Ferill 728. máls. Aðrar útgáfur af skjalinu: PDF - Word Perfect.
152. löggjafarþing 2021–2022.
Þingskjal 1460 — 728. mál.
Svar
umhverfis-, orku- og loftslagsráðherra við fyrirspurn frá Sigurði Páli Jónssyni um niðurgreiðslu húshitunar.
1. Í hversu mörgum sveitarfélögum er hitaveita?
Hitaveitur er að finna í flestöllum sveitarfélögum landsins. Þær eru þó misstórar og ná til misstórs hluta íbúa þess en það veltur á aðstæðum hverju sinni, t.d. land- og jarðfræðilegum, hagkvæmni og einstaklingsbundnum.
Í töflu 1 eru talin upp þau sveitarfélög sem hafa hitaveitu(r) innan sinna svæða. Sveitarfélögunum er skipt upp eftir landshlutum. Flest þau sveitarfélög sem eru talin upp hér að aftan hafa hitaveitur með einkaleyfi samkvæmt orkulögum og eftir atvikum aðrar hitaveitur. Þessi upptalning er alls ekki tæmandi og áætlar Orkustofnun að um 200 smærri einkahitaveitur (sem ekki hafa einkaleyfi samkvæmt orkulögum) séu í landinu en nákvæm staðsetning þeirra er ekki fyrir hendi en mestur fjöldi þó á Suðurlandi.
Tafla 1. Sveitarfélög með hitaveitur innan sinna svæða (listinn er ekki tæmandi).
| Suðurnes | Höfuðborgarsvæðið | Vesturland |
| Grindavíkurbær | Garðabær | Borgarbyggð |
| Reykjanesbær | Hafnarfjarðarkaupstaður | Dalabyggð |
| Suðurnesjabær | Kjósarhreppur | Hvalfjarðarsveit |
| Sveitarfélagið Vogar | Kópavogsbær | Skorradalshreppur |
| Mosfellsbær | Stykkishólmsbær | |
| Reykjavíkurborg | ||
| Seltjarnarnesbær | ||
| Vestfirðir | Norðurland vestra | Norðurland eystra |
| Kaldrananeshreppur | Húnabyggð | Akureyrarbær |
| Reykhólahreppur | Húnaþing vestra | Dalvíkurbyggð |
| Skagabyggð | Eyjafjarðarsveit | |
| Skagafjörður | Fjallabyggð | |
| Sveitarfélagið Skagaströnd | Grýtubakkahreppur | |
| Hörgársveit | ||
| Norðurþing | ||
| Svalbarðsstrandarhreppur | ||
| Þingeyjarsveit | ||
| Tjörneshreppur | ||
| Austurland | Suðurland | |
| Fjarðabyggð | Ásahreppur | |
| Múlaþing | Bláskógabyggð | |
| Grímsnes- og Grafningshreppur | ||
| Hrunamannahreppur | ||
| Hveragerðisbær | ||
| Rangárþing eystra | ||
| Rangárþing ytra | ||
| Skeiða- og Gnúpverjahreppur | ||
| Sveitarfélagið Árborg | ||
| Sveitarfélagið Hornafjörður | ||
| Sveitarfélagið Ölfus |
2. Hversu margar íbúðir í þeim hafa ekki aðgang að hitaveitu og fá eigendur þeirra niðurgreiðslu af húshitunarkostnaði? Óskað er eftir upplýsingum um það um hversu mörg heimili er að ræða, tilgreint eftir sveitarfélögum.
Í lögum nr. 78/2002, um niðurgreiðslur húshitunarkostnaðar, er mælt fyrir um niðurgreiðslu kostnaðar við hitun íbúðarhúsnæðis hjá þeim sem ekki eiga kost á fullri hitun með jarðvarma. Íbúð samkvæmt lögunum er húsnæði þar sem einhver hefur fasta búsetu og hefur sjálfstætt skráningarauðkenni í fasteignaskrá. Dvalarheimili aldraðra telst íbúðarhúsnæði samkvæmt lögunum. Þurfi umsækjandi að halda fleiri en eitt heimili vegna starfa, eigin náms eða náms fjölskyldu er heimilt að greiða niður húshitunarkostnað óháð því hvar lögheimili er skráð. Umsækjandi þarf að staðfesta þörf sína til þess að halda fleiri en eitt heimili með opinberu vottorði eða öðrum gögnum sem Orkustofnun metur nægileg.
