Ferill 1069. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 2199 — 1069. mál.
Svar
félags- og vinnumarkaðsráðherra við fyrirspurn frá Vilborgu Kristínu Oddsdóttur um stöðu einstæðra foreldra á endurhæfingarlífeyri.
1. Hversu margir foreldrar barna yngri en 18 ára hafa fengið samþykkta umsókn sína um örorkulífeyri eftir endurhæfingu undanfarin fimm ár? Óskað er eftir sundurliðun eftir kyni, fjölda barna, því hversu stór hluti foreldra var einstæður og hversu stór hluti hafði áður sótt um örorkulífeyri.
Samkvæmt þeim upplýsingum sem ráðuneytið hefur aflað frá Tryggingastofnun var fjöldi samþykktra umsókna um örorkulífeyri frá foreldrum barna yngri en 18 ára eftir endurhæfingu undanfarin fimm ár eftirfarandi:
Hér er efni sem sést aðeins í pdf-skjalinu.
2. Liggja fyrir upplýsingar um menntunarstig og atvinnuþátttöku þeirra foreldra sem fengið hafa umsókn sína um örorkulífeyri samþykkta eftir endurhæfingu undanfarin fimm ár?
Samkvæmt upplýsingum Tryggingastofnunar liggja ekki fyrir upplýsingar um menntunarstig foreldra sem fengið hafa umsókn sína um örorkulífeyri samþykkta eftir endurhæfingu undanfarin fimm ár. Þá hefur stofnunin ekki upplýsingar um atvinnuþátttöku þessa hóps en aftur á móti liggja fyrir upplýsingar um þau sem hafa atvinnutekjur og koma þær upplýsingar fram í eftirfarandi töflu:
Hér er efni sem sést aðeins í pdf-skjalinu.
3. Liggja fyrir upplýsingar um menntunarstig og atvinnuþátttöku þeirra sem hefur verið synjað um örorkulífeyri undanfarin fimm ár?
Þessar upplýsingar liggja ekki fyrir.
4. Hver er meðaltími fólks á endurhæfingarlífeyri?
Í eftirfarandi töflu eru upplýsingar um meðaltíma fólks á endurhæfingarlífeyri miðað við þau sem ljúka töku endurhæfingarlífeyris á hverju ári:
Hér er efni sem sést aðeins í pdf-skjalinu.
5. Hefur verið gerð úttekt á því hvort þau sem fengið hafa endurhæfingu á skilgreindum starfsendurhæfingarstöðvum, t.d. Þraut, Janus, Starfsendurhæfingu Hafnarfjarðar eða sambærilegum stöðum, séu líklegri til þess að ná starfsorku, samanborið við þau sem ganga í gegnum endurhæfingu ein en þó undir umsjá fagaðila og fá sjúkraþjálfun, líkamsrækt og eitt viðtal við sérfræðing í hverjum mánuði?
Hvorki Tryggingastofnun né félags- og vinnumarkaðsráðuneytið hafa gert slíka úttekt.
