Árni Jónsson Fæddur á Reykjum í Reykjahverfi 24. ágúst 1891, dáinn 2. apríl 1947. Foreldrar: Jón Jónsson (fæddur 23. apríl 1855, dáinn 5. október 1912) alþingismaður í Múla og kona hans Valgerður Jónsdóttir (fædd 24. ágúst 1849, dáin 25. maí 1930) húsmóðir, dóttir Jóns Jónssonar þjóðfundarmanns á Lundarbrekku. Faðir Jónasar Árnasonar alþingismanns. Maki (18. desember 1916) Ragnheiður Jónasdóttir (fædd 16. nóvember 1892, dáin 27. nóvember 1956) húsmóðir. Foreldrar: Jónas Guðbrandsson og kona hans Guðríður Jónsdóttir. Börn: Valgerður (1918), Jón Múli (1921), Jónas (1923), Ragnheiður (1925), Guðríður (1925). Stúdentspróf MR 1911. Próf í forspjallsvísindum HÍ 1912. Var starfsmaður í verslunarfyrirtæki Louis Zöllners í Hull á Englandi 1912—1915. Verslunarmaður á Seyðisfirði 1916. Verslunarstjóri á Vopnafirði 1917—1924. Forstjóri Brunabótafélags Íslands 1924—1928. Ritstjóri í Reykjavík 1928—1930. Var síðan á fjórða ár á Seyðisfirði og gaf þar út og ritstýrði vikublaðinu Austfirðingi. Gerðist starfsmaður Sölusambands íslenskra fiskframleiðenda í Reykjavík haustið 1933. Var síðan stjórnmálaritstjóri og blaðamaður dagblaðsins Vísis til 1942. Ritstjóri Þjóðólfs og síðan Íslands 1942—1944. Vann að ritstörfum í Reykjavík eftir það til æviloka. Í bæjarstjórn Reykjavíkur 1942—1944 og var um tíma í útvarpsráði. Alþingismaður Norður-Múlasýslu 1923—1927 (Borgaraflokkurinn eldri, Íhaldsflokkurinn), landskjörinn alþingismaður (Norður-Múlasýslu) 1937—1942 (Sjálfstæðisflokkur). Landskjörinn varaþingmaður (Norður-Múlasýslu) nóvember 1937.
Gaf út Þjóðstjórnarannál, safn pólitískra ritgerða og kvæðabók og þýddi nokkrar bækur. Ritstjóri: Vörður (1928—1929), Ísafold og Vörður (1930), Austfirðingur (1930—1933), Þjóðólfur (1942), Ísland (1943—1944). |