Ferill 343. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 1452 — 343. mál.
Svar
innviðaráðherra við fyrirspurn frá Ásthildi Lóu Þórsdóttur um samskipti við hagsmunaverði og skráningu þeirra.
1. Hafa öll samskipti ráðherra og ráðuneytisins við hagsmunaverði frá 1. janúar 2021 verið skráð eins og kveðið er á um í 2. mgr. 4. gr. laga um varnir gegn hagsmunaárekstrum í Stjórnarráði Íslands, nr. 64/2020?
Samkvæmt 2. mgr. 4. gr. laga um varnir gegn hagsmunaárekstrum í Stjórnarráði Íslands, nr. 64/2020, er stjórnvöldum skylt að skrá upplýsingar um samskipti þeirra og hagsmunavarða í samræmi við ákvæði upplýsingalaga, laga um opinber skjalasöfn og laga um Stjórnarráð Íslands. Upplýsingar um aðkomu hagsmunavarða og annarra einkaaðila að samningu stjórnarfrumvarpa skal tilgreina í greinargerð með þeim.
Í 3. mgr. 1. gr. laganna er hugtakið hagsmunavörður skilgreint. Með hugtakinu er átt við einstaklinga sem tala máli einkaaðila gagnvart stjórnvöldum og leitast við að hafa áhrif á störf þeirra í atvinnuskyni. Með því að afmarka hugtakið við einstaklinga eru ýmis félagasamtök og fyrirtæki, sem í daglegu tali eru nefnd hagsmunasamtök, strangt til tekið undanskilin reglum 4. gr. En einstakir starfsmenn þeirra geta hins vegar borið skyldur samkvæmt ákvæðinu.
Ekki liggja fyrir upplýsingar um annað en að samskipti innviðaráðherra og innviðaráðuneytis við hagsmunaverði hafi verið skráð í málaskrá ráðuneytisins í samræmi við ákvæði framangreindra laga.
2. Hefur ráðuneytið ávallt gætt þess að kanna hvort hagsmunaverðir, sem ráðuneytið eða ráðherra á hverjum tíma hafa átt samskipti við frá 1. janúar 2021, hafi verið tilkynntir og skráðir skv. 3. mgr. 4. gr. laga nr. 64/2020 áður en þeir leituðust við að hafa áhrif á störf stjórnvalda?
Í 3. mgr. 4. gr. laga nr. 64/2020 er mælt fyrir um tilkynningarskyldu hagsmunavarða. Samkvæmt ákvæðinu er hagsmunavörðum skylt að tilkynna um sig og hlutverk sitt áður en hann leitast við að hafa áhrif á störf stjórnvalda fyrir hönd einkaaðila.
Í lögum nr. 64/2020 er ekki gert ráð fyrir því að það hafi afleiðingar fyrir þá sem sinna hagsmunagæslu tilkynni þeir sig ekki sem hagsmunaverði. Markmið ákvæða laganna um tilkynningarskyldu hagsmunavarða og skráningu samskipta við þá er fyrst og fremst að auka gagnsæi um samskiptin. Komi einstaklingur fram sem hagsmunavörður gagnvart stjórnvöldum án þess að hafa tilkynnt um hlutverk sitt væri hins vegar rétt af stjórnvaldi að benda á tilkynningarskyldu þar um, sbr. 2. mgr. 14. gr. laga nr. 70/1996, um réttindi og skyldur starfsmanna ríkisins.
Ráðuneytið hefur ekki kannað það sérstaklega hvort þeir aðilar sem ráðherra eða ráðuneyti á í samskiptum við hafi verið tilkynntir eða skráðir samkvæmt lögum nr. 64/2020.
3. Hefur ráðherra eða ráðuneytið í einhverjum tilfellum frá 1. janúar 2021 átt samskipti við aðila sem sinna hagsmunagæslu en höfðu ekki verið tilkynntir og skráðir sem hagsmunaverðir skv. 3. mgr. 4. gr. laga nr. 64/2020 þegar samskiptin fóru fram? Ef svo er, í hvaða tilfellum og hvers vegna?
Á degi hverjum eiga ráðherrar og starfsfólk ráðuneyta samskipti við aðila sem sinna hagsmunagæslu af einhverju tagi. Yfirlit úr dagskrá ráðherra á vef ráðuneytisins ber til dæmis vott um það. Við vinnslu þessa svars var tekið saman hvaða samskipti hafa átt sér stað við hagsmunaverði sem hafa tilkynnt um það hlutverk sitt. Ekki liggja fyrir samanteknar upplýsingar um samskipti við aðila sem sinna hagsmunagæslu en höfðu ekki verið tilkynntir og skráðir sem hagsmunaverðir skv. 3. mgr. 4. gr. laga nr. 64/2020, þegar samskiptin fóru fram, jafnvel þótt þeim kunni að vera það skylt. Sömu reglur gilda eftir sem áður um skráningu samskipta við slíka aðila óháð því hvort þeir hafi tilkynnt um sig og sitt hlutverk.
