Rannsóknir og nýting á auðlindum í jörðu.
Hæstv. forseti. Ég vil áfram spyrja hv. þingmann: Hvernig hugnast honum þetta tímabil sem nú er millistigstímabil að einhverri framtíðarsýn á því tímabili sem verður opinn markaður fyrir fyrirtæki til að komast í háhita og vatnsaflsauðlindir? Telur hann að það tímabil eigi ekki að nýta frekar til að stuðla enn frekar að grunnrannsóknum á vegum hins opinbera og skoða betur hvaða verðmæti liggja í háhitasvæðunum með tilliti til auðlinda, til örvera, til ímyndar landsins, áður en við gefum skotleyfi á (Forseti hringir.) landið og miðin í þeim tilgangi einum að ná þessum rannsóknarrétti og virkjanarétti í framtíðinni?