Björn Jónsson
![Björn Jónsson Björn Jónsson](/myndir/thingmenn-cache/84/84-220.jpg)
Þingseta
Landskjörinn alþingismaður (Akureyrar) 1956–1959, alþingismaður Norðurlands eystra 1959–1974 (Alþýðubandalag, utan flokka, Samtök frjálslyndra og vinstri manna), landskjörinn alþingismaður (Reykvíkinga) 1978–1979 (Alþýðuflokkur). (Vegna veikinda sat hann ekki nema einn dag á þinginu 1978–1979.)
Varaþingmaður Reykvíkinga (Alþýðuflokkur) nóvember–desember 1975 og nóvember 1977.
Félagsmála- og samgönguráðherra 1973–1974.
Forseti efri deildar 1971–1973. 2. varaforseti efri deildar 1959.
Æviágrip
Fæddur á Úlfsstöðum í Blönduhlíð 3. september 1916, dáinn 26. apríl 1985. Foreldrar: Jón Kristján Kristjánsson (fæddur 16. janúar 1876, dáinn 20. nóvember 1961) barnakennari, síðar bóndi og 1. kona hans Rannveig Sveinsdóttir (fædd 28. janúar 1881, dáin 26. nóvember 1928) húsmóðir. Maki (1. nóvember 1941): Þórgunnur Kristbjörg Sveinsdóttir (fædd 1. apríl 1922, dáin 13. nóvember 1990) húsmóðir. Foreldrar: Sveinn Helgason og Svava Magnúsdóttir. Börn: Rannveig (1942), Hildur (1946), Björn (1949), Svava (1956).
Stúdentspróf MA 1936.
Verkamaður á Akureyri frá 1932, starfsmaður verkalýðsfélaganna þar 1946–1949 og 1952–1955. Forseti Alþýðusambands Íslands 1972–1980. Skipaður 16. júlí 1973 félagsmála- og samgönguráðherra. Lausn 6. maí 1974.
Bæjarfulltrúi á Akureyri 1954–1962. Í vinnutímanefnd 1961. Í stjórn Fiskimálasjóðs 1957–1965 og 1969–1971. Sat þing Alþjóðaþingmannasambandsins 1964. Í stjórn Atvinnujöfnunarsjóðs 1966–1970. Í stjórn Atvinnuleysistryggingasjóðs frá 1968 og í stjórn Framkvæmdastofnunar ríkisins 1972–1974. Í Norðurlandaráði 1972–1973. Skipaður 29. desember 1971 í nefnd um félagsmálaskóla.
Landskjörinn alþingismaður (Akureyrar) 1956–1959, alþingismaður Norðurlands eystra 1959–1974 (Alþýðubandalag, utan flokka, Samtök frjálslyndra og vinstri manna), landskjörinn alþingismaður (Reykvíkinga) 1978–1979 (Alþýðuflokkur). (Vegna veikinda sat hann ekki nema einn dag á þinginu 1978–1979.)
Varaþingmaður Reykvíkinga (Alþýðuflokkur) nóvember–desember 1975 og nóvember 1977.
Félagsmála- og samgönguráðherra 1973–1974.
Forseti efri deildar 1971–1973. 2. varaforseti efri deildar 1959.
Ritstjóri: Verkamaðurinn (1954–1956).
Æviágripi síðast breytt 23. október 2019.