133. löggjafarþing — 56. fundur, 22. jan. 2007.
úrræði í málefnum barnaníðinga.
Virðulegi forseti. Í þessu máli eru mörg álitaefni sem er verið að skoða og fara yfir og vafalaust munum við birta skýrslu um málið. Ég vek athygli hv. þingmanns á því að nú liggur fyrir allsherjarnefnd Alþingis frumvarp til laga um breytingar á þeim kafla almennra hegningarlaga sem varða kynferðisbrot.
Þingið hefur þessi mál til meðferðar á þessari stundu og einnig er í undirbúningi og verður kynnt frumvarp um meðferð sakamála þar sem tekið er á þessum þáttum.