Ferill 402. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 448 — 402. mál.
Fyrirspurn
til mennta- og barnamálaráðherra um jafnréttis- og kynfræðslu.
Frá Bjarkeyju Olsen Gunnarsdóttur.
1. Hvað líður þeim markmiðum sem sett eru fram í lið D.1. Heilsuefling í menntastefnu fyrir árin 2021–2030, sbr. þingsályktun nr. 16/151, að því er varðar jafnréttissjónarmið og kynfræðslu sem fjallað er um í greinargerð með þingsályktunartillögunni?
2. Hver er staðan á innleiðingu jafnréttis sem grunnstoðar á öllum skólastigum samkvæmt aðalnámskrám allra skólastiga frá 2011? Hefur sú innleiðing leitt til frekari jafnréttiskennslu óháð skólastigum?
3. Hver er staðan á innleiðingu tillagna starfshóps um markvissa kennslu um kynheilbrigði og ofbeldisforvarnir í grunn- og framhaldsskólum?
4. Er áhersla á jafnréttis- og kynfræðslu sem og kynheilbrigði hluti af þeirri endurskoðun á stuðningi við skólastarf sem ráðherra hefur boðað?
Skriflegt svar óskast.