Niðurgreitt er vegna allra íbúða þar sem ekki er aðgangur að hitaveitu, þ.e. í þeim tilvikum sem sótt er um niðurgreiðslur á húshitun í samræmi við lögin.
Tafla 2 sýnir áætlaðan fjölda íbúða sem hafa niðurgreiðslur á húshitun, eftir sveitarfélögum. Ætla má að þetta sé stærstur hluti þeirra sem hafa ekki aðgang að hitaveitu í viðkomandi sveitarfélögum. Orkustofnun hefur hins vegar ekki upplýsingar um heildarfjölda íbúða eftir sveitarfélögum og á því erfitt með að gefa út nákvæmar upplýsingar um þann fjölda sem hefur ekki aðgang að hitaveitu.
Ekki er farið í sérstaka upptalningu á íbúðum sem hafa niðurgreidda olíuhitun en slík húshitun er að mestu staðbundin í Grímsey, Flatey og á Grímsstöðum á Fjöllum.
Tafla 2 – Áætlaður fjöldi íbúða með niðurgreidda rafhitun og fjarvarma m.v. dags. 11.7.2022.
| Sv.f.nr. | Sveitarfélag | Rafhitun | Fjarvarmi | Alls | |
| Höfuðborgarsvæðið | 0 | Reykjavíkurborg | 30 | 0 | 30 |
| 1000 | Kópavogsbær | 5 | 0 | 5 | |
| 1100 | Seltjarnarnesbær | 0 | 0 | 0 | |
| 1300 | Garðabær | 0 | 0 | 0 | |
| 1400 | Hafnarfjarðarkaupstaður | 0 | 0 | 0 | |
| 1604 | Mosfellsbær | 10 | 0 | 10 | |
| 1606 | Kjósarhreppur | 8 | 0 | 8 | |
| Suðurnes | 2000 | Reykjanesbær | 2 | 0 | 2 |
| 2300 | Grindavíkurbær | 0 | 0 | 0 | |
| 2506 | Sveitarfélagið Vogar | 17 | 0 | 17 | |
| 2510 | Suðurnesjabær | 10 | 0 | 10 | |
| Vesturland | 3000 | Akraneskaupstaður | 0 | 0 | 0 |
| 3506 | Skorradalshreppur | 8 | 0 | 8 | |
| 3511 | Hvalfjarðarsveit | 56 | 0 | 56 | |
| 3609 | Borgarbyggð | 207 | 0 | 207 | |
| 3709 | Grundarfjarðarbær | 1.323 | 0 | 1.323 | |
| 3713 | Eyja- og Miklaholtshreppur | 21 | 0 | 21 | |
| 3714 | Snæfellsbær | 626 | 0 | 626 | |
| 3716 | Stykkishólmur/Helgafellssveit | 28 | 0 | 28 | |
| 3811 | Dalabyggð | 139 | 0 | 139 | |
| Vestfirðir | 4100 | Bolungarvíkurkaupstaður | 197 | 176 | 373 |
| 4200 | Ísafjarðarbær | 428 | 1.116 | 1.544 | |
| 4502 | Reykhólahreppur | 48 | 0 | 48 | |
| 4604 | Tálknafjarðarhreppur | 100 | 0 | 100 | |
| 4607 | Vesturbyggð | 203 | 232 | 435 | |
| 4803 | Súðavíkurhreppur | 73 | 0 | 73 | |
| 4901 | Árneshreppur | 19 | 0 | 19 | |
| 4902 | Kaldrananeshreppur | 12 | 0 | 12 | |
| 4911 | Strandabyggð | 192 | 0 | 192 | |
| Norðurland vestra | 5508 | Húnaþing vestra | 121 | 0 | 121 |
| 5609 | Sveitarfélagið Skagaströnd | 6 | 0 | 6 | |
| 5611 | Skagabyggð | 28 | 0 | 28 | |
| 5613 | Húnabyggð | 136 | 0 | 136 | |
