Ferill 665. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1186 — 665. mál.
Svar
utanríkisráðherra við fyrirspurn frá Ingu Sæland um sendiráð og ræðismenn Íslands.
Ísland er með sendiráð á eftirtöldum stöðum, sem sum gegna einnig hlutverki fastanefndar:
− Sendiráð Íslands í Berlín, stofnað 1952.
− Sendiráð Íslands í Brussel, stofnað 1967.
− Sendiráð Íslands í Genf, stofnað 1970.
− Sendiráð Íslands í Helsinki, stofnað 1997.
− Sendiráð Íslands í Kampala, stofnað 2004.
− Sendiráð Íslands í Kaupmannahöfn, stofnað 1920.
− Sendiráð Íslands í Lilongwe, stofnað 1989.
− Sendiráð Íslands í London, stofnað 1940.
− Sendiráð Íslands í Moskvu, stofnað 1944.
− Sendiráð Íslands í Nýju-Delí, stofnað 2006.
− Sendiráð Íslands í Ottawa, stofnað 2001.
− Sendiráð Íslands í Ósló, stofnað 1947.
− Sendiráð Íslands í París, stofnað 1946.
− Sendiráð Íslands í Peking, stofnað 1995.
− Sendiráð Íslands í Stokkhólmi, stofnað 1940.
− Sendiráð Íslands í Tókýó, stofnað 2001.
− Sendiráð Íslands í Varsjá, stofnað 2022.
− Sendiráð Íslands í Vín, stofnað 1999.
− Sendiráð Íslands í Washington, stofnað 1941.
Að auki er Ísland með fastanefndir og aðalræðisskrifstofur á eftirtöldum stöðum:
− Fastanefnd Íslands hjá Atlantshafsbandalaginu, stofnuð 1952.
− Fastanefnd Íslands hjá Evrópuráðinu í Strassborg, stofnuð 2020.
− Fastanefnd Íslands hjá alþjóðastofnunum í Róm, stofnuð 2010.
− Fastanefnd Íslands hjá Sameinuðu þjóðunum í New York, stofnuð 1965.
− Aðalræðisskrifstofa Íslands í New York, stofnuð 1940.
− Aðalræðisskrifstofa Íslands í Nuuk, stofnuð 2013.
− Aðalræðisskrifstofa Íslands í Winnipeg, stofnuð 1999.
− Aðalræðisskrifstofa Íslands í Þórshöfn, stofnuð 2007.
2. Hverjir eru sendiherrar Íslands í sendiráðum í einstökum ríkjum og ríkjasamböndum og hvenær hófu þeir störf í viðkomandi sendiráðum?
− María Erla Marelsdóttir, sendiherra Íslands í Berlín, hóf störf þar árið 2019.
− Kristján Andri Stefánsson, sendiherra Íslands í Brussel, hóf störf þar árið 2020.
− Einar Gunnarsson, sendiherra Íslands í Genf og fastafulltrúi hjá alþjóðastofnunum í Genf, hóf störf þar árið 2022.
− Harald Aspelund, sendiherra Íslands í Helsinki, hóf störf þar árið 2022.
− Þórdís Sigurðardóttir, forstöðumaður sendiráðsins í Kampala, hóf störf þar árið 2020.
− Helga Hauksdóttir, sendiherra Íslands í Kaupmannahöfn, hóf störf þar árið 2019.
− Inga Dóra Pétursdóttir, forstöðumaður sendiráðsins í Lilongwe, hóf störf þar árið 2020.
− Sturla Sigurjónsson, sendiherra Íslands í London, hóf störf þar árið 2020.
− Árni Þór Sigurðsson, sendiherra Íslands í Moskvu, hóf störf þar árið 2020.
− Guðni Bragason, sendiherra Íslands í Nýju-Delí, hóf störf þar árið 2021.
− Hlynur Guðjónsson, sendiherra Íslands í Ottawa, hóf störf þar árið 2021.
− Högni S. Kristjánsson, sendiherra Íslands í Ósló, hóf störf þar árið 2022.
− Unnur Orradóttir Ramette, sendiherra Íslands í París, hóf störf þar árið 2020.
− Þórir Ibsen, sendiherra Íslands í Peking, hóf störf þar árið 2021.
− Bryndís Kjartansdóttir, sendiherra Íslands í Stokkhólmi, hóf störf þar árið 2022.
− Stefán Haukur Jóhannesson, sendiherra Íslands í Tókýó, hóf störf þar árið 2020.
− Hannes Heimisson, sendiherra Íslands í Varsjá, hóf störf þar árið 2022.
− Bergdís Ellertsdóttir, sendiherra Íslands í Washington, hóf störf þar árið 2019.
− Hermann Örn Ingólfsson, fastafulltrúi Íslands gagnvart Atlantshafsbandalaginu í Brussel, hóf störf þar árið 2019.
− Ragnhildur Arnljótsdóttir, fastafulltrúi Íslands gagnvart Evrópuráðinu í Strassborg, hóf störf þar árið 2020.
− Matthías G. Pálsson, fastafulltrúi Íslands gagnvart alþjóðastofnunum í Róm, hóf störf þar árið 2021.
− Jörundur Valtýsson, fastafulltrúi Íslands hjá Sameinuðu þjóðunum í New York, hóf störf þar árið 2019.
