Ferill 1037. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 2179 — 1037. mál.
Svar
innviðaráðherra við fyrirspurn frá Birni Leví Gunnarssyni um fjölda íbúa í íbúðum.
1. Í hversu mörgum íbúðum á enginn sér skráð lögheimili, í hversu mörgum íbúðum á einn sér skráð lögheimili, í hversu mörgum íbúðum eiga tveir sér skráð lögheimili, og svo framvegis?
Fjöldi húseigna sem ekki hafa skráða íbúa er samtals 4.011 eða um 5,5% af öllum húseignum landsins. Ekki er hægt að taka út tölur niður á íbúðanúmer þar sem ekki eru allir íbúar fjölbýlishúsa skráðir niður á íbúðanúmer og því ekki hægt að segja til um fjölda einstaklinga í hverri íbúð eins og staðan er í dag.
2. Hversu margir eiga sér ekki skráð lögheimili neins staðar?
Alls eru 3.745 einstaklingar sem eru ekki skráðir á lögheimili, þ.e. með ótilgreint lögheimili.
3. Stemmir fjöldi þeirra sem eiga sér skráð lögheimili við fjölda íbúa á Íslandi? Ef svo er ekki, hverju munar?
Þessar tölur stemma við skráningu í þjóðskrá um fjölda íbúa og lögheimila.
