aðgerðaáætlun til að styrkja stöðu barna og ungmenna.
Hæstv. forseti. Ég tel rétt að koma hér upp fyrir atkvæðagreiðsluna og fagna því að þetta góða og vandaða mál sem unnist hefur á ótrúlega skömmum tíma, sem er aðgerðaáætlun í málefnum barna og ungmenna, skuli vera komið til atkvæðagreiðslu og ég treysti á að sú samstaða sem ríkt hefur um málið skili sér í samstöðu allra flokka í atkvæðagreiðslunni. Þetta er nýtt, stórt og merkilegt skref í málefnum barna og færir okkur framar í röðinni hvað varðar þennan málaflokk í heiminum. Við höfum sett okkur það markmið að vera í fremstu röð í menntamálum, heilbrigðismálum og málefnum barna og ungmenna og ég fagna því að við stígum hér mjög stórt skref í þá átt.