hjúkrunarheimili og öldrunarþjónusta.
Virðulegi forseti. Þetta eru tölur sem tala sínu máli, að þörfin sé svona mikil á höfuðborgarsvæðinu. Við höfum auðvitað séð það sem höfum fylgst með heilbrigðismálum í þinginu í tíð þessarar ríkisstjórnar að í heilbrigðisráðuneytinu hefur miklu meiri áhersla verið lögð á uppbyggingu á hjúkrunarheimilum úti á landi en á höfuðborgarsvæðinu.
Vegna þess að verið er að tala um byggingu á Lýsislóð og byggingu á höfuðborgarsvæðinu vildi ég gjarnan fá upplýst hjá hæstv. ráðherra hvar sú uppbygging stendur. Ég heyri ekki annað en að ekkert sé farið að vinna að þeirri uppbyggingu sem ráðgerð er á höfuðborgarsvæðinu og það eru nokkrir mánuðir í kosningar.
Það er margbúið að kynna þessa uppbyggingu á þessum hjúkrunarheimilum í Reykjavík en þar virðist varla vera lyft skóflu. Ég vil gjarnan fá upplýsingar um það hjá hæstv. ráðherra.