04.05.1988
Neðri deild: 90. fundur, 110. löggjafarþing.
Sjá dálk 7420 í B-deild Alþingistíðinda. (5452)
454. mál, viðskiptabankar
Forseti (Þorv. Garðar Kristjánsson):
Svohljóðandi bréf hefur borist, dags. 5. maí 1988:
„Ólafur G. Einarsson, formaður þingflokks Sjálfstfl., hefur ritað mér á þessa leið:
„Þar sem Eyjólfur Konráð Jónsson, 8. þm. Reykv., er veikur og getur því ekki sótt þingfundi á næstunni leyfi ég mér að beiðni hans með skírskotun til 130. gr. laga um kosningar til Alþingis að óska þess að vegna setu 1. varamanns á þingi taki 2. varamaður Sjálfstfl. í Reykjavík, Jón Magnússon lögfræðingur, sæti á Alþingi í forföllum hans.“
Þetta er yður hér með tilkynnt, herra forseti.
Karl Steinar Guðnason,
forseti Ed."
Jón Magnússon lögfræðingur hefur áður tekið sæti á þessu þingi og er hann boðinn velkominn til starfa á ný.