4. Hvaða hagsmunaverði í skilningi laga nr. 64/2020 hefur ráðherra eða ráðuneytið átt samskipti við frá gildistöku laganna, hvenær, af hálfu hvaða aðila og um hvaða málefni?
Dagsetning | Hagsmunasamtök | Hagsmunavörður | Efni |
14.1.2021 | Samtök iðnaðarins | Sigurður Hannesson | Áhrif „Allir vinna“ á samningsfjárhæðir og afstaða opinberra verkkaupa |
14.1.2021 | Samtök iðnaðarins | Lárus M.K. Ólafsson | Forgangsröðun bólusetningar gegn Covid-19 – áskorun til stjórnvalda |
15.1.2021 | Samtök iðnaðarins | Gunnar Sigurðarson | Erindi til ríkisstjórnar vegna afurðarstöðva í kjötiðnaði |
19.1.2021 | Samtök ferðaþjónustunnar | Gunnar Valur Sveinsson | Starfshópur um umhverfi smáfarartækja – aðkoma Hopp |
20.1.2021 | Samtök ferðaþjónustunnar | Gunnar Valur Sveinsson | Starfshópur um umhverfi smáfarartækja – aðkoma Hopp |
21.1.2021 | Landssamband smábátaeigenda | Arthur Bogason | Tilkynning um breytingu á skipan í fagráð um siglingamál |
22.1.2021 | Samtök fjármálafyrirtækja | Margrét A. Jónsdóttir | Fagráð um umferðarmál – tilnefning |
26.1.2021 | Landssamband smábátaeigenda | Arthur Bogason | Fagráð um siglingamál – skipunarbréf |
26.1.2021 | Landssamband smábátaeigenda | Örn Pálsson | Fagráð um siglingamál – skipunarbréf |
29.1.2021 | Samtök ferðaþjónustunnar | Jóhannes Þór Skúlason og Gunnar Valur Sveinsson | Erindi vegna ákvörðunar ráðuneytis um fulltrúa SAF í fagráð um siglingamál |
2.2.2021 | Samtök verslunar og þjónustu | Benedikt S. Benediktsson | Póstmálefni |
9.2.2021 | Samtök ferðaþjónustunnar | Jóhannes Þór Skúlason | Skipun fulltrúa SAF í fagráð um siglingamál |
11.2.2021 | Samtök iðnaðarins | Friðrik Ágúst Ólafsson | Viðtal við Intellecta vegna fasteignaskrár |
17.2.2021 | Samtök iðnaðarins | Sigurður Hannesson | Ný skýrsla SI og FRV um framtíðarhorfur innviða á Íslandi – kynning og pallborð |
18.2.2021 | Samorka | Baldur Dýrfjörð | V. fundar um vatnsveitur sveitarfélaga |
23.2.2021 | Samtök iðnaðarins | Sigurður Hannesson | Mál einstakra byggingarfyrirtækja vegna „Allir vinna“ |
24.2.2021 | Neytendasamtökin | Breki Karlsson | Arðsemi vatnsveitu |
26.2.2021 | Samtök ferðaþjónustunnar | Gunnar Valur Sveinsson | Afnám leyfisskoðunar hópbifreiða |
5.3.2021 | Samtök iðnaðarins | Ída M. Jósepsdóttir | Viðtalsbeiðni til ráðherra vegna stöðu í íslenskum iðnaði |
8.3.2021 | Bílgreinasambandið | Benedikt Eyjólfsson | Fagráð um umferðarmál – skipunarbréf |
8.3.2021 | Samorka | Baldur Dýrfjörð | Viðtalsbeiðni til ráðherra um vatnsveitur sveitarfélaga |
8.3.2021 | Samtök ferðaþjónustunnar | Jóhanna Olga Hreiðarsdóttir | Fagráð um umferðarmál – skipunarbréf |
8.3.2021 | Samtök fjármálafyrirtækja | Sigrún A. Þorsteinsdóttir | Fagráð um umferðarmál – skipunarbréf |
8.3.2021 | Samtök verslunar og þjónustu | Sara Dögg Svanhildardóttir | Fagráð um umferðarmál – skipunarbréf |
8.3.2021 | Öryrkjabandalag Íslands | Bergur Þorri Benjamínsson | Fagráð um umferðarmál – skipunarbréf |
23.3.2021 | Samtök iðnaðarins | Sigurður Hannesson | Fundur um stöðu og horfur í íslenskum iðnaði |
18.3.2021 | Félag atvinnurekenda | Guðný Hjaltadóttir | Póstmálefni |
14.4.2021 | Samorka | Baldur Dýrfjörð | Fundur um vatnsveitur sveitarfélaga |
