Ferill 386. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 414 — 386. mál.
Fyrirspurn
til forsætisráðherra um samskipti við Björk Guðmundsdóttur og Gretu Thunberg.
Frá Jóhanni Páli Jóhannssyni.
1. Hvernig svaraði ráðherra erindi Bjarkar Guðmundsdóttur og Gretu Thunberg um yfirlýsingu um neyðarástand í loftslagsmálum haustið 2019?
2. Gaf ráðherra Björk og Gretu fyrirheit um að vænta mætti formlegrar yfirlýsingar frá ráðherra, ríkisstjórninni eða Alþingi um neyðarástand í loftslagsmálum?
3. Hvatti ráðherra Björk og Gretu til að hætta við að halda blaðamannafund þar sem krafist yrði yfirlýsingar um neyðarástand í loftslagsmálum, sbr. frásögn Bjarkar Guðmundsdóttur í viðtali í Víðsjá á Rás 1?
Skriflegt svar óskast.