Ferill 609. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1571 — 609. mál.
Svar
dómsmálaráðherra við fyrirspurn frá Gísla Rafni Ólafssyni um frávísun kæra.
Fyrirspurnin hljóðar svo:
1. Hversu mörgum kærum til lögreglu var vísað frá ár hvert árin 2018–2022 á grundvelli 3. mgr. 52. gr. laga um meðferð sakamála, nr. 88/2008? Svar óskast sundurliðað eftir brotaflokkum.
2. Hvert var hlutfall kæra sem vísað var frá af öllum kærum ár hvert á sama tímabili?
Samkvæmt 4. mgr. 52. gr. laga um meðferð sakamála, nr. 88/2008, vísar lögregla frá kæru um brot ef ekki þykja efni til að hefja rannsókn út af henni. Sé rannsókn hafin getur lögregla einnig hætt henni ef ekki þykir grundvöllur til að halda henni áfram, svo sem ef í ljós kemur að kæra hefur ekki verið á rökum reist eða brot er smávægilegt og fyrirsjáanlegt er að rannsóknin muni hafa í för með sér óeðlilega mikla fyrirhöfn og kostnað. Ef kæru er vísað frá eða rannsókn hætt er lögreglu skylt að tilkynna það kæranda hafi hann hagsmuna að gæta og benda honum á að hann geti kært ákvörðunina til ríkissaksóknara, sbr. 5. mgr. 52. gr. laga um meðferð sakamála.
Eftirfarandi tafla sýnir fjölda þeirra brota sem fengið hafa ferilinn vísað frá eða rannsókn hætt hjá lögreglu eftir því ári sem brot var tilkynnt til lögreglu. Þá sýnir taflan heildarfjölda brota sem tilkynnt voru til lögreglu sama ár og hlutfall þeirra brota sem var vísað frá eða rannsókn var hætt hjá lögreglu. Bent er á að ekki hefur öllum málum verið lokið og geta þessar tölur því tekið breytingum.
| |
Vísað frá | Rannsókn hætt hjá lögreglu | Heildarfjöldi skráðra brota | Hlutfall mála sem var vísað frá eða rannsókn hætt |
| 2018 | 121 | 21.504 | 96.865 | 22,3% |
| 2019 | 174 | 17.917 | 94.273 | 19,2% |
| 2020 | 177 | 10.418 | 73.954 | 14,3% |
| 2021 | 204 | 14.722 | 82.938 | 18,0% |
| 2022 | 170 | 17.161 | 77.079 | 22,5% |
Eftirfarandi tafla sýnir fjölda brota sem fengið höfðu ferilinn vísað frá og rannsókn hætt hjá lögreglu eftir því ári sem brot var tilkynnt og yfirflokki brota. Bent er á að ekki hefur öllum málum verið lokið og geta þessar tölur því tekið breytingum. Undir flokkinn umferðarlagabrot í meðfylgjandi töflu falla einkum umferðarlagabrot erlendra ferðamanna sem varða hraðakstur og ekki hefur tekist að fullnusta.
| 2018 | 2019 | 2020 | 2021 | 2022 | |
| Hegningarlagabrot |
|||||
| Auðgunarbrot | 3.299 | 3.269 | 3.408 | 3.809 | 3.217 |
| Brot á almannafriði og allsherjarreglu | 2 | 5 | 7 | 3 | 9 |
| Brot á reglum um framfærslu og atvinnuhætti | 3 | 2 | 8 | ||
| Brot gegn frjálsræði manna | 9 | 7 | 6 | 14 | 11 |
| Brot gegn stjórnskipun ríkisins og æðstu stjórnvöldum | 2 | 1 | |||
| Brot gegn valdstjórninni | 25 | 25 | 9 | 8 | 9 |
| Brot í opinberu starfi | 15 | 14 | 6 | 21 | 5 |
| Brot sem hafa í för með sér almannahættu | 40 | 34 | 32 | 40 | 34 |
| Kynferðisbrot | 37 | 31 | 27 | 30 | 19 |
| Landráð | 1 | 2 | 2 | 4 | |
| Manndráp og líkamsmeiðingar | 428 | 371 | 402 | 710 | 641 |
| Peningafals og önnur brot er varða gjaldmiðil | 15 | 29 | 11 | 15 | 9 |
| Rangur framburður og rangar sakargiftir | 8 | 30 | 17 | 21 | 14 |
| Sifskaparbrot | 1 | 2 | 3 | ||
| Skjalafals og önnur brot er varða sýnileg sönnunargögn | 89 | 67 | 63 | 78 | 40 |
| Um skilorðsbundna frestun ákæru og skilorðsbundna dóma | 1 | ||||
| Ýmis brot á hagsmunum almennings | 1 | 1 | |||
| Ýmis brot er varða fjárréttindi | 1.564 | 1.473 | 1.510 | 1.787 | 1.403 |
| Ærumeiðingar og brot gegn friðhelgi einkalífs | 256 | 254 | 384 | 434 | 347 |
| Annað | 2 | 1 | 1 | ||
| Sérrefsilagabrot | 975 | 1.121 | 1.052 | 1.159 | 1.057 |
| Umferðarlagabrot | 14.857 | 11.355 | 3.653 | 6.781 | 10.507 |
