rannsóknir og nýting á auðlindum í jörðu.
Herra forseti. Við eigum þess kost, vonandi fljótlega, að ræða frumvarp um takmörkun á losunarheimildum gróðurhúsalofttegunda og hafa til þess meiri tíma og svigrúm og ég fagna því, (ÖS: Er það komið fram?) en síðan langaði mig í lokin á þessum andsvörum að árétta það, af því að menn eru að tala um hömlulausa stóriðjustefnu, hömlulaus áform, að ég vil frekar tala fyrir því að við ráðumst hömlulaust í friðlýsingar náttúruverðmæta okkar, tala fyrir hömlulausri náttúruvernd. Það eru þeir hagsmunir sem ég vil standa vörð um í þessu samhengi og ástæðan fyrir því að ég tók þátt í þessari umræðu í dag er að hluti af því frumvarpi og þeim ákvæðum sem eru í þessu frumvarpi sem við höfum verið að ræða fjallar um verndaráætlun, vernd náttúruauðlindanna (Forseti hringir.) og á að vinna á forsendum og forræði umhverfisráðuneytisins.