Ferill 260. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 972 — 260. mál.
Svar
félags- og vinnumarkaðsráðherra við fyrirspurn frá Jóhanni Páli Jóhannssyni um íslenskukennslu fyrir útlendinga.
Fyrirspurnin hljóðar svo:
Hversu há hafa framlög ríkisins verið til íslenskukennslu fyrir útlendinga árlega frá árinu 2000 og hvert hefur framlagið verið sömu ár umreiknað á hvern erlendan ríkisborgara með búsetu á landinu?
Í meðfylgjandi töflu má sjá framlög félags- og vinnumarkaðsráðuneytis og þáverandi mennta- og menningarmálaráðuneytis frá árinu 2005 til íslenskukennslu fyrir útlendinga utan formlega skólakerfisins en framhaldsfræðsla fellur undir málefnasvið félags- og vinnumarkaðsráðuneytis, sbr. forsetaúrskurð nr. 6/2022, um skiptingu stjórnarmálefna milli ráðuneyta í Stjórnarráði Íslands. S amkvæmt upplýsingum frá háskóla-, iðnaðar- og nýsköpunarráðuneyti, sem var áður mennta- og menningarmálaráðuneyti, liggja tölur ekki fyrir vegna áranna 2000 – 2004 en framhaldsfræðsla féll undir málefnasvið þáverandi mennta- og menningarmálaráðuneytis á því tímabili . Í töflunni má jafnframt sjá fjölda innflytjenda hér á landi frá árinu 2005 samkvæmt upplýsingum frá Hagstofu Íslands, miðað við 1. janúar ár hvert, sem og umreiknað fjárframlag hvers árs á hvern innflytjanda.
Ár | Styrkir til íslenskukennslu til fræðsluaðila | Fjöldi innflytjenda með búsetu í landinu 1. janúar | Umreiknað á hvern innflytjanda |
2005 | 15.000.000 | 13.033 | 1.151 |
2006 | 24.000.000 | 16.690 | 1.438 |
2007 | 164.000.000 | 22.110 | 7.417 |
2008 | 247.000.000 | 27.248 | 9.065 |
2009 | 110.000.000 | 28.648 | 3.840 |
2010 | 93.000.000 | 26.174 | 3.553 |
2011 | 107.000.000 | 25.967 | 4.121 |
2012 | 117.000.000 | 25.444 | 4.598 |
2013 | 115.000.000 | 25.928 | 4.435 |
2014 | 111.000.000 | 27.450 | 4.044 |
2015 | 116.000.000 | 29.198 | 3.973 |
2016 | 118.000.000 | 31.819 | 3.708 |
2017 | 137.236.400 | 36.005 | 3.812 |
2018 | 138.170.000 | 43.745 | 3.159 |
2019 | 143.000.000 | 50.279 | 2.844 |
2020 | 143.000.000 | 55.363 | 2.583 |
2021 | 276.649.375 | 57.126 | 4.843 |
2022 | 145.500.000 | 61.148 | 2.380 |
2023 | 232.650.000 | 71.424 | 3.257 |