Ágúst Elvar Bjarnason | Covid-19 - Fyrirspurn varðandi reglugerð - Börn og landamæri |
2.7.2021 | Samtök verslunar og þjónustu | Andrés Magnússon | Lyfjamál - Fundur með starfsmönnum - Smásala |
5.7.2021 | Félag atvinnurekenda | Guðný Hjaltadóttir | Samráðsgátt - Reglugerð um styrki vegna hjálpartækja |
5.7.2021 | ÖBÍ | Þuríður Harpa Sigurðardóttir | Stefnumörkun - áfengis- og vímuefnameðferð |
6.7.2021 | Samtök ferðaþjónustunnar | Ágúst Elvar Bjarnason | Covid-19 - Fyrirspurn varðandi reglugerð - Börn og landamæri |
13.7.2021 | Félag atvinnurekenda | Guðný Hjaltadóttir | Samráðsgátt - Reglugerð um styrki vegna hjálpartækja |
4.8.2021 | Félag atvinnurekenda | Ólafur Stephensen | Beiðni um fund - Sóttkví bólusettra samstarfsmanna |
5.8.2021 | Félag atvinnurekenda | Ólafur Stephensen | Covid-19 - Umsókn um leyfi til innflutnings á hraðprófi |
19.8.2021 | Félag atvinnurekenda | Guðný Hjaltadóttir | Covid-19 - Fyrirspurn varðandi innflutning á hraðprófum |
20.8.2021 | Félag atvinnurekenda | Guðný Hjaltadóttir | Notkun skyndigreiningarprófa |
20.8.2021 | Samtök iðnaðarins | Steinunn Pálmadóttir | Fyrirspurn um reglugerð, leysa, leysibendla og IPL-tækja |
30.8.2021 | Þroskahjálp | Árni Múli Jónasson | Umsögn - Stefnumörkun í öldrunarþjónustu |
1.9.2021 | Samtök ferðaþjónustunnar | Ágúst Elvar Bjarnason | Covid-19 - Fyrirspurn varðandi sóttvarnarreglur - Landamæri |
3.9.2021 | Samtök ferðaþjónustunnar | Ágúst Elvar Bjarnason | Covid-19 - Beiðni um fund varðandi samkomutakmarkanir |
5.9.2021 | Samtök ferðaþjónustunnar | Ágúst Elvar Bjarnason | Covid-19 - Fyrirspurn varðandi sóttvarnarreglur - Landamæri |
30.9.2021 | Samtök atvinnulífsins | Halldór Benjamín Þorbergsson | Starfshópur varðandi reglugerð um bótaskyldan atvinnusjúkdóm |
11.10.2021 | Þroskahjálp | Grímur Atlason | Beiðni um fund - Þjónusta við ákveðinn sjúklingahóp |
13.10.2021 | Samtök iðnaðarins | Steinunn Pálmadóttir | Fyrirspurn um reglugerð, leysa, leysibendla og IPL-tækja |
26.10.2021 | Samtök iðnaðarins | Lárus M.K. Ólafsson | Fyrirspurn um reglugerð, leysa, leysibendla og IPL-tækja |
27.10.2021 | Þroskahjálp | Haraldur Civelek | Styrkur af safnliðum fjárlaga 2022 |
28.10.2021 | Samtök verslunar og þjónustu | Benedikt S. Benediktsson | Samráðsgátt - Beiðni um aðgang að umsögn |
29.10.2021 | Samtök verslunar og þjónustu | Benedikt S. Benediktsson | Samráðsgátt - Beiðni um aðgang að umsögn |
1.11.2021 | Samtök verslunar og þjónustu | Benedikt S. Benediktsson | Samráðsgátt - Beiðni um aðgang að umsögn |
2.11.2021 | Samtök verslunar og þjónustu | Benedikt S. Benediktsson | Samráðsgátt - Beiðni um aðgang að umsögn |
2.11.2021 | Þroskahjálp | Unnur Helga Óttarsdóttir | Beiðni um fund - Geðheilbrigðisþjónusta fyrir fólk með þroskahömlun og einhverfu |
4.11.2021 | Samtök ferðaþjónustunnar | Jóhannes Þór Skúlason | Covid-19 - Fyrirspurn varðandi tölfræði - Landamæri - Erlendir bólusettir ferðamenn |
5.11.2021 | Samtök verslunar og þjónustu | Benedikt S. Benediktsson | Covid-19 - Fyrirspurn varðandi reglugerð - Grímuskylda |
8.11.2021 | Samtök ferðaþjónustunnar | Jóhannes Þór Skúlason | Covid-19 - Fyrirspurn varðandi tölfræði - Landamæri - Erlendir bólusettir ferðamenn |
8.11.2021 | Samtök verslunar og þjónustu | Benedikt S. Benediktsson | Samráðsgátt - Beiðni um aðgang að umsögn |
