Ríkisútvarpið ohf.
Hæstv. forseti. Hér stefnir í að fest verði í lög, með vilja ríkisstjórnarinnar, lög um Ríkisútvarpið ohf. Ferill ríkisstjórnarinnar í einkavæðingu, hlutafélagavæðingu o.s.frv. hefur verið á einn veg. Það hefur verið áfangi á leið að því að taka ákvarðanir um að selja viðkomandi fyrirtæki.
Man ekki einhver eftir fyrstu tillögunum um einkahlutafélagavæðingu Símans? Minnast menn þess? Ég sé að sumir þingmenn í salnum líta niður á borðið og segja ekki neitt.
Ég segi nei við þessu frumvarpi eins og þingmenn Frjálslynda flokksins.