Ferill 304. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 309 — 304. mál.
Fyrirspurn
til heilbrigðisráðherra um lífeindafræðinga.
Frá Þórunni Sveinbjarnardóttur.
1. Hve mörg stöðugildi lífeindafræðinga voru á Landspítala og Sjúkrahúsinu á Akureyri árin 2016 og 2021?
2. Hversu margir lífeindafræðingar mönnuðu þessi stöðugildi?
3. Hve mörg stöðugildi lífeindafræðinga voru á heilsugæslustöðvum eftir heilbrigðisumdæmum árin 2016 og 2021?
4. Hversu margir lífeindafræðingar mönnuðu þessi stöðugildi?
5. Hefur ráðuneytið sett viðmið um mönnun lífeindafræðinga á heilbrigðisstofnunum?
6. Hefur ráðuneytið hafið vinnu við að skilgreina störf lífeindafræðinga í heilbrigðiskerfinu og hvort störf þeirra eða hluti starfa þeirra geti verið unninn af öðrum fagstéttum í heilbrigðiskerfinu?
7. Hvert er lágmarksviðmið um mönnun lífeindafræðinga á heilbrigðisstofnunum?
8. Getur ráðuneytið upplýst um meðalaldur og kynjaskiptingu í stétt lífeindafræðinga?
9. Getur ráðuneytið upplýst um fjölda einstaklinga sem leggja stund á nám í lífeindafræði til BS-gráðu (180 ECTS)?
10. Getur ráðuneytið upplýst um fjölda einstaklinga sem leggja stund á diplómanám til starfsréttinda í lífeindafræði (60 ECTS)?
Skriflegt svar óskast.