− Kristín A. Árnadóttir, sendiherra Íslands í Vín og fastafulltrúi gagnvart alþjóðastofnunum í Vín, hóf störf þar árið 2021.
− Nikulás Hannigan, aðalræðismaður Íslands í New York, hóf störf þar árið 2021.
− Geir Oddsson, aðalræðismaður Íslands í Nuuk, hóf störf þar árið 2022.
− Vilhjálmur Wiium, aðalræðismaður í Winnipeg, hóf störf þar árið 2022.
− Ágústa Gísladóttir, aðalræðismaður í Þórshöfn, hóf störf þar árið 2022.
3. Hver er starfsmannafjöldi hvers sendiráðs Íslands?
Ísland er með 27 sendiskrifstofur í 22 ríkjum. Stöðugildi á sendiskrifstofum erlendis eru 170, þar af eru 68 útsendir diplómatar og 10 sérfræðingar frá öðrum ráðuneytum. Nánari upplýsingar er að finna í fylgiskjali 1.
4. Hvernig hefur starfsmannafjöldi hvers sendiráðs Íslands í ríki eða ríkjasambandi þróast á síðustu fjórum árum?
Þróun starfsmannafjölda á sendiskrifstofum Íslands tekur mið af stefnu ríkisstjórnar í utanríkismálum og þeim málum sem eru í brennidepli á hverjum tíma. Fjöldi útsendra starfsmanna á sendiskrifstofu er mjög breytilegur eftir umfangi málefna og að teknu tilliti til starfs alþjóðastofnana þar sem um slíkt ræðir. Á minnstu sendiskrifstofum er einn útsendur starfsmaður en á þeim stærstu um sex til sjö. Því til viðbótar starfa staðarráðnir starfsmenn á hverjum stað, m.a. að stoðþjónustuverkefnum, borgaraþjónustu, sem viðskiptafulltrúar og almennir starfsmenn.
5. Í hvaða ríkjum og ríkjasamböndum er Ísland með ræðismenn?
Ísland er með 208 ólaunaða kjörræðismenn í 98 ríkjum. Nánari upplýsingar má finna í fylgiskjali 2. Ísland er jafnframt með fjóra útsenda aðalræðismenn sem starfa á aðalræðisskrifstofum Íslands í New York, Nuuk, Winnipeg og Þórshöfn.
6. Hverjir eru ræðismenn Íslands og hvenær hófu þeir störf?
Ísland er með fjóra útsenda aðalræðismenn sem starfa á aðalræðisskrifstofum Íslands:
− Nikulás Hannigan, aðalræðismaður Íslands í New York, hóf störf þar árið 2021.
− Geir Oddsson, aðalræðismaður Íslands í Nuuk, hóf störf þar árið 2022.
− Vilhjálmur Wiium, aðalræðismaður í Winnipeg, hóf störf þar árið 2022.
− Ágústa Gísladóttir, aðalræðismaður í Þórshöfn, hóf störf þar árið 2022.
Ísland er jafnframt með 208 ólaunaða kjörræðismenn á sínum vegum, sjá fylgiskjal 2.
7. Hver er árlegur kostnaður við rekstur sendiráða Íslands og fastanefnda?
Þess má geta að rekstrarupplýsingar sendiskrifstofa eru birtar ár hvert í skýrslu utanríkisráðherra til Alþingis. Ef undanskildar eru sendiskrifstofurnar fjórar úr svari við 6. tölul. fyrirspurnarinnar sýnir tafla 1 hvernig rekstrarkostnaður síðustu fjögurra ára skiptist:
Tafla 1.
| 2019 | 2020 | 2021 | 2022 |
| 3.635.040.289 | 3.3733.508.064 | 3.839.373.409 | 4.224.384.664 |
Þess er vert að geta að sameiginlegur útgjaldaliður allra sendiskrifstofanna, einnig aðalræðisskrifstofa, er hluti af tölunum í töflu 1. Tafla 2 sýnir kostnaðinn þegar sá útgjaldaliður er dreginn frá:
Tafla 2.
| 2019 | 2020 | 2021 | 2022 |
| 2.889.228.162 | 3.004.098.681 | 3.103.801.337 | 3.486.995.834 |
8. Hver er árlegur kostnaður við rekstur ræðisskrifstofa og þjónustu ræðismanna Íslands?
Tafla 3 sýnir hvernig kostnaður aðalræðisskrifstofanna fjögurra skiptist á síðustu fjórum árum:
Tafla 3.
| 2019 | 2020 | 2021 | 2022 |
| 212.250.201 | 211.349.749 | 237.360.151 | 251.657.799 |
Kostnaður við þjónustu kjörræðismanna Íslands á tímabilinu 2019–2022 var 1.696.149 kr. 65% af þeirri upphæð var greidd af aðalskrifstofu utanríkisráðuneytisins og 35% af sendiskrifstofum þess, sem þýðir að sú upphæð er hluti af samanlögðum rekstrarkostnaði sendiskrifstofanna sem vísað er í í töflum 1–3. Kjörræðismenn Íslands eru ólaunaðir og er þessi upphæð að stærstum hluta endurgreiðsla á útlögðum kostnaði af kjörræðisstörfum þeirra.
Alls fóru átta vinnustundir í að taka svarið saman.
Fylgiskjal I.
www.althingi.is/altext/pdf/153/fylgiskjol/s1186-f_I.pdf
Fylgiskjal II.