9.11.2021 | Samtök ferðaþjónustunnar | Jóhannes Þór Skúlason | Covid-19 - Fyrirspurn varðandi tölfræði - Landamæri - Erlendir bólusettir ferðamenn |
10.11.2021 | Samtök ferðaþjónustunnar | Jóhannes Þór Skúlason | Covid-19 - Fyrirspurn varðandi tölfræði - Landamæri - Erlendir bólusettir ferðamenn |
12.11.2021 | Samtök atvinnulífsins | Jón Rúnar Pálsson | Starfshópur varðandi reglugerð um bótaskyldan atvinnusjúkdóm |
12.11.2021 | Samtök fyrirtækja í sjávarútvegi | Hrefna Karlsdóttir | Covid-19 - Beiðni um undanþágu - Kerfislega og efnahagslega mikilvæg fyrirtæki |
22.11.2021 | Félag atvinnurekenda | Ólafur Stephensen | Stjórnsýslukæra - Lyfjamál |
29.11.2021 | Frumtök - Samtök framleiðenda fumlyfja | Jakob Falur Garðarsson | Viðtal við heilbrigðisráðherra -Útgjöld til lyfjamála |
8.12.2021 | Félag atvinnurekenda | Guðný Hjaltadóttir | Stjórnsýslukæra - Lyfjamál |
10.12.2021 | Félag atvinnurekenda | Guðný Hjaltadóttir | Starfshópur - Rafrettur |
14.12.2021 | Félag atvinnurekenda | Guðný Hjaltadóttir | Starfshópur - Rafrettur |
17.12.2021 | Félag atvinnurekenda | Guðný Hjaltadóttir | Starfshópur - Rafrettur |
17.12.2021 | Lífsvirðing, félag um dánaraðstoð | Ingrid Kuhlman | Beiðni um fund með heilbrigðisráðherra |
27.12.2021 | Félag atvinnurekenda | Guðný Hjaltadóttir | Stjórnsýslukæra - Lyfjamál |
4.1.2022 | ÖBÍ | Stefán Vilbergsson | Viðtal við heilbrigðisráðherra -Greiðsluþátttaka í heilbrigðisþjónustu |
5.1.2022 | Samtök fyrirtækja í sjávarútvegi | Hrefna Karlsdóttir | Covid-19 - Einangrun og sóttkví um borð í skipi |
6.1.2022 | Samtök fyrirtækja í sjávarútvegi | Hrefna Karlsdóttir | Covid-19 - Einangrun og sóttkví um borð í skipi |
10.1.2022 | Lífsvirðing, félag um dánaraðstoð | Bjarni Jónsson | Tilkynning um fund |
14.1.2022 | Samtök iðnaðarins | Gunnar Sigurðsson | Covid-19 - Fyrirspurn varðandi virkjun undanþágulista og undanþágubeiðni |
17.1.2022 | ÖBÍ | Stefán Vilbergsson | Viðtal við heilbrigðisráðherra -Greiðsluþátttaka í heilbrigðisþjónustu |
18.1.2022 | Félag atvinnurekenda | Ólafur Stephensen | Sóttvarnarráðstafanir |
19.1.2022 | Samtök verslunar og þjónustu | Andrés Magnússon | Viðtal við heilbrigðisráðherra -Staða apótekanna |
21.1.2022 | ÖBÍ | Stefán Vilbergsson | Viðtal við heilbrigðisráðherra -Greiðsluþátttaka í heilbrigðisþjónustu |
9.2.2022 | Samtök verslunar og þjónustu | Andrés Magnússon | Viðtal við heilbrigðisráðherra -Staða apótekanna |
10.2.2022 | Samtök verslunar og þjónustu | Andrés Magnússon | Viðtal við heilbrigðisráðherra -Staða apótekanna |
11.2.2022 | ÖBÍ | Þuríður Harpa Sigurðardóttir | Viðtal við heilbrigðisráðherra -Greiðsluþátttaka í heilbrigðisþjónustu |
14.2.2022 | ÖBÍ | Valdís Ösp Árnadóttir | Boð til heilbrigðisráðherra -Ávarp |
16.2.2022 | Viðskiptaráð Íslands | Jón Birgir Eiríksson | Samráðsgátt - Sóttvarnarlög |
16.2.2022 | ÖBÍ | Stefán Vilbergsson | Viðtal við heilbrigðisráðherra -Greiðsluþátttaka í heilbrigðisþjónustu |
17.2.2022 | Viðskiptaráð Íslands | Jón Birgir Eiríksson | Samráðsgátt - Sóttvarnalög |
22.2.2022 | Samtök atvinnulífsins | Heiðrún Björk Gísladóttir | Samráðsgátt - Sóttvarnalög |
1.3.2022 | Þroskahjálp | Jón Múli Jónasson | Samráðsgátt - Sjúkraskrár |
2.3.2022 | ÖBÍ | Valdís Ösp Árnadóttir | Boð til heilbrigðisráðherra -Ávarp |
16.3.2021 | Viðskiptaráð Íslands | Agla Eir Vilhjálmsdóttir | Breyting á reglugerð nr. 740/2020 um lyfjaávísanir og afhendingu lyfja |