vörugjald af ökutækjum, eldsneyti o.fl. og virðisaukaskattur.
Herra forseti. Það er eðlilegt að þess sé gætt að ekki sé misfarið með hlutina. Ég skal hins vegar ekki segja hvort það er rétta leiðin að setja þak á það sem væri heimilt að endurgreiða vegna einstaks ökutækis. Það gæti ef til vill dregið úr áhuganum á því að flytja dýrustu ökutækin úr landi og þar með dregið úr þeim hag sem væri af því að fá gjaldeyristekjur inn í landið vegna þess.
En ég tel sjálfsagt að nefndin skoði það ef hún telur að ákvæðin í frumvarpinu séu ekki nægjanleg til þess að girða fyrir hugsanlega misnotkun. En við fyrstu umhugsun hef ég áhyggjur af slíkri takmörkun, á þeim forsendum sem ég upplýsti áðan.