Ferill 985. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1654 — 985. mál.
Svar
innviðaráðherra við fyrirspurn frá Andrési Inga Jónssyni um hafnarsvæðið í Þorlákshöfn.
Fyrirspurnin hljóðar svo:
Hver er afstaða ráðuneytisins til þess að þrengt hefur verið að þróunarmöguleikum hafnarsvæðisins innan byggðar í Þorlákshöfn, í ljósi þess að um er að ræða mikilvæga höfn í grunnneti?
Skipulagsvald hafnarinnar liggur hjá sveitarfélaginu. Ríkið hefur ekki aðhafst neitt sem heftir uppbyggingu hafnarinnar til framtíðar.
Núverandi uppbygging snýr að því að koma 200 m löngum skipum örugglega til hafnarinnar og eru framkvæmdirnar ríkisstyrktar í gegnum Hafnabótasjóð. Líkanagerð og forhönnun hafnarinnar var unnin af Vegagerðinni í samráði við sveitarfélagið. Gert er ráð fyrir að höfnin geti tekið á móti öllum þeim skipum sem vilja koma til Þorlákshafnar næstu árin.