21.4.2021 | Samtök iðnaðarins | Jóhanna Klara Stefánsdóttir | Birting gagna um fjölda íbúða í byggingu |
29.4.2021 | Samtök iðnaðarins | Sigríður Mogensen | Fundur um samkeppnisstöðu upplýsingatækni- og gagnaversiðnaðar og tækifæri í tengslum við nýjan fjarskiptastreng, IRIS |
4.5.2021 | Öryrkjabandalag Íslands | Jóhanna Hermansen | Undirbúningshópur fyrir árlegan minningardag um þá sem látist hafa í umferðarslysum – tilnefning |
5.5.2021 | Hagsmunasamtök heimilanna | Guðmundur Ásgeirsson | Áskorun til ríkisstjórnarinnar |
5.5.2021 | Bændasamtök Íslands | Gunnar Þorgeirsson | Stjórn Byggðastofnunar – skipunarbréf |
7.5.2021 | Öryrkjabandalag Íslands | Þuríður Harpa Sigurðardóttir | Samkomulag um fjármögnun á verkefnisstjóra vegna úrbóta í aðgengismálum fatlaðs fólks |
12.5.2021 | Öryrkjabandalag Íslands | Bergur Þorri Benjamínsson | Starfshópur um árlegan minningardag um þá sem látist hafa í umferðarslysum – skipunarbréf |
14.5.2021 | Samtök iðnaðarins | Sigurður Hannesson | Birting gagna um fjölda íbúða í byggingu |
20.5.2021 | Samtök ferðaþjónustunnar | Gunnar Valur Sveinsson | Viðtalsbeiðni til ráðherra vegna málefna útgerða með skoðunarferðir |
10.6.2021 | Samtök verslunar og þjónustu | Benedikt S. Benediktsson | Ábendingar um ágalla í reglugerð nr. 414/2021 um skoðun ökutækja |
15.6.2021 | Samtök ferðaþjónustunnar | Skapti Örn Ólafsson | Formönnum flokka boðið til pallborðsumræðna |
16.6.2021 | Rafiðnaðarsamband Íslands | Kristján Þórður Snæbjarnarson | Viðtalsbeiðni til ráðherra |
22.6.2021 | Samtök verslunar og þjónustu | Andrés Magnússon | Starfshópur um 1. gr. póstlaga – tilnefning |
2.7.2021 | Samorka | Baldur Dýrfjörð | Erindi ESA um athugasemdir stjórnvalda vegna kvörtunar um undanþágu fyrirtækja í raforkuframleiðslu frá fasteignaskatti |
12.7.2021 | Samtök atvinnulífsins | Halldór Benjamín Þorbergsson | Beiðni um tilnefningu í starfshóp um 1. gr. póstlaga |
12.7.2021 | Bændasamtök Íslands | Vigdís Häsler, Gunnar Þorgeirsson og Guðrún Vaka Steingrímsdóttir | Viðtalsbeiðni til ráðherra vegna póstmálefna |
13.7.2021 | Samtök atvinnulífsins | Sigríður Ásmundsdóttir | Starfshópur um 1. gr. póstlaga – tilnefning |
28.7.2021 | Samorka | Baldur Dýrfjörð | Samningur orkufyrirtækja við KraftCERT |
11.8.2021 | Bændasamtök Íslands | Vigdís Häsler, Gunnar Þorgeirsson og Guðrún Vaka Steingrímsdóttir | Fundur um póstmálefni |
11.8.2021 | Bílgreinasambandið | Özur Lárusson | Fyrirspurn um innleiðingu tilskipunar 2006/40/EB |
12.8.2021 | Neytendasamtökin | Breki Karlsson | Starfshópur um 1. gr. póstlaga – skipunarbréf |
12.8.2021 | Samtök verslunar og þjónustu | Benedikt S. Benediktsson | Starfshópur um 1. gr. póstlaga – skipunarbréf |
27.8.2021 | Samtök verslunar og þjónustu | Benedikt S. Benediktsson | Áherslur SVÞ í starfshópi um póstmál |
2.9.2021 | Samtök fjármálafyrirtækja | Margrét Arnheiður Jónsdóttir | Kerfiskennitölur |
10.9.2021 | Samtök atvinnulífsins | Halldór Benjamín Þorbergsson | Beiðni um tilnefningu í starfshóp um endurskoðun lagaumhverfis almenningssamgangna |
16.9.2021 | Samtök ferðaþjónustunnar | Skapti Örn Ólafsson | SAF-ferðaþjónustudagurinn – pallborðsumræður |
20.9.2021 | Samtök atvinnulífsins | Sigríður Ásmundsdóttir | Starfshópur um endurskoðun lagaumhverfis almenningssamgangna – tilnefning |
