Ferill 368. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 454 — 368. mál.
Svar
félags- og vinnumarkaðsráðherra við fyrirspurn frá Ingu Björk Margrétar Bjarnadóttur um greiðslur til fyrirtækja í velferðarþjónustu.
Fyrirspurnin hljóðar svo:
1. Hversu mikið hafa ríki og sveitarfélög greitt fyrirtækjum í velferðarþjónustu sem rekin eru í hagnaðarskyni fyrir þjónustu sína, sundurliðað eftir fyrirtækjum og árum á tímabilinu 2012–2022?
2. Hversu háar arðgreiðslur hafa fyrrgreind fyrirtæki greitt sér á framangreindu tímabili, sundurliðað eftir fyrirtækjum og árum?
3. Hyggst ráðherra beita sér fyrir því að takmarka arðgreiðslur í velferðarþjónustu?
Félags- og vinnumarkaðsráðuneytið hefur ekki gert samninga við fyrirtæki í velferðarþjónustu sem rekin eru í hagnaðarskyni fyrir þjónustu sína. Þeir samningar sem gerðir hafa verið um þjónustukaup á málefnasviðum ráðuneytisins, sem ekki falla undir starfsemi stofnana ráðuneytisins, hafa hingað til verið við óhagnaðardrifin félagasamtök.