| 5716 | Skagafjörður | 112 | 0 | 112 | |
| Norðurland eystra | 6000 | Akureyrarbær | 3 | 0 | 3 |
| 6100 | Norðurþing | 1.173 | 0 | 1.173 | |
| 6250 | Fjallabyggð | 5 | 0 | 5 | |
| 6400 | Dalvíkurbyggð | 27 | 0 | 27 | |
| 6513 | Eyjafjarðarsveit | 64 | 0 | 64 | |
| 6515 | Hörgársveit | 59 | 0 | 59 | |
| 6601 | Svalbarðsstrandarhreppur | 2 | 0 | 2 | |
| 6602 | Grýtubakkahreppur | 8 | 0 | 8 | |
| 6611 | Tjörneshreppur | 21 | 0 | 21 | |
| 6613 | Þingeyjarsveit | 128 | 0 | 128 | |
| 6710 | Langanesbyggð/Svalbarðshreppur | 2.230 | 0 | 2.230 | |
| Austurland | 7300 | Fjarðabyggð | 1.586 | 0 | 1.586 |
| 7400 | Múlaþing | 1.530 | 219 | 1.749 | |
| 7502 | Vopnafjarðarhreppur | 271 | 0 | 271 | |
| 7505 | Fljótsdalshreppur | 28 | 0 | 28 | |
| Suðurland | 8000 | Vestmannaeyjabær | 136 | 1.536 | 1.672 |
| 8200 | Sveitarfélagið Árborg | 43 | 0 | 43 | |
| 8401 | Sveitarfélagið Hornafjörður | 352 | 0 | 352 | |
| 8508 | Mýrdalshreppur | 205 | 0 | 205 | |
| 8509 | Skaftárhreppur | 1.166 | 0 | 1.166 | |
| 8610 | Ásahreppur | 3 | 0 | 3 | |
| 8613 | Rangárþing eystra | 282 | 0 | 282 | |
| 8614 | Rangárþing ytra | 197 | 0 | 197 | |
| 8710 | Hrunamannahreppur | 15 | 0 | 15 | |
| 8716 | Hveragerðisbær | 2 | 0 | 2 | |
| 8717 | Sveitarfélagið Ölfus | 19 | 0 | 19 | |
| 8719 | Grímsnes- og Grafningshreppur | 24 | 0 | 24 | |
| 8720 | Skeiða- og Gnúpverjahreppur | 1 | 0 | 1 | |
| 8721 | Bláskógabyggð | 34 | 0 | 34 | |
| 8722 | Flóahreppur | 149 | 0 | 149 | |
| Alls | 13.928 | 3.279 | 17.207 |
3. Hversu mörg og hvaða sveitarfélög fá niðurgreiðslur til húshitunar og hversu mörg sveitarfélög og hvaða fá ekki niðurgreiðslur?
Íbúar í nær öllum sveitarfélögum landsins fá niðurgreiðslur til húshitunar. Lög nr. 78/2002, um niðurgreiðslur húshitunarkostnaðar, útiloka ekki nein einstök sveitarfélög frá því að íbúar þess geti fengið niðurgreiðslur á sinni húshitun. Skilyrði þess að fá niðurgreiðslur er að viðkomandi íbúðarhúsnæði hafi ekki aðgang að hitaveitu og að í því sé skráð föst búseta. Í heildina er að finna niðurgreiðslur í 59 sveitarfélögum af 64 (sjá töflu 2 í svari við 2. tölul. fyrirspurnarinnar). Í eftirfarandi sveitarfélögum er ekki að finna íbúðarhúsnæði sem hlýtur niðurgreiðslur:
– Akraneskaupstaður.
– Akureyrarbær (fyrir utan Grímsey og eitt hús í Hrísey).
– Garðabær.
– Grindavíkurbær.
– Hafnarfjarðarkaupstaður.
– Seltjarnarnesbær.