30.9.2021 | Öryrkjabandalag Íslands | Þuríður Harpa Sigurðardóttir | Boð á ársfund Jöfnunarsjóðs sveitarfélaga |
11.10.2021 | Öryrkjabandalag Íslands | Stefán Vilbergsson | Aðgengismál á biðstöðvum strætó á landsbyggðinni |
12.10.2021 | Öryrkjabandalag Íslands | Stefán Vilbergsson | Tilkynning um verkefnastyrk til ÖBÍ |
28.10.2021 | Samtök verslunar og þjónustu | Benedikt S. Benediktsson | Ósk um fund ráðuneytis, Samgöngustofu og tæknistjóra bifreiðaskoðunarstofa |
1.11.2021 | Samtök ferðaþjónustunnar | Gunnar Valur Sveinsson | Fyrirspurn um afnám leyfisskoðunar hópbifreiða |
3.11.2021 | Samtök atvinnulífsins og Samtök iðnaðarins | Halldór Benjamín Þorbergsson og Sigurður Hannesson | Erindi vegna samráðsleysis um langtímasýn Íslands í átt að kolefnishlutleysi |
16.12.2021 | Öryrkjabandalag Íslands | Stefán Vilbergsson | Viðtalsbeiðni til ráðherra vegna aðgengismála |
22.12.2021 | Samtök verslunar og þjónustu | Benedikt S. Benediktsson | Póstmálefni |
14.1.2022 | Öryrkjabandalag Íslands | Þuríður Harpa Sigurðardóttir | Fyrirspurn um hækkun húsnæðisbóta |
18.1.2022 | Öryrkjabandalag Íslands | Þuríður Harpa Sigurðardóttir | Fyrirspurn um hækkun húsnæðisbóta |
19.1.2022 | Samorka | Páll Erland | Viðtalsbeiðni til ráðherra |
21.1.2022 | Samtök iðnaðarins | Jóhanna Klara Stefánsdóttir | Útboðsþing SI |
25.1.2022 | Félag atvinnurekenda | Ólafur Stephensen | Póstmálefni |
26.1.2022 | Samtök fyrirtækja í sjávarútvegi | Jón Kristinn Sverrisson | Erindi vegna undanþágunefndar og mönnunarnefndar skipa |
31.1.2022 | Þroskahjálp | Árni Múli Jónasson | Rafrænar íbúakosningar sveitarfélaga |
31.1.2022 | Samorka | Berglind Rán Ólafsdóttir | Viðtalsbeiðni til ráðherra |
31.1.2022 | Samband garðyrkjubænda | Ragna Sigurðardóttir | Lögbundin tilkynning um kosningu varaforseta borgarstjórnar |
4.2.2022 | Samtök ferðaþjónustunnar | Gunnar Valur Sveinsson | Viðtalsbeiðni til ráðherra vegna skoðanatíðni bílaleigubíla |
4.2.2022 | Samtök ferðaþjónustunnar | Gunnar Valur Sveinsson | Tillaga að breytingu á reglugerð nr. 414/2021 um skoðanatíðni bílaleigubíla |
16.2.2022 | Þroskahjálp | Árni Múli Jónasson | Fyrirspurn um húsnæðis- og mannvirkjamál |
18.2.2022 | Samtök fjármálafyrirtækja | Margrét Arnheiður Jónsdóttir | Kerfiskennitölur |
21.2.2022 | Samtök ferðaþjónustunnar | Gunnar Valur Sveinsson | Málefni ferðaþjónustunnar |
23.2.2022 | Félag atvinnurekenda | Guðný Hjaltadóttir | Viðtalsbeiðni til ráðherra vegna lítilla fyrirtækja sem teljast mikilvægir innviðir |
28.2.2022 | Þroskahjálp | Árni Múli Jónasson | Fasteignasjóður – stofnframlag vegna framkvæmda með HMS |
9.3.2022 | Samorka | Páll Erland | Fundur um orkumál |
11.3.2022 | Samtök ferðaþjónustunnar | Gunnar Valur Sveinsson | Málefni ferðaþjónustunnar |
16.3.2022 | Öryrkjabandalag Íslands | Eva Þengilsdóttir | Starfshópur um greiningu á stöðu fatlaðs fólks í samgöngum á Íslandi – tilnefning |
24.3.2022 | Samtök iðnaðarins | Jóhanna Klara Stefánsdóttir | Ráðstefna í tengslum við Verk og vit – pallborðsumræður |
24.3.2022 | Félag atvinnurekenda | Guðný Hjaltadóttir | Póstmálefni |
30.3.2022 | Samorka | Páll Erland | Beiðni um ávarp ráðherra á Samorkuþingi |