137. löggjafarþing — 44. fundur, 15. júlí 2009.
aðildarumsókn að Evrópusambandinu.
38. mál
Frú forseti. Fyrirspurn hv. þm. Péturs Blöndals er fljótsvarað. Forræði okkar Íslendinga yfir íslenskum auðlindum þarf að sjálfsögðu að vera varanlegt, það er engin spurning í mínum huga.
Varðandi það hvort aðild að Evrópusambandinu er alþjóðahyggja eða heimóttarleg stefna, um það getum við deilt en svo mikið er víst að einangrað land norður í Dumbshafi sem hefur slitið tengsl sín við alþjóðasamfélagið er ekki sjálfstætt land.