Ferill 1186. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1983 — 1186. mál.
Fyrirspurn
til utanríkisráðherra um fríverslunarsamning við Ísrael.
Frá Andrési Inga Jónssyni.
1. Hver er ástæða þess að ekki er að finna tilvísun í mannréttindi í inngangsorðum fríverslunarsamnings við Ísrael, sem ásamt fríverslunarsamningi við Mexíkó er eini fríverslunarsamningur EFTA sem ekki er með slíkt ákvæði í inngangsorðum sínum, sbr. svar á 153. löggjafarþingi (251. mál)?
2. Kemur til álita að endurskoða fríverslunarsamning við Ísrael í ljósi þess að til rannsóknar er hvort framferði ísraelskra stjórnvalda á Gaza geti talist þjóðarmorð?
Skriflegt svar óskast.
