Ferill 1031. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1913 — 1031. mál.
Svar
utanríkisráðherra við fyrirspurn frá Berglindi Ósk Guðmundsdóttur um nefndir á vegum ráðuneytisins og kostnað vegna þeirra.
1. Hverjar eru lögbundnar nefndir á vegum ráðuneytisins og hver hefur árlegur kostnaður við hverja þeirra verið frá 2021?
Þróunarsamvinnunefnd starfar samkvæmt lögum nr. 121/2008, um alþjóðlega þróunarsamvinnu Íslands, og skipar utanríkisráðherra fulltrúa í nefndina og varamenn þeirra. Utanríkisráðherra skipar einnig stjórn GRÓ – Þekkingarmiðstöðvar þróunarsamvinnu sem starfar samkvæmt reglugerð nr. 1260/2019. Kostnaður utanríkisráðuneytisins vegna nefndanna frá árinu 2021 er sem hér segir:
| 2021 | 2022 | 2023 | |
| Þróunarsamvinnunefnd | 186.264 kr. | 203.965 kr. | 0 kr. |
| Stjórn GRÓ | 58.208 kr. | 2.311.601 kr. | 2.984.872 kr. |
2. Hvaða aðra starfshópa og nefndir hefur ráðherra sett á laggirnar og hver hefur árlegur kostnaður við hverja þeirra verið frá 2021?
Kostnaður utanríkisráðuneytisins vegna annarra starfshópa og nefnda sem utanríkisráðherra hefur sett á laggirnar frá árinu 2021 er sem hér segir:
| Skipunarár | Lauk störfum |
2021 | 2022 | 2023 | |
| Starfshópur um heildstæða jafnréttisáætlun utanríkisráðuneytisins | 2021 | 2021 | 0 kr. | ||
| Starfshópur um landkynningar- og menningardagskrá í tengslum við formennsku Íslands í Evrópuráðinu | 2021 | 2023 | 0 kr. | 0 kr. | 0 kr. |
| Matshópur vegna þróunarsamvinnuverkefna félagasamtaka | 2021 | 2022 | 721.774 kr. | 457.376 kr. | |
| Matsnefnd um Heimsmarkmiðasjóð atvinnulífsins | 2021 | 2.204.125 kr. | 1.021.884 kr. | 1.090.704 kr. | |
| Samráðshópur um ljósleiðaramálefni | 2021 | 2021 | 0 kr. | ||
| Matshópur vegna kynningar- og fræðsluverkefna félagasamtaka | 2022 | 0 kr. | 0 kr. | ||
| Nefnd um ráðstöfun ljósleiðaraþráða | 2022 | 2022 | 0 kr. | ||
| Starfshópur til að vinna drög að frumvarpi til breytinga á lögum nr. 2/1993 til innleiðingar á bókun 35 við EES-samninginn | 2022 | 2023 | 0 kr. | 1.674.172 kr. | |
| Matshópur um styrkveitingar utanríkisráðuneytisins til félagasamtaka og fyrirtækja í þróunarsamvinnu | 2023 | 2023 | 738.864 kr. | ||
| Starfshópur vegna endurskoðunar á viðskiptakerfi með losunarheimildir fyrir flug | 2023 | 2023 | 0 kr. | ||
| Starfshópur um framkvæmd vegabréfsáritana | 2023 | 0 kr. | |||
| Nefnd um endurskoðun á regluverki varðandi vísindalegar rannsóknir í landhelgi, efnahagslögsögu og landgrunni Íslands | 2023 | 0 kr. | |||
| Samráðshópur um framkvæmd alþjóðlegra þvingunaraðgerða | 2024 | ||||
| Starfshópur um aðgerðir gegn gullhúðun | 2024 |
3. Hefur ráðherra skoðað að leggja niður nefndir? Ef svo er, hvaða nefndir?
Utanríkisráðherra skipar tímabundið í nefndir og starfshópa sem ekki er sérstaklega kveðið á um í lögum og miðast starfstími þeirra við framkvæmd þess verkefnis sem þeim hefur verið veitt umboð til þess að sinna. Ekki eru uppi áform um að leggja niður þær lögbundnu nefndir sem utanríkisráðherra skipar í.
Alls fóru sex vinnustundir í að taka svarið saman.
